Zơưv Sơn Xênhv Muôk, Phưv Bí thư Tỉnh ủy, Chủ tịch UBND tỉnh Điện Biên cir tso tơưv chỉ thị số 01/CT-UBND lok hâux lưv tsưr tsix tok tsiêz shông 2019. Lơưr co, Chủ tịch UBND tỉnh hêik nênhs sơưr thơưx têx sở, nganhx tỉnh thiêz Chủ tịch UBND huyện, thị xar, thành phố tsêx trung cxiv tsa tsưr ziv tsưr tsix tok tsiêz sik côngv siêz, shir phaz, truôx tuk, cxênhx txuôs. Têx cơ quan hâur cxiv luôs hành chính têz qơưk cxuô cấp hêik pâuz, uô truôx jông tsik zôngv nhiêx txiêx têz qơưk muk chuôr yuô, phôngv tsiêz trâu chor lênhx tov hâur cơ quan, taz viv cxuô cấp; tsik sir zôngv têx zav chuôz zênhx công trâu zuk têx huôx tôngv hâur jiês tsiêz, ntênhk hôiv…/.

                                                 (KT-Lik Thox cxêik nhênhv)

Tiv trâus zênhr shar viv chuô txiêk, cxôngx hnuz 16/1, tỉnh Sơn La muôx ntux lok nas, ntâu qơư no njiv, jêx tưv grês kis cxôngx 10-12 tưv; tox siêz muôx têx qơư jêx tưv grês cxôngx 7-9 tưv. Ntơưv đrôngs Sơn La thiêz têx huyện nhoz buôk co, tas cik hnuz 16/1 muôx ntux lok nas. Têx xã tox siêz nhoz têx huyện Mộc Châu, Bắc Yên, Vân Hồ, Thuận Châu pov pok huôz, lok six riêz nênhs thâuv cxaz chuôz zaoz thôngz. Lơưr Đeix njuôs pov qiv hơưv thax tsav Tây bắc li njuôs pov, jiês no njiv no zuôr truz ntêr hâur 2,3 hnuz thiêz. Viv li, chiê taz por đas jos trâu zuk, tsôngv box tsuv tsưv ziv uô jông têx tsưr ziv phax tar ntux no, thâuv ntux lok nas lox, pok huôz, cêr bluô tsuv tsưv ziv lok sik tsi cxoz cxaz chuôz zaoz thôngz zos tsi zuôr trâus./.                                                           (Trấn Long- Txâur Vax cxeik nhênhv)

Txix hmo 16/1, qiv hơưv txiêz tưz lok trâu Lào Cai uô muôx ntux nas sâuv cxuô thax tsav thiêz muôx chuô ntơưv iz cxiê qơư. Jêx tưv cxuô thax tsav nhoz tỉnh Lào Cai grêk kik, ntux no; thax tsav tox siêz ntux no chênhr, no njiv. Njuôk xav hâur têx hnuz zuôr txos, ntux no zuôr tror phiv liv txos Lào Cai; muôx ntux nas cxiê qơư, jêx tưv tror grêk kik đuô. Hmo no, têx qơư tox siêz tsuv phax tar muôx đâuk bu uô hiêv txos cxuô zav./.           

                                                   (KT-Lik Thox cxêik nhênhv)

Pas đêx nhoz tsênhv qơư thị trấn Yên Thế, huyện Lục Yên, tỉnh Yên Bái tâu ntâuk grê zos iz hâur têx pas đêx đar thiêz jông sâuv thax tsav tỉnh. No zos qơư tsôngv box tiv phaz thiêz tsôngv kruô khênhr tuôx ndis shuôk, uô si. Taz sik muôx nhos 10 hnuz no, tsôngv box pov lok six tsư nxiêz thâuv mul jê pas đêx, đhâu co xav tênhv muôx ntâu tul njês lox trâus tuôs sâuv pas đêx. Lơưr nênhs sâu xor xưv li seiz shuôk, muôx yênhx châuv tul njês lox cxôngx 1-2 cir trâus tuôs sâuv pas đêx, uô kiês nênhs tênhx qơư./.

                                                   (Tuấn Xuân- Txâur Vax cxeik nhênhv)