Trơưk li sở zoz zux tỉnh Laox cai hêik pâuz, đhâu 3 shông tror qênhz yuôx, sêiz shuôk đuô têx tsêr cơưv, xav tas hli 9 shông 2018, hur  si tỉnh muôx 109 luz tsêr cơưv, txix tsêr cơưv kriê mê nhuôv txos trâu tsêr cơưv cxênhx 1 chiê chox lok uô 53 luz tsêr cơưv; tso tsês zuôr xar 300 kror qơư kriê cơưv ntơưr nhoz trâu thax tsav jêx jos, tox siêz đêz đrôngl. Chox 11 cxênhz lênhx shuv xênhz tuôx cơưv trâu têx tsêr cơưv tsênhv qơư. Zơưv Nguyên Anh Ninh, thơưx sêiz car sở zoz zux tỉnh Laox cai hêik pâuz, txix nhiv no txos shông 2020, Laox cai tsênhv zuôr tuôr cov tâu truôx chor tsêr cơưv nhiv no tsênhv muôx pôngz plox. Zơưv Nguyễn Anh Ninh hêik pâuz:

 “Qênhz yuôx, sêiz njuôk shuôk đuô têx tsêr cơưv nhoz trâu thax tsav jêx jos, tox siêz, zos chox shuv xênhz nhoz têx tsêr cơưv nhoz thax tsav jêx jos chox tuôx cơưv trâu têx tsêr cơưv lox. Zos luz tsêr cơưv tưs uô tsik tâu tiêr, tsuv sir jos uô cov tâu trơưk li hâu nov thênhv siêz luôs hâux lưv tso tơưv”./.

                                        (Tsu cxêik nhênhv-An Kiên)

Nganhx y tế tỉnh Yên Bái tsênhv chuôz tsar têx huôx tôngv phax tar moz tês tơư kror ndâux tsi chiê cik đêz đar hâur côngv thôngx. Lơưr Tsênhv qơư seiz car moz tỉnh Yên Bái li pov cov, cxôngx hâur shôngk shông txos nhiv no, sâuv thax tsav tỉnh sâu jênhv 220 lênhx trâus moz tês tơư kror ndâux, phênhv ntâu zos mê nhuôs zâu. Têx nênhs moz no nhoz 8/9 huyện, thành phố. Tiv zix, hâur hli 9 nhiv kruôr đhâu ntơưv huyện Trạm Tấu muôx 8 lênhx trâus moz, puôr lênhx zos moz hnhar, zôngx ziv uô moz txos hlưz tâuz hâu thiêz uô tuôs lênhx nênhs. Pos Lê Thị Hồng Vân, Phưv giám đốc Sở y tế tỉnh Yên Bái puz pâuz:

“Tiv iz zos tror chuôz tsar côngz xưv seiz car, cxơưz tiês hâux lưv njuôs siv chiê xav tênhv tâu qir tiv uô moz huôv xênhz thiêz zav caz moz zos li chas. Tiv zix zos thôngz xor mông txos têx tsêr cơưv heik mê nhuôs shux xênhz zôngv yuôx phongx nzuôr tês thiêz taz por têx tsưr ziv vêv xênhz trâu mê nhuôs...”./.

                                                 (Đinh Tuấn- Txâur Vax cxeik nhênhv)

Ntơưv jos Mường Tỉnh A, xã Xaz zôngz, huyện Điện Biên Đông, tỉnh Điện Biên, thax tsav ar ntơư tưz tu iz caz, zôngx ziv uô ruôr hiêv txos yênhx châuv chuôz zis nhoz hâur luz jos co li luz nênhx, txox siê. Trơưk li tsôngv px nhoz thax tsav ntơư hêik pâuz, thax ar trâus sưz tu iz caz zos tưz pov muôx yưv hâur chêix ntux nas tsêiz no. Caz ar tu sưz ntơư, ntêr muôx 900 thiêr, uô trâu 14 chuôz zis nhoz sâuv thax tsav co nox tsik kaz, pư tsik tsâus jos, cxươx trơưr hâur yênhx hnuz yênhx hmo. Viv cxơưx tsav ar poz, muôx 4 chuôz zis tưz yêik uô ntêx muk nhoz trâu thax tsav qơư txơưr, tsik chiê ar poz uô ruôr hiêv txos luz nênhx hâur niêx hnuz.

Đhâu ciês pov muox yưv thax tsav ntơư ar sưz caz, hâu nov uỷ ban xã Xaz zôngz tưz muôx ntơưr xa trâu hâu nov huyện Điện Biên Đông, chiê yêik cov tas hur tiz si cxuô chuôz zis nhoz jos Mường tỉnh chiê muk nhoz trâu têx qơư txơưr; tsik chiê đêx nas chuô uô ruôr hiêv txos tsôngv px sđ li luz nênhx./.

                                                                  (Tsu cxêi nhênhv-Vũ Lơ.i)

Zar hnuz keix hnuz 15/10, iz lênhx tsôngv box nhoz đrôngs Sơn La, tỉnh Sơn La tưz chiv chir muôz hluôr tơưk hlơưr zuk luz tsêr thiêz khiêr lơưv, luz tsêr ntông trâus cuz nhiêz tas hur sĩ, môngr jông tsi muôx ruôr hiêv lok lênhx nênhs. Trung tá Võ Tuấn Dũng, tsar công an phường Chiềng Lề, đrôngs Sơn La puz pâuz, luz tsêr zos chuôz zis zơưv Cầm Văn Nhờ lí tsêr, nhoz tuêv 12, phường Chiềng Lề. Qir tiv xuz thơưx tâu xav tênhv zos tix lâuk Cầm Tiến Thành, zơưv Nhờ lí tul tuz chiv chir muôz hluôr tơưk hlơưr cuz tsêr. Thâuv hlơưr tas, Thành tưz tsir mul lơưv. Tâu pâuz, kuôk nor 1 shông, Thành muôx têx tsi yuô mênhx pêv thiêz tưz chiv chir hlơưr zuk tsêr nhoz. Chuôz zis tưz chox Thành mul khó moz thiêz nhiv kruôr tâu tso lol tsêr; txos zar tar sử hnuz đhâu Thành mul hâuk chơưr lol họ tror muôz hluôr tơưk hlơưr tsêr thiêz tsir mul. Tas nro têx chuôz zênhx hâur tsêr puôr lênhx cuz nhiêz tas hur sĩ./.

                                                            (Trấn Long- Txâur Vax cxeik nhênhv)