Hâur cheix tsiêz trung thu, lưx lươngv muôx txơưx jênhv tỉnh Yên Bái tưz thiêz tsênhv chuôz tsar qênhz yuôx, seiz car têx hax huv li thax nduôr, đêx hâuk, chuôz zênhx uô si phưx vưv mê nhuôs zâu. Lưx lươngv muôx txơưx jênhv tưz pov 45 txuz uô cxâuv, muôz por tsês zuôr xar 1 cxênhz 700 têx chuôz zênhx uô si phưx vưv mê nhuôs zâu zos Trung quốc tsiv uô tsi taz por; 200 ntâu xiv huv thax nduôr, cuô mis tsi taz por tsơưr lươngv...Tas nro chor hax huv muôz por tsês zos zuôr xar 200 tsov đeiv. Zơưv Phan Bá Hùng, Qênhx cục tsar cục coar lik niêv ciêz tỉnh Yên Bái puz pâuz:“Pêz tưz cxiv tsa tsưr ziv cxơưz tiês côngz xưv qênhz yuôx, seiz car, tiv zix zos têx hax huv mak Bộ công thương thôngx ziv coar lik li: thax nduôr, têx zav hax huv tsi pâuz tsênhz hâur pâus; chuôz zênhx uô si trâu mê nhuôs tsi huv đros uô zênhr shar txos mê nhuôs mak pêz puôr lênhx muôz por tsês tas”./.                               

(Thừa Xuân- Lan dịch đọc)

Jiês xét xử sơ thẩm txuz án uô zuôv điểm thik cơưv tiêr ntơưr cxênhx pêz têz qơưk shông 2018 ntơưv Sơn La tâu tsưr tsix trâu 8 six sơưr nzor hnuz 16/9. Chôngz lênhx nênhs nhoz Sơn La tsênhv lok six khov vav tòa zuôr uô tsênhz mênhx ntâu kror pêx xênhv tsik jông siêz cik txos txuz án no. Xuz thơưx zos zơưv Hoàng Tiến Đức, kuz Giám đốc Sở zoz zux thiêz Thox cxov tỉnh Sơn La muôx pưk txux txos tưs thâuv kror uô cxâuv no muôx yưv? Chor shux xênhz tâu paz ndê điểm thik ntơưv Sơ La niêv txir tưz hêik li chak trâu chor nênhs uô cxâuv chiê lơưr paz tso ndê điểm thik trâu têx shux xênhz co? Zos tsik muôz nhiêx, tsik zos muôx tâu liv no ho zos tiv li chak mak ho tâu paz ndê điểm thik? Chôngz nênhs cux vav tiêk chor cơ quan txơưx jênhv zuôr sêi đrơưv uô tsênhz mênhx muôx lok tsik muôx muôz nhiêx chiê zuôr điểm thik hâur txuz án no./.

(Thanh Thủy-Lik Thox cxêik nhênhv)

Zơưv Hoàng Trung Kiên, Chủ tịch UB xã Đại Phác, huyện Văn Yên tỉnh Yên Bái puz pâuz: Sâuv thax tsav xã nhiv kruôr muôx yưv iz txuz tsôngv box li meir hleik blêx trâus cuz nhiêz thâuv tâu tso tov liêx. Zơưv Phạm Văn Uông, nhoz jos Tân Thành, xã Đại Phác zos tsưr luz meir tsiv gri 200 tsov đeiv no puz pâuz: Hnuz 13/9 zơưv hleik blêx trâu pox nhuôs hâur jos tas zơưv tso meir tov liêx. Txos tas cik hnuz tov kaz muk muôz meir chiê tror uô hâux lưv mak zơưv pov luz meir tưz trâus cuz nhiêz tas. Ciês thâuv jênhv tâu xor mông pov, Công an xã Đại Phác tưz đros Công an huyện mul qênhz yuôx uô tsênhz mênhx qir tiv, xav tênhv seiz luz meir pok zos nênhs fêv hlơưr lok sik tsi zos./.

(Tuấn Xuân- Txâur Vax cxeik nhênhv)

Xưk xor mông tưz hêik pâuz, hâur tsaz yênhx “Ntênhk hôiv Vênhx huôv, Du lịch Mường Lò thiêz ndis shuôk nriêr pâuz liêx ntêir Mù Cang Chải shông 2019”, tỉnh Yên Bái zuôr tsưr tsix đhiê pax vuôs xòe lox tiv zix xav txix thâuv ntêx txos nhiv no, đros muôx 5000 lênhx nênhs cxaz chuôz thiêz njuôk xav xa ntơưr đăngk cir trâu tsưr tsix Kỷ lục ntiêx têz chiê hêik pâuz lok đhiê pax vuôs xòe cxôngx nzor thiêz hêik kriê lok tsôngv box Thái-Tây Bắc li zav đhiê pax vuôs no trâu ntiêx têz pâuz txos. Taz sik, hâur ntu bax têx ntâuz ntơưr, đhâu thâuv sêiz shuôk jông, tsưr tsix Kỷ lục ntiêx têz li têx tsar tov, tỉnh Yên Bái cuêz tênhv tso tsês uô ntơưr đăngk cir kỷ lục Guinness ntiêx têz thiêz tsuôk tsưr tsix đhiê pax vuôs xòe jông xưk li cxiê shông./.

(Đinh Tuấn-Lik Thox cxêik nhênhv)

Nhiv kruôr đhâu sâuv thax tsav huyện Điện Biên, tỉnh Điện Biên iz taz viv muôx bê zos Công ty cổ phần heik kriê thiêz chuôz zênhx y tế Sài Gòn Hà Nội SHB tưz liv zôngv hâux lưv tsưr tsix phêv thảo heik kriê xiv huv chiê đas tsôngv box zuôr yênhx puôk huv yuôx chuôr lok zôngv. Lênhx nênhs mak công ty no tsov txos zos têx lênhx nênhs muôx hnuz nhôngs siêz, tsi mênhx pêv thiêz tsôngv box mênhx cxưx tsơưs nênhs yênhx tưv lok y tế kis. Lơưr nênhs sâu xor xưv li xor mông, txos nhiv no tưz muôx yênhx puôk lênhx nênhs muôx hnuz nhôngs siêz nhoz ntâu xã ntơưv huyện Điện Biên li: Thanh Chăn, Sam Mứn, Noong Hẹt...trâus đas, pôngz ntâu nhiêx txiêx. Hâux lưv liv zôngv tsôngv box li siêz njênhs chiê muôs hax huv tsi trơưk zoz qơưx zos iz hâux lưv tsuv tâu têx chiz coaz muôx txơưx jênhv huyện ciêr chênhr uô tsenhz mênhx, muôx têx canhv pov chiê pox nhuôs tsi tror trâus đas thiêz./.

(Vũ Lợi-Txâur Vax cxeik nhênhv)