6 luz hlik hâur shôngk shông no, tỉnh Điện Biên tưz zok nriêr hâux lưv uô trâu 5 cxênhz ntâu lênhx lox tôngv, tâu 60% tsưr ziv tso tơưv hâur shông thiêz tsar ndê 20% pir li shông uô ntêx, hâur co xeir zuôr yiêz nhiv kruôr cơưv tas zos 4 cxênhz ntâu lênhx. Tas nro tỉnh cux tưz chox 750 ntâu lênhx lox tôngv muk uô hâux lưv trâu têx thax tsav công nghiệp, qơư tsiv uô têx xiv huv saz đrâuv luôs 2 chas thax tsav. Đros thiêz tsưr ziv zok nriêr hâux lưv uô yiêz trâu ntâu đuô lênhx lox tôngv, tỉnh Điện Biên xav tinhv tror kriê nuv uô trâu nênhs lox tôngv; cxơưz tiês heik kriê uô luôs hâux lưv heik sâuv thiêz hu zâuv lox tôngv cxaz chuôz uô hâux lưv hâur têz qơưk thiêz đrâuv luôs 2 chas thax tsav. Txix ntơư uô reik đros kriê tsưr ziv uô nuv thiêz zok nriêr hâux lưv uô thôngz đhâu cir têx ntâuz ntơưr hux thôngx muôz nênhs lox tôngv trâu têx doanh nghiệp hâur thiêz đrâuv luôs 2 chas tỉnh. Iz chas co, tỉnh Điện Biên cux zuôr sir jos seiz car jông luôs hâux lưv kriê tsưr ziv uô nuv, qênhz yuôx uô lơưr  chei têz qơưk têx cui tinhv lok sâuv kriê tsưr ziv uô nuv, sir zôngv nhiêx txiêx paz cơưv uô nuv....../.

                                                                                         (Vũ Lợi-Riê Lâux cxeik, nhênhv)

Lơưr UBND tỉnh Lào Cai li Cuiz tênhv số 1318/QĐ-UBND hnuz xiêz 7/5/2018 lok hâux lưv thôngz đhâu tsưr ziv thiêz muôz pênhr nhiêx chiê txar tsôngv box nhoz qơư riêz nênhs mul qơư taz por jiês tiv 1/2018, tas nro tỉnh muôx 221 chuôz zis tâu paz txưv txar qơư nhoz đros pênhr nhiêx zos 3,67 tỷ đeiv. Hâur co, paz txưv têx chuôz zis njuôs xav qơư nhoz hâur jos, hâur xã zos 135 ziv, đros tas nro pênhr nhiêx zos 2, 783 tỷ đeiv; yuôr chor chuôz zis tsênhv yuôr mak paz txưv ngaz tul ntơưv qơư. Txos nhiv no tas nro tỉnh tưz txar tâu 139 ziv chuôz zis mul qơư nhoz taz por. Chor ziv tsênhv yuôr tsi tâu txar qơư nhoz zos tiv têx chuôz zis tsi tâu bax tâu qơư, xeir tâu hnuz jông chiê txar qơư nhoz.... Nhiv no, têx tiv phaz chêx chôngk yax mông, vênhv tôngv tsôngv box ciêr chênhr txar mul nhoz qơư taz por. Sở kôngz nuv thiêz huôv tsar nôngx cxênhz tsưr tsix têx đoanx qênhz yuôx mul uô côngz xưv txar qơư nhoz, pâuz tâu têx phêv liv chiê thix ziv tỉnh chox kriê, car chêx./.

                                                                                      (KT- Txâur Vax cxeik nhênhv)

          Jiês tưr thik cơưv tiêr ntơưr lớp 12 thôngz têz qơưk shông 2018 zuôr tsưr tsix txix hnuz 24-27/6. Tỉnh Sơn La muôx iz hôiv đôngx thi zos Sở zoz zux thiêz Thox cxov seiz car, muôx 10.440 lênhx shux xênhz đas cir dự thik ntơưv 43 qơư thik, 463 qar thik. Txos iz jiês no, cxuô luôs hâux lưv bax trâu jiês thik li: Cơưv cxaz têx txux chi tsưr ziv yuôr trâus, piêr kriê cui tinhv thik, têx ntâuz ntơưr cik txos hâux lưv tsưr tsix thik; bax shux xênhz têx ntâuz ntơưr dự thik.....tưz tâu fuô uô taz por trơưk li cui tinhv. Hâux lưv qênhz yuôx shuôs shux xênhz têx ntâuz ntơưr uz no tâu fuô uô truôx, cxuô huyện, TP cux tưz qênhz shuôs, bax têx hâux lưv tâu trơưk li cui tinhv. Iz chas ntơư, iz cxiê thax tsav qơư heik têx taz viv muôx vax huôv moz siêz đros paz luôs hâux lưv no chiê taz por txiv ngaz, ngaz tuk zoz thôngz ntơưv têx qơư tưr thik ntơưr, taz por muôx txâuk tênhv phưx vưv trâu jiês thik./. 

                                                                                       (KT-Riê Lâux cxeik, nhênhv)

          Phongx cảnh sát qênhz yuôx nênhs phamv cxâuv lok zax zênhz Công an tỉnh Lai Châu puz pâuz, taz viv nhiv kruôr ruôr yênhx côngz Chuyên án 618S, ntês tâu 2 lênhx nênhs zos cưr tix viv muôv muôs zax zênhz. 2 lênhx nênhs co zos Xử Xênhv Vax xênhz shông 1990, Dình Xênhv Vax xênhz shông 1984 zos 2 cưr tix nhoz jos Nậm Vì, xã Chung Chải, huyện Mường Nhé, tỉnh Điện Biên. Chuôz zênhx sâu tâu muôx 8 poz zax zênhz tâu zuôr cxôngx Mường Nhé, tỉnh Điện Biên đros grê zos 100 tsov đeiv chiê chox mul Mường Tè, tỉnh Lai Châu muôs. Nhiv no, hâux lưv no tsênhv tâu chiz coaz muôx txơưx jênhv tiv phaz tror qênhz yuôx uô tsênhz mênhx./.

                                                                                       ( K.Kiên- Txâur Vax cxeik nhênhv)