Moz vưv zos iz zav moz siz cik lok six phiv liv, cik moz txix tsiêx cxu trâu lênhx nênhs. Ntu 2015-2019, tỉnh Sơn La tưz muôx 27 lênhx nênhs tuôs tiv moz vưv nhoz 11/12 huyện, thành phố; muôx txos 70% chor nênhs tuôs zos nhuôs zâu; hok chor đêr tâu zus mak ntâu muôx nhos 164.000 tuk. Viv li Sơn La zos iz hâur têx tỉnh zuôr trâus cik moz vưv siêz tiv zix hâur têz qơưk. Sir jos uô côngz xưv phax, tar moz vưv, ntu zuôr txos, UBND tỉnh Sơn La tror chor kriê UBND têx huyện, thành phố, têx sở ban nganhx, tsưr tsix đoanx thêv sik côngv kriz uô têx hâux lưv phax, tar moz vưv; chox kriê Sở zoz zux thiêz thox cxov sir jos yax kriê ntơưv têx tsêr cơưv ntơưr, tiv zix zos têx tsêr cơưv cxênhx iz thiêz cxênhx oz lok moz vưv thiêz tsưr ziv chiê phax, tar; chuôz cxaz nhiêx txiêx chir phax, tar moz vưv ntơưv têx tiv phaz, tiv zix zos zuôr yuôx vắc xin chiê cxax phax, tar moz vưv./.

(Đắc Thanh-Lik Thox cxêik nhênhv)

Tsêr kho moz Đa khoa tỉnh Yên Bái nhiv kruôr lênhk nhav lênhx nênhs moz Vi Văn Lợi, nhoz huyện Lục Yên, tỉnh Yên Bái tuôx nhoz chơưv kho moz thâuv iz chêr uô cuz uô no lox, yênh thiêz moz plaz hênhr. Txos hnuz 14/9, tsêr kho moz tưz qênhz pov caz moz guýt mo muôx nhoz hâur lênhx nênhs moz co đros chêr. Đhâu hlo ntơư, lênhx nênhs moz heik sâuv tâu tso chơưv kho moz zênhx max trơưk li tsưr ziv kho zav moz heik co thiêz muôz têx yuôx muôx jos trâu nox phax tar moz, nhiv no moz tưz nhoz khênhr mê njik. Thạc sĩ bác sĩ Chuyên khoa II Nông Văn Hách, Tsar khoa Nội AB, Tsêr kho moz Đa khoa tỉnh Yên Bái heik pâuz: Txos nhiv no tsêr kho moz tưz qênhz pov muôx 8 lênhx nênhs trâus moz zav moz heik sâuv. Ciês hâur shông 2019 txos nhiv no, tas nro tỉnh Yên Bái tưz qênhz pov 6 lênhx nênhs trâul moz, hâur co muôx 4 lênhx tưz trâul tuôs. Bác sĩ Nông Văn Hách heik:“Heik trâu nênhs lox tôngv zos tsuv hnar têx tsôngk tril yo uô hâux lưv trơưk cui tinhv, chiê zuk têx grêix tsơưs buôk ti txos têx tsi jông, kiêk nênhs, vuôz tsuôz, lar heik zos têx grêix to, tsuv kho cov jông hur chiê tsi trâus têx caz moz uô huôv vôngk lox tuôx. Lar heik, thâuv pov iz chêr uô cuz uô no lox, yênh đros trâu gênhs mak tsuv muk seiz njuôk shuôs moz nzor”./.

                    (Thừa Xuân-Riê Lâux cxeik, nhênhv)

Nhiv no tsik tsơưs chor chuôz zis pluôs cux tsênhv fênhx tok khov trâu têz qơưk paz thiêz tsênhv tsik tâu sir jos khưr huôv tsar cêr uô nox cov hla đhâu cêr pluôs. No zos hâux lưv tsênhv muôx yưv ntơưv ntâu xar 135 muôx chor chuôz zis pluôs siêz đuô 60%. Têx luz tsêr niêv côngv siêz, têx tsêr sor siêz jông ntus đriv tưz paz trâu tsôngv box tsơưs nênhs La Hủ nhoz tỉnh Lai Châu truôx tuk luz nênhx thiêz nhoz truôx qơư. Taz sik phiv liv tiv zix ntơưv no zos vênhv thix uô nox trâu nênhs La Hủ viv hâur chôngz lênhx nênhs siêz xar zos trâus yêiz plaz mak tưz muôx têz qơưk paz lơưv. Iz zav li chuôz zis pluôs Vàng Văn Hiền nhoz jok Mu Chi, xar Pa Ủ, huyện Mường Tè, tỉnh Lai Châu, chuôz zis kror muôx gri tiv zix zos 4 tuk buô, taz sik zus chiê tuô nox xưz tsik zos chiê muôs zuôr nhiêx. Ntâu shông đhâu, nox, nhoz, zuz nôngz tsoz chos tsiêx zus puôr lênhx tâu têz qơưk muôz paz taz sik cux six pluôs. Viv li, chính quyền tiv phaz tsuv tror sir jos hêik kriê, gra siêz pêx xênhv li jênhv pâuz txux chi hâur hla đhâu cêr pluôs, tsik chiê fênhx muôx yưv tok khov trâu têz qơưk têx paz./.

                                                  (VTV-Lik Thox cxêik nhênhv)

Nênhs Mảng Lai Châu tsơưr lươngv jênh sôr nhiv no ziv hnuz ziv tsơưs jux juk, viv tsênhv tuôr tsês têx cêr uô nênhx pôngz kaz li: Siz zuôr cxênhz jê, hâuk chơưr ntâu thiêz kuôr zênhz. Nhiv no ntơưv huyện Mường Tè muôx 5 jok heir nênhs Mảng, hâur co nhoz jok Nậm củm, xã Bum Nưa, lênhx nênhs hnuz nhôngs siêz yax tsuôk zos 55 shông. Xav kror đruôz đraz mak tsơưs lênhx muôx tâu hnuz nhôngs siêz, khênhr mak tsôngv box trâus pôngz, trâul tuôs trâu thâuv muôx 40 ntâu shông, tsênhv muôx đas jos uô nox ntơư, hâur co lok six ntâu lênhx trâul tuôs thâuv nhiv kruôr hâuk chơưr tas. Tsi tiêk zos txir nênhx, têx pox niêv muôx zênhk zax zênhz thiêz zênhk chơưr ntơưv jok Nậm Củm tsav 30% chor nênhs trâul muôx zênhk hâur jok. Trơưk li hâu nov ntơưv qơư heik pâuz, chiê hlôngr yiêz tâu tsôngv box nhoz no tsưr ziv, siêz xar, tsuôk seiz chor hluôk pok hlôngr yiêz tâu xưz. Taz sik, chiê heir nênhs Mảng hla đhâu têx li heik co, cxênhx hluôk no cux tsuv muôx chei, cui tinhv paz chiê tu, choz kriê cêr uô nênhx jông, tsiv txiêx trâu chor tuz nhuôs zâu chiê muôx tsưr ziv sir jos hla đhâu têx phiv liv, cêr nênhx pôngz kaz, siz tưr đros luôs lưv heir nênhs huôv tsar uô nox./.

(Khắc Kiên-Riê Lâux cxeik, nhênhv)