Hâur 2 hnuz đhâu, Phưv chủ tịch côx hôiv Phùng Quốc Hiển thiêz côx hôiv li đoanx côngz xưv tưz mul seiz, phôngv tsiêz, khơưk muôz huv trâu tsôngv box pluôs thiêz dưv ntênhs tsiêz sor si nhoz tỉnh Lai Châu. Bax trâu tsiêz Nas shông 2020, têx cấp công đoàn tưz sik côngv đros chinhr quyênx, nênhs sơưr thơưx têx chiz coaz, doanh nghiệp seiz shuôk paz txưv 2 cxênhz ntâu phênhv huv, zuôr xar 200 vé mul yêz trâu nênhs lox tôngv mul tsêr nox tsiêz, mê nhuôs shux xênhz muôx luz nênhx txov nhêv đros tas nro chor nhiêx txiêx zos 2 tỷ đeiv ntâu. Ntơưv no, Phưv chủ tịch côx hôiv Phùng Quốc Hiển cux tưz khơưk muôz 50 phênhv huv trâu đoàn viên, công nhân viên chức lox tôngv muôx luz nênhx txov nhêv, iz phênhv tsiv grê 1,2 tsov đeiv thiêz 1 phênhv huv khơưk muôz trâu tsưr tsix công đoanx tỉnh Lai châu. Phưv chủ tịch côx hôiv cux mul seiz thiêz phôngv tsiêz Zênhx pênhz phax Hua Bum, huyện Nậm Nhùn; seiz thiêz khơưk muôz huv trâu cưk kriê, shux xênhz tsêr cơưv niêv txir zus mor Hua Bum; khơưk muôz huv thiêz phôngv tsiêz tsôngv box pluôs ntơưv têx jos ntus đriv./.

(Khắc Kiên- Txâur Vax cxeik nhênhv)

Đại tướng Đỗ Bá Tỵ-Phưv Chủ tịch Côx hôiv đros đoanx côngz xưv nhiv kruôr muk shuôs, phôngv tsiêz trâu têx tuz lênhv ntơưv Bộ sêiz car Quân sự tỉnh, Công an tỉnh thiêz Bộ sêiz car Bôv đôiv pênhz phax tỉnh Lào Cai, zênhx Pênhz phax Si Ma Cai, zênhx pênhz phax Mường Khương thiêz muôz huv puz trâu chor nênhs pluôs hâur thax tsav tỉnh Lào Cai. Ndax six hơưv no, Phưv Chủ tịch Côx hôiv tưz muôz 20 poz huv puz trâu têx chuôz zis muôx luz nênhx txov nhêv hâur thax tsav 2 huyện Si Ma Cai thiêz Mường Khương; muôz iz cxênhz đeiv pav sor puz trâu tsôngv px pluôs nhoz tox siêz./.

(An Kiên-Riê Lâux cxeik, nhênhv)

Jiês thik khoa học tsês trâu shux xênhz cxênhx 3 tỉnh Sơn La shông 2020 muôx 120 lênhx shux xênhz nhoz 47 taz viv khối trung học tas nro tỉnh, đros 137 dự án cxaz chuôz. Têx dự án chêx chôngk lok têx vênhv thix muôx: toán-tin; khoa học xã hội; sinh hóa; lý-kỹ đros ntâu tsưr ziv xar tơưv jông li: Cxix luôk canhv pov tsênhv muôx lênhx nênhs nhoz sâuv yêz ô tô; phần mềm paz txưv coar lik shux xênhz hâur tsêr cơưv THPT Gia Phù; chuôz zênhx canhv pov ntux nas; chuôz zênhx xâur kror trôngx tir tar tuz saz tuz nhiês...Thôngz đhâu jiês thik zuôr krêz đar phongz yaox nhênhz chơưv khoa học thiêz cxaz chuôz têx jiês thik khoa học kỹ thuật zos têx cấp tsưr tsix....Zơưv Nguyễn Huy Hoàng, giám đốc Sở zaoz zux thiêz thox cxov tỉnh Sơn La heik:“Sở zaoz zux thiêz thox cxov tỉnh Sơn La li siêz xar njôngr zos huôv tsar đêz đar jiês thik no, chiê cxơưz cxiz shux xênhz cux xưk li cưk kriê nhênhz chơưv khoa học thiêz xar tơưv chiê chox têx yênhx tưv KHKT lol hâur luz nênhx chiê shux xênhz tâu pâuz txos tsaz yênhx zaoz zux yiêz, sir jos huôv tsar shux xênhz li pênhr xưv cux xưk li siêz nhiêv nhênhz chơưv Khoa học kỹ thuật”./.

(TTTB-Txâur Vax cxeik nhênhv)

Têx hnuz zuôr txos tsiêz têz qơưk nal shông 2020, yênhx puô lênhx shux xênhz tsêr cơưv Phổ thông niêv txir zus mor cxênhx iz số 1 Mường Nhà (huyện Điện Biên, tỉnh Điện Biên) tưz muôx nzir têx chêr tsôngk tril yo hâur tsêr cơưv hnar thiêz têx chuôz zênhx yiêz phưx vưv cơưv ntơưr. No zos hâux lưv uô jông siêz “Cxơưz paz têx shux xênhz muk tsêr cơưv cơưv ntơưr” zos Công ty Tập đoàn thời gian vàng đros Viện tsưr ziv thiêz tsênhv chei paz heir nênhs tsơưs thiêz Tsênhv qơư khoa học XH thiêz Nhân văn tỉnh Điện Biên đros Ủy ban MTTQ huyện Điện Biên tsưr tsix. Nhoz no, têx taz viv tưz đros muôz 360 chêr tsôngk tril yo hnar hâur tsêr cơưv, 360 gơưv khâu ntâuz, 3.600 fâu ntơưr sâu đros trâu ntâu zav chuôz zênhx phưx vưv cơưv ntơưr thiêz uô si puz trâu têx nhuôs shux xênhz./.

(KT-Riê Lâux cxeik, nhênhv)