Đros trâu tsôngv box cxuô heir nênhs hâur tas nro têz qơưk, têx hnuz lok no, tsôngv px nhoz ntâu thax tsav qơư hâur tỉnh Điện Biên tsênhv shir phaz, lov jêv ntưk uô jông cxuô luôs hâux lưv hơưv tok hnuz hội niêv côngv siêz tas nro tsôngv box sđ ndax chiv nhênhv 90 shông Hnuz chax chês Mặt trận mênhx cxưx thôngx ziv VN (18/11/1930-18/11/2020). Jok Lọng Luông 2, xã Mường Phăng, TP Điện Biên Phủ, tỉnh Điện Biên zos iz hâur 20 jok tox siêz tsênhv yuôr ntâu txov nhêv hâur xã Mường Phăng thiêz TP Điện Biên Phủ, 100% zos nênhs Hmôngz uô nênhx nhoz. Tsar jok Lọng Luông 2-vax Xênhv Zax heik pâuz: No zos hâux lưv tâu jok uô hâur niêx shông chiê tsôngv px sđ hâur jok siz chuôs njiz, sik thav kriê lok sâuv têx tsưr ziv, cêr huôv tsar uô nox, cxiv tsa cui tinhv hâur jok. Hnuz hội tsênhv zos six hơưv chiê côngv thôngx Hmôngz nhoz no khav tinhv, kruôs txos zuk heir nênhs têx txux chi vênhx huôv, cêr nênhx jông. Iz chas ntơư, co cux zos six hơưvc chiê cxuô lênhx sđ tâu siz chuôs njiz, nthuôr uô têx txux chi cêr lov jêv, muôx cêr sik thôngx siêz truôx./.

(Vũ Lợi-Riê Lâux cxeik, nhênhv)

Hâur shôngk shông cơưv 2020-2021, tas nro tỉnh Lào Cai tsuv xêir zuôr 442 lênhx cưk kriê ntơưr chiê paz uô jông hâux lưv kriê ntơưr ntơưv têx tsêr cơưv muôx tsik txâuk chor cưk kriê ntơưr. Sở Zoz zux tỉnh Lào Cai tưz hêik Tỉnh ủy, UBND tỉnh tso chêi xêir zuôr cưk kriê ntơưr hux thôngx zos 1 shông. Lơưr co, tas nro tỉnh tưz xêir zuôr hux thôngx 245 lênhx cưk kriê ntơưr. Tiv chor cưk kriê ntơưr tâu xêir zuôr hux thôngx tsênhv tsơưs pir li kror tsuv muôx, viv li cxuô qơư cux tsênhv sir jos uô tso 368 lênhx cưk kriê ntơưr txix chor tsêr cơưv muôx chor cưk kriê chôngz muk kriê ntơưr ntơưv têx tsêr cơưv muôx tsơưs cưk kriê, chiê paz trâu hâux lưv kriê thiêz cơưv ntơưr. Iz cxiê huyện uô jông tsưr ziv no zos Sa Pa, Bảo Yên, Bảo Thắng, Văn Bàn, thành phố Lào Cai./.                           

                                   (Báo LC-Lik Thox cxêik nhênhv)

Cux ntơưv tỉnh Lào Cai, tsi so muôx têx jiês ntux no njiv, chor nhuôs zâu trâul moz lok cêr uô pa tsuv tuôx nhoz tsêr kho moz hâur Lào Cai ziv hnuz ziv tsar ndê chôngz lênhx. Têx hnuz jê lok no, ntơưv qơư chơưv kho moz trâu nhuôs zâu, tsêr kho moz tỉnh Lào Cai thâuv tưs tưz muôx nhos 200 lênhx nhuôv zâu tsuv tuôx nhoz pư ntơưv co kho moz, phênhv ntâu zos trâul moz lok cêr uô pa. Lar heik, muôx tsi tsơưs lênhx trâul moz hnhar tsuv chơưv kho, paz zênhx max. Tiv têx lênhx nênhs moz muôx chôngz lênhx, ntâu đuô 2 bâus pir li têx hnuz fênhx yax, viv li thâuv tưs cux muôx tsi txâuk qơư trâu nênhs moz tuôx nhoz pư kho moz. Chor cưk yuôx bác sỹ heik, tsôngv px tsuv bax phax txar jav têx moz lok cêr uô pa trâu nênhs lâuk hnuz nhôngs siêz thiêz têx nhuôs zâu./.

(An Kiên-Riê Lâux cxeik, nhênhv)