Thủ tướng chính phủ nhiv kruôr quyết tinhv cxiv kho, cxaz nzir Thủ tướng chính phủ quyết tinhv số 193 hnuz 30/1/2011thôngz đhâu tsưr ziv njuôk hov, cêv kuôk thax tsav qơư yeik txar tsôngv box lok nhoz chiê zuôr qơư uô dưv anr tsêr meir tênhv tênhz Lai Châu. Iz chas ntơư, cxiv kho hur si têx pênhr yưv chiê yeik txar tsôngv box lok nhoz yiêz chiê zuôr qơư uô tsêr meir tênhv tênhz Lai Châu txix 4.500 tỷ đeiv ndê 5.400 tỷ đeiv, hâur ntơư phênhv pênhr zos Tập đoanx tênhv tênhz VN uô tsưr yưv pênhr zos 2.400 tỷ đeiv, phênhv pênhr zos Ủy ban tỉnh Lai Châu uô tsưr yưv pênhr 3 cxênhz tỷ đeiv, tsar ndê zuôr xar 700 tỷ đeiv pir li tsưr ziv njuôk xav tưz thôngz đhâu. Xav hur tiz si têx chuôz zis tsôngv box tsuv yeik txar zos 2.009 chuôz zis, 8.400 ntâu lênhx nênhs./.

                                                                                                       (TTT-Riê Lâux cxêik-nhênhv)

Zar hnuz kêix 13/11, UBND tỉnh Lào Cai tsưr tsix hêik pâuz tsưr ziv kho đuô thax tsav đriv têz đêx ar chor taz viv hành chính cấp huyện xã sâuv thax tsav chiê uô cêv kuôk cxuô nro huôv tsar kinh tế-xã hội nhoz tiv phaz txos shông 2030; đhâu co cêir chêx têx phiv liv hâur đriv têz nhoz cấp huyện, xã lơưr ntâuz ntơưr thâuv ntêx no thiêz kho đuô têx qơư muôx liv chiê chor tiv phaz sik đros huôv tsar. Lơưr kho đuô njuôk xav tâu hêik pâuz, thành phố Lào Cai zuôr đar đuô muôx 283 cêik cêr ndis, dân số 125 cxênhz lênhx nênhs, muôx 17 taz viv hành chính zos 10 phường thiêz 7 xã./.

                                                                                                           (TTT-Lik Thox cxêik nhênhv)

Nhiv kruôr đhâu, tỉnh Yên Bái tsưr tsix njiz njêx muôs thiêz kruôs jông txos Tsar ban côngz xưv Mặt trận uô tâu nuv jông nhoz têx jêx jok, thax tsav tsôngv box nhoz ntu 2014-2017. 4 shông đhâu, txix ntâu luôs hâux lưv uô, txơưx xar tơưv thiêz têx trâur nuv uô fiv đros, cxiv vênhv tôngv “tas nro tsôngv box sđ sik thôngx siêz cxiv tsa luz nênhx vênhx huôv nhoz thax tsav tsôngv box nhoz” tưz gra lok ntâu kror jông tsênhv tsênhz, chuôz tsar tiês sik thôngx siêz, sir jos sik đros huôv tsar uô nox, cxuz cêr yeiz pluôs, cxiv tsa luz nênhx vênhx huôv. Ntơưv jiês cơưv, 160 lênhx tsar ban côngz xưv mặt trận, zos têx lênhx nênhs uô tâu nuv jông hlôngr njêx muôs trâu xar muôx 2 cxênhz lênhx nênhs uô nuv jông hâur côngz xưv mặt trận ntu 2014-2017 tâu Ủy ban T.Ư MTTQ VN, Ủy ban tỉnh, Ủy ban MTTQ tỉnh Yên Bái muôz ntơưr kruôs viv uô tâu nuv jông hâur uô lơưr cxiv vênhv tôngv “tas nro tsôngv box sđ sik thôngx siêz cxiv tsa luz nênhx vênhx huôv ntơưv thax tsav qơư nhoz”. Zơưv Tsaz Thox Xênhv Shôngx, nhoz xã Pá Hu, huyện Trạm Tấu, tỉnh Yên Bái shir phaz heik:

“Hnuz no pêz shir phaz hênhr. Tâu tỉnh, Mặt trận tổ quốc hu tuôx tsưr tsix muôz ntơưr kruôs li no mak shir phaz cơưk, tưz lâuk li no lơưv cur thiêx tâu tuôx nor iz jâuk. Cur tror muk tsêr zuôr sir jos muk yax kriê tsôngv cưr tix nênhx tsa sđ cov iz shông uô 2 chiv kôngz chiê txâuk nox, txâuk hnar; vênhv tôngv tsôngv box sik đros por hưv jông têx jôngr ntông; thiêz heik cov sđ tsi cxoz xênhz zus tuk nhuôs tiv 3, chiê têx mê tuz mê nhuôv tuk tưs cux tâu muk cơưv ntơưr cxix cxuô hur si”./.

                                                                                                             (Tuấn Xuân-Riê Lâux cxêik-nhênhv)

Nhiv kruôr đhâu, UBND huyện Yên Châu tưz sik côngv đros Công ty cổ phần Nafood Tây Bắc tsưr tsix jiês cơưv ntâuk gri qênhx shênhx huôv tsar tsoz txir lâuk tsuôk lok zos txir caz nzưr hmaz sâuv thax tsav huyện, tsưr ziv huôv tsar shông 2018 thiêz chor shông zuôr txos. Tas nro huyện nhiv no muôx 158 ziv chuôz zis nhoz 10 xã cxaz chuôz chos 26 hec ta ntâu txir lâul tsuôk lok zos txir caz nzưr hmaz, tâu chos txix hli 1/2017. Lơưr ntâuk gri, tsoz chos no hloz lox jông, tsik muox caz hmoz ruôr hiêv, sâu tâu 23 tấn iz hec ta, Công ty cổ phần Nafood Tây Bắc cir hux thôngx sâu zuôr trâu pox nhuôs. Ntơưv jiês cơưv, chor têiv plor tưz sik thav lok iz cxiê vênhv thix li: Yưv pênhr cxiv uô vax zuz, kruôz kriê kỹ thuật chos, tsoz phưz, sâu đêx txir trâu pêx xênhv; sâu zuôr, muôs trâu chor têz qơưk txơưr đuô…/.

                                                                                                               (Báo Sơn la-Lik Thox cxêik nhênhv)