Hnuz 15/5, Ban chox car trung ương đoanx côngz xưv, zos Hoàng thị hoa, phưv sêiz car uỷ ban vênhx huôv-zoz zux chor hluôk nênhs hâur Quốc hội, uô thơưx chox đoanx tưz muôx jiês uô hâux lưv trâu tỉnh Điện Biên, hêik lok luôs hâux lưv uô hauar 5 shông trơưk li Nghị quyết 33-cxiv tsa thiêz huôv tsar vênhx huôv, lênhx nênhs VN huôv tsar truôx đrênhk hauar têz qơưs. Hoàng Thị Hoa cux hêik,  tỉnh Điện Biên tsuv tror fuô uô jông luôs hauax lưv huôv tsar cxuô di tích lịch sử, cxuô thax tsav qơư jông jav hâur thax tsav tỉnh. Lar hêik zos huôv tsar vênhx huôv txuôk đros huôv tsar  cêr uô nox; cxiv tsa cxuô lênhx cán bộ Đảng viên truôx jông./.

                                                (Tsu cxeik nhênhv-Vũ Lợi)

Ban seiz car dưv anr cuiv nhiêx txiêx ntiêx têz phax tar moz HIV/AIDS tưz tsưr tsix cơưv sik thôngx ziv fuô uô tsaz yênhx chơưv kho hlôngr muôx zênhk zax zênhz txix yuôx Buprenorphine ntơưv tỉnh Sơn La. Yuôx Buprenorphine tưz tâu sir zôngv chiê chơưv kho têx lênhx nênhs trâul muôx zênhk têx tsơưr li zax zênhz, nhiv no tưz muôx 40 ntâu têz qơưk sâuv ntiêx têz uô lơưr. Yuôx jông tâu ntêr, viv li lênhx nênhs trâul muôx zênhk muôx têx zôngv yuôx 2-3 hnuz iz jâuk, txo grêk six hơưv, hnuz nhôngs tuôx trâu têx qơư chơưv kho chiv zênhk zax zênhz; tsơưs uô hiêv txos viv li tsi tsuv zôngv ntâu yuôx ARV thiêz Buprenorphine  thâuv đros kho nênhs trâul moz HIV.... Trơưk li tsưr ziv, hâur shông 2019, ban seiz car Dưv anr cuiv nhiêx txiêx ntiêx têz phax tar moz HIV/AIDS tỉnh zuôr fuô uô muôz yuôx Buprenorphine trâu têx qơư chơưv kho thiêz pheiz yuôx methadone ntơưv huyện Mai Sơn thiêz TP, đros thiêz 180 lênhx nênhs trâul moz, trâus muôx zênhk cxaz chuôz./.

                                       (KT-Riê Lâux cxeik, nhênhv)

Trơưk li tsênhv qơư Thú y Trung ương hêik pâuz, caz moz ơưk buô châu phi tưz pov muôx yưv trâu ntơưv 3 xã: Zos Xã Túc Đán, Trạm Tấu, Lành Nhì, huyện Trạm Tấu, tỉnh Yên Bái. Pov muôx yưv caz moz ơưk buô châu phi li hêik ntơư, hâu nov huyện tưz chox kriê tsôngv px hâur thax tsav uô jông cxuô faz tsưr ziv tir thêir caz moz ơưk phi trơưk quy tênhv thiêz muôz yuôx trâu px tsuôs tuô caz moz ơưk buô châu phi tsik chiê cik đêz đar trâu cxuô thax tsav qơư./.

                                (Tsu vưx cxêik nhênh-KT)

Mông txix têz qơưk Tsênhv qơư njuôk ntux yar ntux nas njuôk xav, ntơưv Lào Cai txix hnuz 16/5 tror zar muk, ntux zuôr cuz sor nhoz ntâu suôv qơư hâur tỉnh. Đros thiêz jêx tưv siêz yax txix 35-37 tưv, muôx kênh suôv ơư siêz đuô 39 tưv. Yar ntux cuz sor đros trâu tsi lok nas, zuôr uô kror cxiê qơư kruôr gis hênhr, zôngx ziv muôx tơưs cuz, hluôr tơưk txeil cuz jôngr. Chênhr viv li, tsôngv box cxuô thax tsav qơư tsuv chuôz tsar tiês uô jông hâux lưv phax cuz tuô cuz jôngr hâur six hơưv zuôr txos. Cxuô chuôz zis tsuv tiz jông seiz shuôs đal jos trâu têx nênhs lâuk thiêz nhuôs zâu chiê phax tir thêir têx moz gênhs. Phax tar moz, têx caz hmoz muôx têx huôv xênhz uô ruôr hiêv têx kôngz lôngk, tsiêx tu zus./.

                                  (KT-Riê Lâux cxeik, nhênhv)