Nhiv kruôr đhâu, uô hâux lưv đros hâu nov tỉnh Yên Bái, Chủ tịch Côx hôiv Nguyễn Thị Kim Ngân ntâuk grê siêz tỉnh Yên Bái têx luôs hâux lưv uô tâu jông lok huôv tsar kinh tế shông 2020, hâur ntu muôx moz Covid-19 huôv xênhz, tỉnh tưz sir jos tuôr truôx tuk, chuôz tsar phênhv sâu tâu hâur 6 luz hlik ndê 4% ntâu, sơưr tiv 4 hâur 14 tỉnh thax tsav Trung du thiêz tox siêz faz Bắc, tas nro hâur shông njuôk xav tsar ndê 6% ntâu, ntâu đuô 2 bâus pir li xav kror đruôz đraz hâur tas nro têz qơưk, muôx ntâu tsưr ziv uô jông thiêz tâu trơưk li siêz xar, phuôx huiz tas nro cxix luôs chính trị li txơưx jênhv, hu zâuv cxuô pênhr jos hâur XH, lar heik zos têx lênhx uô tsưr, px buôk ti uô lok cxiv tsa jêx jok yiêz. Chủ tịch Côx hôiv Nguyễn Thị Kim Ngân cux heik, ngênhx kinh tế Yên Bái tsênhv tsi tâu huôv tsar jông lok cxuô zav li: chuôz tsar, hlôngr yiêz tsưr ziv ngênhx kinh tế tsi yuô tâu trơưk tsưr ziv xar, công nghiệp tsi tâu zos têx zov chênhr, jux lix tsênhv tsi tâu tâu jông...., no zos têx Yên Bái tsuv khưx phưx:“Tỉnh hâux lưv zov chênhr hâur six hơưv zuôr txos zos hâux lưv njuôk hov tỉnh fiv đros trâu thax tsav, têz qơưk. 80 ntâu cêik 2 saz ntus đêx Liêz zos iz jông trâu Yên Bái huôv tsar. Zos hâur six hơưv zuôr txos, Bộ tsưr ziv thiêz yưv pênhr lơưr tsưr ziv njuôk lol thax tsav, têx li heik no chiê krêz uô têx jông trơưk 2 saz ntus đêx Liêz. Tiv 2 zos uô têx hâux lưv hâur shông 2021, cê phax tar moz gênhs cê huôv tsar kinh tế XH. Yên Bái tsuv hlôngr yiêz tênhx qơư zuôr muôs uô lax luôv, gra siêz tsưr ziv, txux chi sik tsav txênhz đros luôs 2 chas thax tsav đrâuv”./.

(VOV-Riê Lâux cxeik, nhênhv)

Têis cik 15/11, Tsêr cơưv Đại học Tây Bắc tsưr tsix chiv nhênhv 60 shông hnuz yênhx lix tâu tsêr cơưv shông 1960-2020 thiêz kriz cơưv shông cơưv yiêz 2020-2021. Qir thơưx zos Tsêr cơưv sư phạm cấp II Thax tsav Tự trị Thái Mèo tâu yênhx lix hnuz 30/6/1960, txos nhiv no, tsêr cơưv Đại học Tây Bắc muôx 440 lênhx cán bộ, cưk kriê; 6 nganhx kriê  cơưv thạc sỹ, 25 nganhx kriê cơưv đại học thiêz 2 nganhx kriê cơưv cao đẳng; kriz uô ntâu tsaz yênhx sik côngv ntiêx têz, tiv zix zos kriê trâu chôngz lênhx shux xênhz Lào. Shông 2020-2021, tsêr cơưv tsênhv zuôr kriê trâu 3.000 ntâu lênhx shux xênhz, hâur co muôx 800 lênhx shux xênhz Lào; 600 ntâu lênhx shux xênhz nhiv kruôr tuôx cơưv yiêz hâur shông no.

Hêik ntơưv jiês chiv nhênhv, Thứ trưởng Bôv Zoz zux Hoàng Minh Sơn hêik mênhx: Đhâu 60 shông cxiv tsa thiêz huôv tsar, txix luz tsêr cơưv no, muôx 45.000 ntâu lênhx cử nhân, xar muôx 2.000 lênhx thạc sỹ tưz cơưv tiêr, hâur co muôx 77% lênhx zos shux xênhz mênhx cxưx tsơưs nênhs thiêz  yênhx chor pênhr jos paz trâu huôv tsar kinh têr-xar hôiv thax tsav tây Bắc thiêz têz qơưk. Taz sik, chiê huv đros hâur ntu huôv tsar, têz qơưs hlôngr yiêz nhiv no  thiêz, tsêr cơưv tsuv sir jos cov hlôngr yiêz đuô; xav jênhv tsưr ziv kriê txux chi, nhênhz chơưv khoa học chiê huv đros trâu têx hlôngr yiêz thiêz huôv tsar kinh têr xar hôiv hâur thax tsav./.

