Tao Thị Ón nhoz jok Nậm Ngập, xã Nậm Tăm, huyện Sìn Hồ, tỉnh lai Châu, zos iz lênhx nxêik uô njuôs niêv njuôs txir, tưz sir jos cơưv tas ntơưr cxênhx 3 thiêz tưr tik tâu muk cơưv Học viện pox niêv VN. Tao Thị Ón zos lênhx nxeik nzơưv hâur chuôz zis muôx 8 lênhx cưr tix, nuk muôs. Ón tưz uô njuôs niêv njuôs txir thâuv nhiv kruôr muôx 3 shông, đros chor hloz, nhaz nuk nhoz, tas cik sơưr nzor muk cơưv, zar hnuz kêix mak Ón muk đros têx hloz uô liêx têz, txiêr tơưk, lor njuôs. Pâuz tâu têx hloz têx phiv liv thiêz txov nhêv, zuk luz nênhx hmôngr tsi jông xưk luôs lưv tus, Tao Thị Ón thâuv tưs tưz sir jos hâur cêr cơưv txux. Hâur jiês tưr thik cơưv tas ntơưr lớp 12 thôngz têz qơưk shông 2019, Ón tưz thik tâu 23,5 điểm, txâuk  điểm muk cơưv trâu Học viện pox niêv VN, ngênhx du lix. Tao Thị Ón zos iz hâur 10 lênhx shux xênhz heir nênhs lok six tsơưs tâu muk cơưv đại học shông 2019./.

                                   (VOV4-Riê Lâux cxeik, nhênhv)

Piz txix hnuz 15/1 (zos hnuz 21 zênhz lix), tsêr yêz thâux xa kruô Sơn La, tỉnh Sơn La zuôr muôs ntơưr chêix yêz (lok zos vế yêz) trâu tsôngv kruô chêix yêz muk lok hâur chor hnuz tsiêz. Lơưr co, chor nênhs muôs ntơưr chêix yêz ntơưv qơư tsar đrêk yêz zuôr piz uô hâux lưv txix 8 six sơưr nzor txos 11 six iz tas hmo, hok chor nênhs sêiz, txêik tênhv hu tuôx zuôr ntơưr chêix yêz zuôr uô hâux lưv tsik so txix 4 six sơưr nzor txos 11 six iz tas hmo yênhx hnuz. Nhiv no tưz muôx 240 luz yêz thâux kruô lok thiêz muk hâur iz hnuz thiêz tỉnh zuôr bax nzir yêz chiê txâuk trâu tsôngv kruô chêix muk lok hâur jiês tsiêz. Hâux lưv chêix yêz muk ntơưv qơư tsar yêz no chor hnuz tsiêz, txix hnuz 21 hli 12 txos hnuz 10 hli iz zuôr tâu qơư tsar yêz bax kriz uô jông, txâuk kruô mak chiê yêz thâux kruô muk. Hâux lưv qênhz yuôx tsik chiê thâux chôngz kruô, ndê gri uô phiv liv trâu tsôngv kruô zuôr tâu lưx lươngv txơưx jênhv kriz uô thiêz xưv lik truôx jông. Zơưv Hoàng Tuấn Anh, Chủ tịch Hôi đôngx sêiz car công ty cổ phần qơư tsar đrêk yêz kruô Sơn La puz pâuz nzir:“Pêz cxaz nzir lênhx nênhs chiê uô chak cov uô tiêr tâu têx jênhv vưv, tiv zix zos chor nênhs muôs ntơưr chêix yêz, nxaz nzir chor yêz. Yênhx hnuz mak zos thâux xa kruô trơưk ntu cêr đros muôx six hơưv muk lok truôx, taz sik hnuz tsiêz mak tsik xav six hơưv, tsuôk txâuk kruô sâuv iz luz yêz mak chiê yêz thâux kruô muk. Uô li no txos hnuz 3/2 (zos hnuz xiêz 10 tsiêz)”./.

(Tuyết Lan-Lik Thox cxêik nhênhv)

Tiểu đoàn 1 (Trung đoàn 741, Bộ sêiz car tuz lênhv tỉnh Điện Biên) nhiv kruôr uô tiêr luôs hâux lưv tsưx phưv ntus đriv faz Tây cheix ntux kruôr 2019-2020, sik đros uô hâux lưv jênh vênhv ntơưv thax tsav xã Nậm Vì, huyện Mường Nhé (tỉnh Điện Biên). Nhoz têx jêx jok, chor tuz lênhv Tiểu đoàn 1 tưz đros cấp ủy, hâu nov ntơưv qơư thiêz tsôngv px xã Nậm Vì paz px huôv tsar uô nox uô hnar; uô yiêz iz tuk qox ntông tuôv hla đhâu đêx, muôz jông six hơưv trâu tsôngv px sđ zôngx ziv mul lok thiêz truôx tuk đuô; thoz huk têx cưx đês, qêz suô jêx jok, qơư nhoz đu lus, hur si. Canr bôv, chiến sỹ tưz khơưz, cxiv kho đuô zuôr xar 5 cêik cêr mul lok jêx jok; khơưz kuô tsêr thiêz đhok uô tsêr nhoz trâu 5 chuôz zis hâur thax tsav; paz px tsêz tâu 5 cxênhz xưv phaz  liêx blêx; paz têx tsêr cơưv cxênhx nhuôs zâu xã Nậm Vì kho têx qar tsêr cơưv ntơưr...../.

(VOV4-Riê Lâux cxeik, nhênhv)

Sacombank Chi nhánh Lào Cai nhiv kruôr tsưr tsix tsaz yênhx siêz jông “Sor siêz chêix ntux yiêz” jiês tsiêz shông 2020 ntơưv xar Nậm Khánh, huyện Bắc Hà. Sacombank sik côngv đros têx cơ quan, ban, nganhx tsưr tsix tsaz yênhx siêz jông ntơưv 63 tỉnh, thành sâuv thôngz têz qơưk đros nhiêx txiêx zuôr xar 8 tiv đêiv tâu muôz txix cuiv phúc lợi, cuiv công đoàn thiêz chor cán bộ, nhân viên sik côngv paz. Đhâu 17 shông tsưr tsix, Sacombank tưz tsês chiê muôx 64 tiv đêiv đros chor tsưr tsix xar hôiv phêiz kênh têx phiv liv, paz trâu chor chuôz zis muôx luz nênhx txov nhêv shir phaz tok tsiêz. Hâur jiês no, ntơưv tỉnh Lào Cai, Sacombank Chi nhánh Lào Cai tưz sêiz nus, phôngv tsiêz thiêz khơưk muôz huv trâu 100 lênhx shux xênhz muôx luz nênhx txov nhêv ntơưv tsêr cơưv Nhuôs Zâu thiêz tsêr cơưv Phôv thôngx mênhx cxưx niêv txir zus mor cxênhx iz, cxênhx oz xar Nậm Khánh, huyên Bắc Hà đros tas nro tsiv gri muôx 50 triệu đêiv./.

(Báo Lào Cai-Lik Thox cxêik nhênhv)