Đhâu mnôngs têx luk nus thiêz têz uô ntêx Quốc hội, zơưv Lê Minh Hưng Thống Đốc tsêr nhiêx têz qơưs VN; cử tri Trần Kim Hoa, nhoz Phươngx Bắc Cường, thành phố Laox Cai hêik pâuz:

 “Trơưk li cur mak Laox cai, muôx ntâu zav huôv tsar uô kôngz nuv hur cux li kôngz nuv công nghệ siêz. Lar hêik zos nhoz trâu thax tsav qơư txiêk li Sa Pa; Bắc Hà. Taz sik, luôs hâux lưv uô tsuv fuô uô li chas thiêx huv đros. Tok njôngr têz qơưs zok nriêr cxuô faz tsưr ziv uô cov huv đros cxuô bộ, ngênhx thiêz huôv tsar uô cov tâu truôx”./.

                                       (Tsu cxêik nhênhv-An Kiên, TT Tây Bắc)

Huyện Văn Yên zos iz hâur têx thax tsav qơư hâur tỉnh Yên Bái trâus uô ruôr hiêv hnhar lok kôngz nuv đhâu đêx nas uô. Chiê paz tsôngv box muôx têx tror uô nox uô hâuk đhâu ciês đêx nas uô hiêv, huyện tưz bax tsưr ziv muôz xar 500 tsov đeiv nhiêx chiê zuôr 22 tênhr nôngz kok zax zưv paz tsôngv box khưx phưx têx tsi jông đhâu đêx nas uô. Têx thax tsav qơư tâu paz chor nôngz kok heik sâuv zos têx xã muôx liêx têz trâus uô ruôr hiêv tas ntâu li: Đại Phác, Yên Phú, An Thịnh, Yên Hợp, Đại Sơn, Mỏ Vàng.

Nhiv no, tsôngv box tsênhv lêix, ndơưk têx ar têz chiê chos kok zax zưv trơưk li heik kriê. Pos Phạm Thị Thức, nhoz xã An Thịnh, huyện Văn Yên, tỉnh Yên Bái heik:

“Coz nas lox hâur hli 10 nhiv kruôr đhâu tưz cuôr yôngz tas pêz têx poz cưk. Khov muôx huyện paz nôngz kok zax zưv chiê pêz tror chos đuô trâu têx thax ar têz trâus đêx nas cuôr yôngz ntơư. Nhiv no pêz tsôngv box tsênhv sik đros chos, chiê seiz pok nzir tâu iz phênhv tưs têx kôngz trâus pôngz, sâu tsi tâu”./.

(Thừa Xuân-Riê Lâux cxêik-nhênhv)

Hêir nênhs poz ziz nhoz Lai Châu li yuôz đêx tưz muôx đros đrêiv hâur luz nênhx txix thâuv nzor lok thiêz xav hâur têx shông đhâu, tưz muôx chôngz lênhx kruô nhoz luôs oz chas têz qơưs tuôx sêiz shuôk. Lar hêik zos hêir nênhs poz ziz yênhx châuv luz yuôx đêx hêik đêx lok tsêz chos blêx liêx ntơưv jos Nà Khương, xã Bản Bo, huyện Tam Đường; hâur shông 2017, tưz muôx txos 5 cxênhz lênhx kruô tuôx sêiz shuôk, hâur ntơư muôx  1/4 zos tsôngv kruô nhoz luôs oz chas têz qơưs. Pos Tẩn Thị Quế, phó chủ tịch uỷ ban huyện Tam Đường hêik  Pâuz:

 “Ntơư zos iz vênhx huôv jông tsuv muôx pênhr nhiêx huôv tsar uô cov muôx đros đrêiv huôv tsar du lix thiêz pêz cux xav tâu tiêk: Tam DDường zos iz thax tsav jông huôv tsar du lix. Pêz vav njôngr tiêk: Thôngz đhâu têx yuôz đêx ntơư, hâur ntu zuôr txos no huyện Tam Đường tsênhv zuôr huôv tsar uô du lix txuôk đros cxuô hêir nênhs tsơưs têx cêr nênhx vênhx huôv jông”./.

                                                        (Tsu cxêik nhênhv-Khắc Kiên)