(Trấn Long-Lik Thox cxêik nhênhv)

Tỉnh Lai Châu nhiv no muôx zuôr xar 4 cxênhz ha tsơưz, hâur co phênhv ntâu zos nhoz trâu huyện ntus đriv Phong Thổ, xav kror đruôz đraz iz shông txiêr sâu têx txir tsơưz tâu muôx nhos 45 cxênhz tênhr, phênhv ntâu muôs trâu saz Trung Quốc. Cơ quan muôx vax huôv thôngz sâu, txix hâur shôngk shông 2020 txos nhiv no, ntơưv qơư tưz muôs tâu zuôr xar 22 cxênhz tênhr têx txir tsơưz njuôz, gri txix 8.700 đeiv txos 10.500 đeiv iz cir, txo grêk xar muôx 2 cxênhz đeiv pir li shông 2019, tâu nhos 5,5 tsov USD thiêz txo grêk 30% ntâu pir li shông 2019. Qir tiv têx txir tsơưz txo grêk li heik sâuv thâuv muôs trâu luôs 2 chas têz qơưk đrâuv, tâu ngênhx Công thương ntơưv qơư seiz zos, viv têx trôngx đriv, cêr muk lol hâur thax tsav tsuv uô lơưr tsưr ziv phax tar moz Covid-19, tax nduô tsês tsi khênhr muk lol lok sik têx yêz thâux xa hax huv muk đhâu trôngx đriv kênhz. Zơưv Lê Xuân Tiến, Phưv Giám đốc Sở Công thương tỉnh Lai Châu heik pâuz:

“Thâuv pêz cxaz chuôz tênhx qơư ciêz đrôngs, zuôr muôs huv đros têx ciêz đrôngs lox, pêz tsuv uô lơưr têx cui tinhv ntiêx têz; hax huv tsuv taz por pâuz tsênhz qơư, muôx qơư chos, qơư sâu zuôr chor huv co trơưk lơưr luz têz qơưk sâu zuôr chor huv ntơư têx cui tinhv. Gri zos seiz lok sâuv chor txir tsơưz co jông lok tsi jông, pêz cux tsênhv đros Sở Kôngz nuv thiêz huôv tsar tox siêz chiê uô li chas muôx têx txuôk đros tâu têx chuôz zis  thiêz HTX sik đros uô uô cê, txix thâuv chos txos trâu hloz lox, muôx txir, txiêr sâu chor txir muôs thiêz krưr, fax thâux muk muôs trâu luôs 2 chas thax tsav, têz qơưk đrâuv”./.

(Khắc Kiên-Riê Lâux cxeik, nhênhv)

Ntơưv thị xã Sa Pa, tỉnh Lào Cai, Liên hoan Nta suôz-Nta đuôz tỉnh Lào Cai jiês tiv 8 shông 2020 nhiv kruôr suôv câuv. Ban giám khảo tưz xêir tsov tâu têx pov chir jông hâur tas nro 120 jax pov chir nhoz 14 cơ quan, taz viv yax mông hâur tas nro tỉnh.

Ban tsưr tsix ntâuk gri puz pâuz, Liên hoan shông no muôx têx sir jos cxix cxuô đuô nhoz chor taz viv dự thik, têx kror yiêz hâur nriêr pâuz, xưv lik thiêz kriz uô đề tài. Ntâu zav lax sâu li chuyên đề, tọa đàm, hu nkâux… cux tâu chor taz viv sir jos uô jông, lơưr tsưr ziv yiêz. Hâur kriz uô Liên hoan tsênhv muôx ntâu kror hâux lưv txơưr xưk li thik tưr nênhs chox luk txơưx, uô vênhx nghệ... Ban tsưr tsix tưz khơưk muôz qix trâu huyện Bảo Thắng zos qơư sơưr tsưr tsix jiês Liên hoan txuôk lơưr trâu shông 2020./.

(An Kiên-Lik Thox cxêik nhênhv