Hâur 2 hnuz (15-16/5), Đại hôiv têiv plor cxuô mênhx cxưx tsơưs nênhs huyện Bảo Thắng, tỉnh Lào Cai jiês tiv 3 tưz tâu tsưr tsix yênhx côngz. No zos Đại hôiv uô siv tâu tỉnh Lào Cai xêir tsov, bax trâu Đại hôiv têiv plor cxuô mênhx cxưx tsơưs nênhs  tas nro tỉnh zuôr txos. Cxaz chuôz Đại hôiv muôx 150 lênhx têiv plor hlôngr njêx muôs trâu 45 cxênhz ntâu tsôngv box mênhx cxưx tsơưs nênhs huyện Bảo Thắng. Đros muôx 40% ntâu tsôngv box mênhx cxưx tsơưs nênhs, nhoz phênhv ntâu ntơưv têx qơư phiv liv taz sik hâur six cxiv nhiv kruôr đhâu, côngz xưv mênhx cxưx tâu cấp ủy, chính quyền Bảo Thắng tsov cưv txos, paz muôx ntâu chêx cur jông. Đại hôiv tso tơưv tsưr ziv, sir jos txos shông 2025 chox huyện Bảo Thắng zos yênhx huyện huôv tsar nhoz tỉnh Lào Cai; iz shông txo grêk tsơưs muôx 5-5,5% chuôz zis pluôs, tsik yuôr têx tsêr đaz tuôs lav nhoz…/.

                        (An Kiên-Lik Thox cxêik nhênhv)

Jiês cuz sor ntêr hnuz nhiv kruôr đhâu tưz uô tsôngv box huyện Điện Biên Đông, tỉnh Điện Biên li muôx nhos 400 hecta blêx têz thiêz kok ntông trấu tuôs. Zơưv Vũ Ngọc Hoành, tsar phongx kôngz nuv thiêz huôv tsar nôngx cxênhz huyện puz pâuz: Tas nro mênhv chêx kôngz lôngk trâus ruôr hiêv tâu tsêz chos cxôngx hâur hlik hli 4 nhiv kruôr đhâu. Shông no huyện Điện Biên Đông tsêz chos muôx nhos 11 cxênhz 400 hecta blêx têz, poz cưk thiêz têx zav tsoz chos kôngz lôngk txơưr, đêx zưs tsuôk khov txos đêx nas. Huyện tưz chox kriê têx xã vênhv tôngv tsôngv box nôngx mênhx cxoz max tsêz chos chiv yiêz. Đros thiêz têx mênhv chêx trâus tuôs mak tror uô ar, tos ntux lok nas mav li tsêz chos./.

         (Vũ Lợi- Txâur Vax cxeik nhênhv)

 Ntênhk Festival chêix nênhl sik tưr đhiê ntơưv tox siêz Bắc Hà shông 2019 zuôr tâu tsưr tsix txix hnuz 31/5 txos hnuz 9/6/2019. Kror chênhs zos ntơưv têx qơư tsưr tsix ntênhk nhoz thị trấn Bắc Hà thiêz têx xar zov chênhr lok du lịch li Thải Giàng Phố, Bản Phố, Tà Chải, Bảo Nhai…jiês sik tưr chêix nênhl đhiê yênhx shông muôx đros chiv txir khơưz Bắc Hà siêr nto bê. Bắc Hà tâu sêiz zos qơư muôx ntâu txir khơư đuz nhoz tỉnh Lào Cai thiêz thax tsav Tây Bắc, zos pêx xênhv kror tso siêz, viv tưz tsik zos paz trâu pêx xênhv huôv tsar kinh têr, mak tsênhv zos yênhx kror hax huv du lịch jông tau tsôngv kruô nhiêv txos thâuv tuôx trâu luz huyện tox siêz no./.

              (VOV4-Lik Thox cxêik nhênhv)

Lơưr Sở kôngz nuv thiêz huôv tsar nôngx cxênhz tỉnh Yên Bái li pov cov, xav txos 3 six zar hnuz keix hnuz 16/5, moz ơưk buô châu Phi pov huôv xênhz ntơưv 66 ziv chuôz zis tu zus nhoz 8 jos hâur 6 xã sâuv thax tsav 4 huyện, thị xã zos huyện Văn chấn, thị xã Nghĩa Lộ, Trấn Yên, Trạm Tấu. Thâuv muôx chêx cuk njuôs siv moz huôv xênhz, lưx lươngv muôx txơưx jênhv tưz tsưr tsix muôz tas nro chor buô muôx 583 tul chox mul phâus por tsês. Chuôz ndê cxaz 19 ziv chuôz zis muôx buô trâus moz ơưk buô châu Phi. Nhiv no, UB têx huyện, thị xã chox kriê chiz coaz chuyên môn, têx xã muôx moz tsưr tsix phâus por tsês têx buô trâus moz, tsuôk yuôx tuô caz moz thiêz uô jông têx tsưr ziv tir tar moz./.

      (KT- Txâur Vax cxeik nhênhv)