Têx lul heik pâuz ntơưv Đại hội đại biểu pox niêv vir ndâuk tỉnh lào Cai jiês tiv 18, six cxiv 2021-2026 tso pov, tsôngv pox niêv vir ndâuk tưz thiêz tsênhv paz lok six jông trâu Lào Cai yênhx tỉnh huôv tsar hâur thax tsav trung du, tox siêz faz Bắc. Đại hội six cxiv yiêz xav tinhv luôs hâux lưv paz max tsôngv pox niêv vir ndâuk huôv tsar uô nox, tâu buôk ti tênhx qơư tsuv zos hâux lưv zov chênhr hâur ntu zuôr txos. Iz chas ntơư zos têx hâux lưv chênhr li: Paz max tsôngv pox niêv vir ndâuk huôv tsar, sik côngv thiêz đros cxơưz paz trâu chuôz zis Việt Nam huôv tsar, tsâu sor; cxaz chuôz cxiv tsa Đảng, cxix luôs chính trị, vênhv tôngv XH sơưr đơưk muôx vax huôv siz luôs; cxiv tsa tsưr tsix Hôiv truôx vênhk.

 Lào Cai sir jos hâur 5 shông zuôr txos, cxuô cấp Hôiv pox niêv hâur tỉnh zuôr paz tâu tsơưs tsơưs 1.750 lênhx pox niêv vir ndâuk hla đhâu cêr pluôs, zuôr xar pluôs; paz max gra siêz luz nênhx, txux chi trâu 400 lênhx pox niêv zos tsưr doanh nghiệp, tsưr chuôz zis uô lax luôv, seiz car HTX./.

 (An Kiên-Riê Lâux cxeik, nhênhv)

Hnuz 14/10, 490 lênhx nênhs xuz thơưx ciês tưz tâu tỉnh Yên Bái tok txix thành phố Hồ Chí Minh thiêz têx tỉnh faz Nam tror lok ntơưv thax tsav qơư, taz por ngaz tuk. Tỉnh paz tas nro nhiêx txiêx chêix yêz za, nox nhoz, njuôk shuôk caz moz thiêz xênhz huôx hâur ntu cêv kuôk. Chor nênhs tâu tok lok hâur jiês xuz thơưx no muôx nênhs lâul, nhuôs zâu, pox niêv tsênhv xênhz nhuôs hâur chêr, tu zus mê nhuôv mok tsik tâu muôx 36 hli hnuz nhôngs, nênhs muk njuôk kho moz, muk shuôk têx nênhs cxênhz jê; lox tôngv zos chuôz zis pluôs, zuôr xar pluôs, lox tôngv zos chor nênhs hâur chuôz zis muôx côngz trâu têz qơưk…Tiv zix, hâur jiês lok no tsênhv muôx iz tuk mê nhuôs zâu nhiv kruôr xênhz zus tâu 14 hnuz. Chor nênhs no puôr lênhx tâu njuôk shuôk caz moz PCR thiêz njuôk shuôk sêi caz moz tsik pov trâus ciz caz moz Sát-Covi-2./.

(TTTB-Lik Thox cxêik nhênhv)

Lào Cai nhiv kruôr muôx nzir 7 lênhx nênhs trâul moz yiêz Covid-19, tâu Bộ Y tế heik pâuz hâur hnuz 14/10. Iz chas ntơư, uô trâu têx moz gênhk huôv xênhz hâur thax tsav qơư tsar ndê. Hâur 7 lênhx nênhs trâul moz yiêz, 5 lênhx zos chor nênhs muk txix Bình Dương tror lok, txix ciês thâuv xuz thơưx tưz tâu qênhz shuôs, chox lơưr muk nhoz cêv kuôk trâu iz kro qơư, tsi tâu chuôs njiz, nhoz jê đros luôs lưv tus txơưr đuô hâur qơư nhoz. Lar heik, 2 lênhx nênhs tsênhv yuôr, iz tus zos pox niêv canr bôv y tế thiêz iz tus zos pox niêv hluôk nênhs uô têx hâux lưv jông siêz, đros uô hâux lưv uô cê ntơưv qơư seiz jor ndâux cêr qênhz shuôs, tir thêir moz cêik cêr 237, txox cêr muk chênhr Nội Bài-Lào Cai. Nhiv no, 2 lênhx nênhs co cux tsi tâu pâuz tsênhz shor cik tâu moz kror tưs lok, taz sik trơưk li ngênhx y tế njuôk xav, muôx têx zos cik tâu caz moz txix chor nênhs muk txix Bình Dương lok hâur hnuz xiêz 07/10. Nhiv no, tas nro chor canr bôv, nênhs uô hâux lưv ntơưv qơư seiz jor ndâux cêr heik sâuv đros 2 lênhx nênhs moz tưz tâu chox muk cêv kuôk lơưr nhoz lơưr iz kro. Iz chas co, Sở Y tế tỉnh Lào Cai cux heik zênhx max trâu têx qơư cik txos chor nênhs moz heik sâuv chiê tsôngv pêx xênhv pâuz thiêz bax krêz heik pâuz lol zuk đas jos trâu têx cưk yuôx, lưv lươngv muôx vax huôv./.

(An Kiên-Riê lâux cxeik, nhênhv)

Tỉnh Sơn La hnuz 14/10, pov muôx nzir 5 lênhx nênhs trâus moz Sát-Covi-2, hâur co muôx 2 lênhx nênhs zos nhuôs zâu. Chor nênhs moz no puôr lênhx nhoz ntơưv huyện Phù Yên, tỉnh Sơn La thiêz nhiv kruôr tror lok txix tỉnh Bình Dương. Lơưr Tsênhv qơư qênhz yuôx phax tar caz moz tỉnh Sơn La li ntâuk gri, chor nênhs no zuôr tsik uô cik moz trâu côngv thôngx tiv tưz tâu cêv kuôk ciês thâuv lok txos ntơưv thax tsav qơư. Taz sik hâur ntu zuôr txos, chor nênhs nhoz đros uô cê hâur iz kror qơư thiêz đros uô cê lok zuôr zôngx ziv trâus cik moz siêz. Txix hnuz 5/10 txos nhiv no, tỉnh Sơn La tưz pov muôx 16 lênhx nênhs trâus cik moz Sát Covi-2 zos chor nênhs tror lok txix têx tỉnh faz Nam./.

(TTTB-Lik thox cxêik nhênhv)