1 triệu 500 cxênhz ntâu lênhx nênhs tưz tâu njuôk, kho moz ntơưv chor tsêr kho moz, qơư y tế sâuv thax tsav tỉnh Yên Bái hâur 10 luz hli đhâu. Hâur chor no, muôx zuôr xar 200 cxênhz lênhx nênhs kho chor moz li: Uô cuz uô no, thox plaz, kruô tâuv, moz njưl, moz kos kaz poz njês, viêm gan virus…Phênhv ntâu chor nênhs moz tuôx tsêr khoz moz đhâu iz ciêz txos 10 hnuz mak jông moz, tâu tơưv tsêr kho moz. Lơưr cưk yuôx Nguyễn Văn Tuyến, Giám đốc sở y tế tỉnh Yên Bái, muôx tâu chêx cur no zos khov nganhx y tế tỉnh Yên Bái tưz sir jos thox cxov, gra siêz txu chi trâu chor y, bác sỹ; sir zôngv têx tsưr ziv kỹ thuật yiêz txix tsêr khoz moz thênhv siêz choz zok…paz trâu nênhs moz txo grêk nhiêx txiêx hâur six hơưv kho moz. Cưk yuôx Nguyễn Văn Tuyến hêik:

“Tiv iz zos tror tsov cưv yưv pênhr cxiv tsa cơ sở cxuô zav, cxaz nzir chuôz zênhx trâu chor tsêr kho moz txix tỉnh txos chor tsêr khoz moz huyện, phongx njuôk shuôk moz thiêz trạm y tế xã. Tiv oz zos thox cxov gra siêz txux chi uô hâux lưv trâu chor cán bộ, tiv zix zos chor nênhs uô hâux lưv chênhr. Tiv 3 zos chuôz cxz choz zok, sir zôngv thênhv siêz li kỹ thuật trâu thênhv kik; sir jos cxiv tsa xã tax ploz tsênhr y tế têz qơưk chiê gra siêz tsơưr lươngv njuok, kho moz ntơưv tiv phaz”./.

                                                                 (Thừa Xuân-Lik Thox cxêik nhênhv)

UB tỉnh Lào Cai nhiv kruôr côngz fur tsưr ziv krêz đar thành phố Lào Cai mul iz phênhv ar têz nhoz huyện Bát Xát thiêz Bảo Thắng, chiê muôx txâuk ploz tsênhr ndar txos côngz xưv niêv đrôngs zav 1 lok shông 2025. No zos jiês tiv 3 TP Lào Cai tso tơưv tsưr ziv hlôngr yiêz địa giới hành chính cxôngx shông 1991. Tsưr ziv zuôr tâu côngz fur đêz đar chiê sâu zuôr 50 cxênhz ntâu cử tri nhoz 10 xã, phường sâuv thax tsav TP li ziv chênhv muôx lênhx coaz txos hâux lưv hlôngr yiêz địa giới hành chính./.

                                                                (AN Kiên-Txâur Vax cxeik nhênhv)

Uô lơưr Thủ tướng chính phủ li cuêz tênhv 1956 lok kriê hâux lưv uô trâu lox tôngv jêx jok, yênhx shông ban chox kriê kruôz kriê hâux lưv uô trâu lox tôngv jêx jok huyện Tuần Giáo hêik trâu UBND huyện pâuz tsưr ziv uô Đề án. Hâur co, chor ngành, tiv phaz sir jos uô côngz xưv yax kriê, gra siêz jênhv pâuz trâu pêx xênhv lok hâux lưv uô; xêir tsov zav hâux lưv uô chiê kriê huv đros trâu zoz qơưx tsênhv tsênhz nhoz tiv phaz; uô kruôz kriê đros phuôx huiz têx kror liv ntơưv tiv phaz; hâur co gra siêz tsơưr lươngv kruôz kriê tâu sêiz zos zov chênhr. Pêx xênhv thâuv cơưv tas tưz pâuz sir zôngv trâu zuk chuôz zis li uô xênhz yar; tưz hlôngr yiêz tsoz chos, tsiêx zus paz muôx tâu chêx cur siêz đuô./.

                                                                 (Báo Điện Biên-Lik Thox cxêik nhênhv)

Hâur têx shôngk đhâu, paz nôngx mênhx hlôngr yiêz tsoz chos, chuôz cxaz phênhv sâu, huyện Sìn Hồ, tỉnh Lai Châu tưz krêz uô siv trâur nuv chos kok zax zưv VT2 thiêz Marabeo sâuv mênhv chêx 30 hecta ntơưv thị trấn Sìn Hồ, xã Sà Dề Phìn thiêz Tả Phìn. Taz viv tưz đros công ty cổ phần kôngz nuv An Việt ( taz viv cam kết sâu zuôr xiv huv) tsưr tsix kriê cxaz tsưr ziv chos, tsoz phưz kok zax zưv trâu pox nhuôs. Thâuv sâu, chungz fênhx yar lengx tax 30-35 tênhr iz hecta, đros grê muôs 6000-7000 đeiv iz cir, iz hecta tsôngv box sâu cxôngx 100-120 tsov đeiv iz chiv, tsi xav têx phênhv tưz yưv, nhiêx liv sâu tâu 60-70 tsov đeiv. Yênhx côngz cxôngx trâur nuv chos kok zax zưv chiv tsâux tưz krêz tơưv tsưr ziv chiê nôngx mênhx Sìn Hồ tror chos tsoz chos muôx tsiv grê kinh têr siêz no./.

                                                                 (KT-Txâur Vax cxeik nhênhv)