Hâur côngz xưv hluôk nênhs uô ntêx hlo chêix ntux sor txix nhiv no txos hli 8/2019, chor hluôk nênhs tỉnh Yên Bái phuôx tôngv kriz uô cxiv vênhv tôngv paz cxiv tsa “Txox cêr muk tsêr cơưv ntơưr” thiêz kriz uô côngz trinhx “Kriz phaz uô liêx ntêir, kriz đar thax tsav uô nox, đros thiêz huôv tsar Danh thắng têz qơưk liêx ntêir Mù Cang Chải”. Hluôk nenhs tỉnh Yên Bái li kror chênhr hâur côngz xưv uô ntêx hlo chêix ntux sor zông no zos yênhx cxênhz lênhx hluôk nênhs zuôr kriz phaz muôx 3 cxênhz ntâu hec ta liêx ntêir ntơưv jok Hấu Đề, Xar La Pán Tẩn, đros thiêz huôv tsar Danh thắng têz qơưk liêx ntêir Mù Cang Chải. Đros co, têx taz viv thiêz têx doanh nghiệp hluôk sâuv thax tsav tỉnh Yên Bái tưz jênhv paz 250 tấn xi măng chiê kriz uô têx côngz trinhx sâuv thax tsav chor huyện: Mù Cang Chải, Lục Yên thiêz Trạm Tấu. Niêv tix Đoàn Thị Thanh Tâm, Bí thư tỉnh Đoàn, Chủ tịch Hội liên hiệp hluôk nênhs Việt Nam tỉnh Yên Bái puz pâuz:“Đhâu côngz xưv hluôk nênhs uô ntêx hlo chêix ntux sor li têx hâux lưv uô zuôr phuôx huiz cêr siz hluz, siz paz nhoz chor hluôk nênhs, paz trâu chor nhuôs zâu thiêz pêx xênhv ntơưv têx thax tsav txov nhêv, paz trâu côngz xưv taz por ngaz tuk xar hôiv thiêz tỉnh côngz xưv huôv tsar cxuô”./.

                           (Đinh Tuấn-Lik Thox cxêik nhênhv)

Shông no zos shông xuz thơưx txir khơưz Sơn La tâu muôs tơưv trâu niêv ciêz Campuchia. Hâux lưv no paz nôngx mênhx muôz siêz tsiv gri hax huv kôngz nuv, ngaz tul grê muôs thiêz krêz đar niêv ciêz muôs tơưv. Nganhx kôngz nuv tỉnh tsênhv sir jos chos txir khơưz lơưr têx ploz tsênhr Vietgap, Global Gap, heik kriê thax tsav chos chiê muôz siêz tsơưr lươngv xiv huv, ndar txos muôs tơưv trâu têx niêv ciêz li Mỹ, Nhật....Zơưv Đào Văn Lâm, Giám đốc Hợp tác xã kôngz nuv hữu cơ Vân Hồ, tỉnh Sơn La puz pâuz: Taz viv tưz cir hôx thôngx đros công ty cổ phần tập đoàn Uniseed sâu zuôr 5 cxênhz tênhr txir khơưz tas nro tsiv grê 40 tỷ đeiv: “Sơn La li chor txir khơưz shông 2018 sâu tâu ntâu, pox nhuôs khưr chos taz sik thâuv sâu tâu ntâu mak ho muôs tsi tâu grê. Viv li HTX thiêx muôx tsưr ziv paz pox nhuôs nôngx mênhx cxôngx tsưr ziv tsoz phưz chiê uô li chas cov chox txir khơưz Sơn La muôs trâu saz đrâuv têz qơưk”./.

         (Thanh Thủy- Txâur Vax cxeik nhênhv)

Hmo 14/5, ntơưv đội 15, xar Noong Luống, huyện Điện Biên, tỉnh Điện Biên muôx yưv cuz jôngr lox. Yênhx puô lênhx nênhs tưz tsuv cxaz chuôz chiê tuô hluôr tơưl ciês hâur hmo. Zơưv Nguyễn Hữu Khởi, Chủ tịch UBND huyện Điện Biên puz pâuz: txuz hluôr tơưl cuz tâu pêx xênhv pov thâuv xar muôx 7 six 30 phênhz tsâuk ntux hmo 14/5, ntơưv thax tsav jôngr uô xênhz yar zos côngv thôngx pêx xênhv nhoz đội 15, xar Noong Luống, huyện Điện Biên sêiz car. Tiv yar ntux cuz sor, kruôr gis, đros muôx chuô lox, viv li hluôr tơưl txêik cuz sêi thiêz lax tir tar. Chính quyền huyện Điện Biên tưz tso yênhx puô lênhx nênhs thiêz 4 luz yêz tuô hluôr tơưl tuôx paz tuô hluôr tơưl. Đhâu 4 six hơưv ntâu sir jos, txos 11 six iz tas hmo 14/5, hluôr tơưl tưz tâu tuô tuôs. Nhiv no tsênhv thôngz sâu tsiktâu cxix cxuô thax tsav jôngr trâus cuz, taz sik phênhv ntâu têx qơưk cuz zos chor har đrox tsuôs tâux grênhz./.

                          (Vũ Lợi-Lik Thox cxêik nhênhv)

Zơưv Nguyễn Bá Bình, Qênhx cục tsar cục coar lik niêv ciêz tỉnh Lào Cai puz pâuz, lưx lươngv muôx txơưx jênhv tỉnh nhiv kruôr pov, sâu tâu iz chor hax huv kruôr tâu tso ntơưv 2 doanh nghiệp li qơư tso hax huv. Đhâu qênhz yuôx, lưx lươngv muôx txơưx jênhv pov 16 container tso yênhx châuv cxênhz naz tax zav 25 cir, saz đrâuv mak tsi muôx ntơưr lo tsuôk zos lav zôngv xor hlâu khi. Tas nro hnhar 440 tênhr. Six hơưv qênhz yuôx, tsi muôx lênhx tưs jênhv chor hax huv co cux xưk li tsi muôx cxix cxuô ntâuz ntơưr heik hâur pâus hax huv. Viv li, lưx lươngv muôx txơưx jênhv tưz uô ntâuz ntơưr sâu tsês chor hax huv chiê uô cov tsênhz mênhx. Zơưv Nguyễn Bá Bình puz pâuz, saz đrâuv chor naz co sâu ntơưr Anh, heik tiêk hax huv tâu tsiv uô ntơưv Mỹ. Hax huv no jông li hax huv lav sâu zuôr đhâu thax tsav Lào Cai chiê muôs tơưv mul trâu têz qơưk Trung Quốc./.

            (An Kiên- Txâur Vax cxeik nhênhv)