Sơn La muôx 900 cxênhz ntâu hecta ar kôngz nuv, muôx têx kror jông chiê huôv tsar têx thax tsav tsêz chos chêx chôngk lox, tiv zix zos sâuv 2 tox siêz Mộc Châu thiêz Nà Sản, jông chiê chos jâuz thiêz têx zav nôngz ntông nox txir li txir mo môngk, txir lưv tsiz, txir pôngr lux, txir tsơưz....Tsi zôngv yuôx por vêv đrox tsuôk thiêz qir zuôv hóa học zos Sơn La li siêz xar njôngr hâur tsiv uô kôngz nuv ntu zuôr txos. Nganhx kôngz nuv tỉnh heik tsôngv box nôngx mênhx tsuv zôngv qir vi sinh li: qir guôx, qir cxôngx tơưr kuôr njuôs, tơưr txir lưk hmaz, flâuz cà phê....muôx nhoz tiv phaz. Đros qơư tsov txos cxôngx nhiv no txos shông 2020 muôx 100 cxênhz hecta ntông nox txir, tỉnh tưz njuôs xav tsênhz thax tsav chos, pheiz zav tsoz chos, pheiz tsênhz thax tsav uô taz por...Zơưv Lò Minh Hùng, Phưv chủ tịch UB tỉnh Sơn La puz pâuz: “Pêz tưz thiêz tsênhv cxơưz tiês zaz zâuv têx doanh nghiệp yưv pênhr lok têx tsêr meir tsiv uô, sâu zuôr têx xiv huv cxôngx txir ntông. Nhiv no tưz muôx iz cxiê tsêr meir li tsêr meir tsiv uô txir lưk hmaz CÔng ty cổ phần Na Ti phút Tây Bắc txos têx lênhx nênhs yưv pênhr txơưr li Tập đoàn TH, công ty đồng giao. Co zos têx lênhx nênhs yưv pênhr tsênhv muôx dự án chiê cxiv tsa têx tsêr meir tsiv uô txir ntông”./.

                       (Thanh Thủy- Txâur Vax cxeik nhênhv)

Đros trâu luôs hâux lưv uô huv đros, Lai Châu sir jos txos hông 2021, zuôr muôx 3.600 hec ta tsoz mắc ka.

Lơưr zơưv Lê Trọng Quảng, phưv chủ tịch UBND tỉnh, đros thax tsav li no, Lai Châu zuôr zos qơư muôx ntâu tsoz chos Mắc ka nhoz Việt Nam. Chiê uô tâu li tsưr ziv njuôk xav, tỉnh tưz muôx tsênhv chêi cxơưz cxiz chor doanh nghiệp thiêz pêx xênhv yưv pênhr chos tsoz chos mắc ka xưk li paz lok zuz nôngz, qir zuôv, tsưr ziv uô, tsênhv chêi sâu zuôr thiêz uô yênhx hax huv. Lai Châu nhiv no muôx 2.000 ntâu tsoz mắc ka tâu chos phênhv ntâu siz shơư đros tsoz yuôx zêx lok sik pêx xênhv gôngr côngv ar đros doanh nghiệp chiê chos:

“Nhiv no tsênhv chêi cxơưz cxiz pêx xênhv cux xưk li doanh nghiệp chos mắc ka tưz tâu tso tơưv hâur HĐND tỉnh li nghị quyết lơưv. Lok sâu zuôr mak tưz muôx 1 doanh nghiệp tâu tỉnh tso chêi uô tsêr mêir uô mắc ka. Nhiv no cux muôx lok six ntâu nênhs yưv pênhr tsov cưv txos uô mắc ka thiêz sik côngv hâur muôl muôs hax huv mắc ka”./.

                          (Thanh Thủy-Lik Thox cxêik nhênhv)

Lơưr chêx cuk qênhz yuôx ziv chuôz zí pluôs tá snro tỉnh Lào Cai shông 2018 zos Sở lox tôngv saz pênhz thiêz xã hội tỉnh cungz, huyện Sa Pa zos thax tsav muôx chor ziv chuôz zis pluôs siêz tiv zix hâur tỉnh, siêz đuô 3 huyện tâu sơưv tsaz yênhx 30a thiêz. Tsênhz mênhx, huyện Sa Pa li chuôr ziv chuôz zis pluôs shông 2018 zpss 28% ntâu, lơưr co zos 3 huyện Bắc Hà, Mường Khương thiêz Si Ma Cai. Uô ntêx co, shông 2017, chor ziv chuôz zis pluôs nhoz Sa Pa sơưv tiv 2 tas nro tỉnh. Hâur cxiv tsa nôngx cxênhz yiêz, Sa Pa cux zos tiv phaz muôx chor xã tax ploz tsênhr kis tiv zix hâur tas nro tỉnh. Tâu pâuz, Sa Pa tâu côngz jênhv zos qơư ndis shuôk ju lix cấp têz qơưk muôx nhos 1 shông lok no. Sa Pa cux tsênhv bax trâu hâux lưv huôv tsar yênhx thị xã Sa Pa./.

                            (An Kiên- Txâur Vax cxeik nhênhv)

Tsêr kho moz đa khoa tỉnh Yên Bái puz pâuz, nhiv no tsênhv chơưv kho oz lênhx nênhs trâus saz tiv tơưs cuz thungz phi trâu trox yêz, tas nro oz lênhx nênhs puôr lênhx trâus saz hnhar.

2 lênhx nênhs co zos pos Nguyễn Thị Duyên, 57 shông thiêz zơưv Nguyễn Tiến Thanh 65 shông, nhoz ntơưv phường Yên Thịnh, thành phố Yên Bái, tỉnh Yên Bái. Pos Nguyễn Thị Duyên ciês thâuv tâu txêik kho, tsêr kho moz tưz tsuv huiz tôngv tas nro chor khoa sik đros paz kho, viv tưz lok six phiv liv. Đhâu co, tsêr kho moz tưz tsuv fêik kho pêz jiês chiê txiêr cxêik tơư saz lâux thiêz xưv lik cxêik têk lâux trâus saz, chơưv kho plaz saz lâux…Nhiv no, lênhx no tsênhv lok six moz hnhar, tsuv xuôk mêir chiê paz uô pa.

Hok zơưv Nguyễn Tiến Thanh mak trâu saz ntâu kror, taz sik tsik hnhar luôx tưs;nhiv no tsênhv tâu chơưv kho.

Cơ quan txơưx jênhv tsênhv qênhz yuôx, xav jênhv uô tsênhz mênhx txuz tơưs cuz co./.

                                       (Tuấn, Xuân-Lik Thox cxêik nhênhv)