Xar muôx 200 ziv chuôz zis nhoz jok Cang, xar Chiềng Hặc, huyện Yên Châu, tỉnh Sơn La hnuz 12/1 shir phaz tâu sir zôngv tênhv tênhz têz qơưk. Đhâu 20 shông tok njôngr, nhiv no muôx tênhv lok zôngv paz trâu tsôngv pêx xênhv sơưr đơưk pâuz tâu txos têx tsưr ziv uô nox yiêz chiê sir zôngv hâur luz nênhx, lênhx tưs cux lok six shir phaz. Zơưv Hà Văn Phanh, tsar jok Cang puz pâuz:“Thâuv ntêx tsik tâu muôx tênhv mak pêz njiz lok six ntâu phiv liv hâur luz nênhx thiêz huôv tsar kinh têr, tsuv zôngv mêir nổ xưz. Txos nhiv no tâu Đảng, têz qơưk thiêz công ty tênhv tênhz Sơn La chaz tênhv tuôx trâu pêz zôngv. Thiêz hâur jiês tsiêz no muôx tênhv tơưl pov cêr mak shir phaz hênhr. Pox nhuôs luz nênhx zuôr tâu hlôngr yiêz đuô, huôv tsar đuô”./.

(TTTB-Lik Thox cxêik nhênhv)

Sik đros phênhz kênhx têx phêv liv, paz têx ziv chuôz zis pluôs shir phaz tos iz luz tsiêz yiêz cxix cxuô, sor si đuô, tas cik hnuz 13/1 chiz coaz Đeix nta suôz VN iz suôv Tây Bắc sik côngv đros Hội nôngx mênhx tỉnh Điện Biên thiêz công ty cổ phần yưv pênhr đêx tênhv Việt Thành, qơư uô xưv nhoz Hà nội tsưr tsix khơưk muôz huv tsiêz trâu têx ziv chuôz zis txov nhêv tiv zix ntơưv xã Phiz Nhưx, huyện Điện Biên Đông, tỉnh Điện Biên. 120 ntâu phênhv huv muôx nhiêx txiêx, têx chuôz zênhx zuôr trâus li trox, njêr, mix chênhr, trik yo....tưz tâu khơưk muôz txos ciês tsôngv box nhoz ntơưv no. Tâu jênhv huv tsiêz, niêv lâuk Hangv Thị Zênhz iz hâur têx chuôz zis txov nhêv tiv zix xã Phiz Nhưx shir phaz heik: “Cur chuôz zis nhoz xã Phiz Nhưx lok six txov nhêv. Hnuz no tâu jênhv huv tsiêz cur lok six jông siêz. Uô tsâus ntâu txos têx lênhx nênhs siêz jông. Shông yiêz lol txos muôx lul phôngv jông tiv zix txos sđ”./.

(Vũ Lợi- Txâur Vax cxeik nhênhv)

Lơưr Ban chox kriê 389 tỉnh Yên Bái, kriz uô jiês tir tar muôs hax huv chuôr, tsik jông hâur jiês tsiêz shông 2020, txos nhiv no, chor lưx lươngv txơưx jênhv sâuv thax tsav tưz qênhz yuôx, xưv lik 81 txuz, 87 kror uô cxâuv. Zơưv Phan Bá Hùng, Cục trưởng Cục sêiz car ciêz đrôngs tỉnh Yên Bái puz pâuz: đrâu chor nhiêx xưv bluô tâu muôx 450 triệu đêiv ntâu, lưx lươngv txơưx jênhv tưz muôs huv sâu tsês trâu nhiêx txiêx têz qơưk muôx 200 triệu đêiv ntâu thiêz hlơưr phâuk por tsês hax huv muôx 170 triệu đêiv ntâu. Nhiv no lưx lươngv sêiz car ciêz đrôngs tsênhv sik côngv truôx đros chor nganhx txơưx jênhv tỉnh bax lênhx nênhs cxuô zav chiê qênhz yuôx, xưv lik truôx têx hax huv chuôr, tsik jông; tiv zix zos chor fov ntơưr, nduôr thax, chơưr bia, đêx kaz jiz, hax zuv zav nox:“Jiês tsiêz no pêz phêiz côngz trâu chor nênhs sơưr thơưx, thiêz tso lênhx nênhs sêiz jor yênhx hnuz hmo, chiê qênhz yuôx, xưv lik tâu ciês chor nênhs uô cxâuv sâuv ciêz đrôngs, lok sik pêx xênhv hêik pâuz chiê cov ciêz đrôngs tâu, hax huv tâu muôs zos têx zav jông, sơưr đơưk shir phaz, tok tsiêz ngaz tuk. Sir jos tsik chiê muôx têx hax huv chuôr, hax huv txưr, tsik jông tâu muôs sâuv thax tsav”./.

(Tuấn Xuân-Lik Thox cxêik nhênhv)

Tưz zuôr xar txos tsiêz yiêz, taz sik tsôgnv box nhoz têx xã tox siêz thị xã Sa Pa (Lào Cai) li: Sa Pả, Trung Chải, Tả Phìn, Bản Khoang, Tả Giàng Phình tsênhv sir jos tir tar ntux no trâu nhux tưv nhux đas, viv qiv hơưv no njik nhoz Sa Pa thiêz njuôs xav muôx jiês chuô txiêk txơưr zuôr lol txos thax tsav no. Pos Trần Thị Lan Hương, Phưv phongx kôngz nuv thiêz huôv tsar nôngx cxênhz Sa Pa puz pâuz, txos nhiv no tưz muôx 1 cxênhz tul nhux tưv tâu tsôgnv box lơưr lol qơư kis chiê tir tar ntux no, khov co mak paz nhux tâu por vêv jông. Seiz paz nhux muôx yênhx puôk tul tâu lơưr lol qơư kis, tâu nox jâuz, tul tưs cux muôx jông đas jos lok six jông siêz. Xar njôngr jiês no njiv no mul đhâu, tsôngv box tox siêz Sa Pa li luz nênhx zuôr tror tâu ngaz tul li niêx hnuz./.

(Báo ND- Txâur Vax cxeik nhênhv)