Ciês chor hnuz hâur hlik hli 1/2020, 600 ntâu lênhx nênhs zos lênhx tov chor sở, ban, nganhx, đoanx thể tỉnh đros chor hluôk nênhs tuôx txix têx cơ sở đoàn, tsêr cơưv sâuv thax tsav tưz cxaz chuôz trâu tsaz yênhx tso nyar siêz jông phưx vưv nyar trâu jiês tsiêz shông 2020. Suôv câuv tsaz yênhx, 115 taz viv nyar tưz tâu xa lok trâu qơư tsês chiê nyar tsêr kho moz đa khoa tỉnh Yên Bái chiê paz nyar trâu chor nênhs moz. Niêv tix Trần Thị Thủy, tuôx txix Sở Y têr puz pâuz:“Cur muôx chor nyar hov O, thâuv hâur thôngz têz qơưk muôx lok six tsơưs chor nyar no, cur tưz sir jos cxaz chuôz tso nyar. Cur zênhx xar njôngr tiêk tso zuk mê njil nyar mak zuôr paz trâu lok six chôngz lênhx nênhs moz txơưr đuô viv li cur cxaz chuôz tso nyar”./.

(Tuấn Xuân-Lik Thox cxêik nhênhv)

Công an tỉnh Điện Biên tsưr tsix jiês chuôz tsar cán bộ, chiến sĩ mul tiv phaz chiê taz por txiv nga,z por vêv đại hội đnagr têx cấp thiêz têx hnuz ntênhs lox hâur shông 2020. Thôngx cxix phuôx tôngv uô Chei phax tar chơưr, bia li txux hiêv. Ntơưv ntênhs thiếu tướng Shôngx A Hồng, Giám đốc Công an tỉnh Điện Biên puz pâuz: “Công an tỉnh Điện Biên cux zuôr tsưr tsix tir tar têx zav nênhs phamv cxâuv, taz por txiv ngaz, chêx chôngk lok têx lênhx nênhs huôx tôngv muôx tsưr tsix, nênhs tưr nhiêx txiêx, tuz saz tuz nhiês, têx lênhx nênhs tsưr tsix puz txeik pênhr đros phênhv liv siêz...Chêx chôngk lưx lươngv cxuôv por tsês têx qơư muôv muôs zax zênhz chiê nênhs phamv cxâuv tsi muôx qơư uô cxâuv cêr chei”./.

(Vũ Lợi- Txâur Vax cxeik nhênhv)

Tsêr kho moz Hùng Vương (TP HCM) sik côngv đros Bôv chỉ huy Bôv đôiv pênhz phax Lào Cai thiêz chor nênhs siêz jông nhiv kruôr tsưr tsix tsaz yênhx khơưk muôz huv trâu 1.500 lênhx shux xênhz, 250 chuôz zis tâu sơưv cêr chêi, chuôz zis pluôs thiêz njuôk shuôk moz, muôz yuôx tsik zuôr nhiêx txiêx trâu 520 lênhx nênhs ntơưv tiv phaz thiêz chor cưk kriê ntơưr hâur jiês tsiêz shông 2020. Đoanx cux tưz khơưk muôz trik yo sor, câuk mov, hnaz ntơưr, khâu, pav vix tsav thiêz cxuô zav trâu pêx xênhv thiêz chor shux xênhz sâuv thax tsav xar Pha Long. Tas nro muôx tsiv gri zuôr xar 600 triệu đêiv./.

(VOV4-Lik Thox cxêik nhênhv)

Chuôz zis tix lâuk Bùi Văn Tế, nhoz jos C5, xã Chiềng Khoong, huyện Sông Mã, tỉnh Sơn La muôx 1,2 hecta chos ntông nox txir cxuô zav li txir lưv tsiz, txir lưs jôngr, txir thênhx caz...Thâuv tsi tâu muôx HTX, tix lâuk chuôz zis cux xưk li ntâu ziv chuôz zis nhoz no tsuôk zos chiv chir chos, qơư sâu zuôr tsi ngaz tul, khênhr trâus tuz luôv zuôv grê...Cxôngx shông 2017, tix alauk đros 9 ziv chuôz zis sik côngv yênhx lix HTX BẢo Minh, chêx chôngk tsêz chos lơưr tsưr ziv VietGap, muôx xiv huv ntông nox txir muôx tsơưr lươngv siêz, taz por, hâux lưv heik kriê thiêz nriêr qơư sâu zuôr xiv huv cux tâu chuôz tsar uô. Cxôngx co, hâux lưv sâu zuôr xiv huv jông, grê muôs ngaz tul đuô: “Sik côngv đros HTX, yuôx, tsưr ziv uô chiê sâu tâu xiv huv jông, tsưr ziv zuôv qir cux tâu muôz siêz. Sâu zuôr xiv huv cux zôngx ziv đuô thâuv ntêx. Nhiv no muôx ntâu tuz luôv tuôx zuôr, tsi trâus zuôv grê lơưv thiêz”./.

(Bích Thủy- Txâur Vax cxeik nhênhv)