Đros qênhx shênhx ntux no cux tsênhv phiv liv, Chủ tịch uỷ ban tỉnh Lào Cai nhiv kruôr cir công tênhv sêi đrơưv hêik sir jos uô hâux lưv phax, tar ntux no.

Công tênhv hêik cxuô nganhx, thax tsav qơư sir jos phax tar ntux no trâu lênhx nênhs, tsoz chos, tsiêx tu zus chiê txo grêk tsơưs tiv zix têx trâus ruôr hiêv; bax lênhx nênhs thiêz nhiêx txiêx, zuz nôngz, qir zuôv cxuô zav tsês chiê khưx phưx cov sêi têx trâus hiêv (zos muôx) tiv ntux no chênhr, no njiv. Ban phax tar ntux têz ruôr hiêv cxuô cấp cux tâu hêik cov sêiz shuôk jông, chiê pâuz tâu têx xor mông lok tir tar ntux no njiv.

Têis cik no, chor qơư kik nhoz thành phố Lào Cai, huyện Bảo Yên ntux no zos 13-14 tưv; tox siêz Bắc Hà zos 10,1 tưv; Sa Pa no tiv zix zos 6,7 tưv./.

(An Kiên-Lik Thõ cxêik nhênhv)

Uô lơưr tsưr ziv lok fuô uô luôs hâux lưv phax tar têx nênhs fêv uô cxâuv chei têz qơưk, phax tar têx lênhx nhiês zuôr muôs têx hax huv uz no thiêz hax huv chuôr hâur thax tsav ntus đriv tỉnh Sơn La hâur ntu uô ntêx thiêz đhâu tsiêz têz qơưk, thâuv iz six iz tas hmo hnuz 16/12/2020, ntơưv jok Thẳm Tôn, xã Tân Xuân, huyện Vân Hồ, tỉnh Sơn La, Phongx phax tar zax zênhz thiêz têx nênhs fêv uô cxâuv chei têz qơưk (Bôv đôiv Pênhz phax tỉnh Sơn La) seiz car hux jos đros chor lưv lươngv ruôr por tsês tâu iz txuz zuôr muôs, uô luôv zax zênhz tsi trơưk chei, ntêk tâu 2 lênhx nênhs. Têx chuôz zênhx sâu tâu muôx 3 poz zênhz đơưz, iz cir têx zax zênhz uz no siz shơưk, 2 luz yêz meir thiêz 4 luz xor tôngx gra ntơưv têk. 2 lênhx trâul ntêk tâu co zos Hảng Xênhv Vax, xênhz shông 1984 thiêz Sớ Xênhv Vax, xênhz shông 1992, hur si Hảng thiêz Sớ gơưk puôr lênhx nhoz uô cê ntơưv jok Xi Lồ, xã Mường Lý, huyện Mường Lát, tỉnh Thanh Hóa.

Đhâu qênhz nus, 2 lênhx nênhs sâuv krêz lênhk tiêk, gơưk siz zâuv muk gra chor zax zênhz heik sâuv txix Thanh Hóa tuôx trâu huyện Vân Hồ, tỉnh Sơn La chiê muôs trâu iz lênhx nênhs tsi pâuz tsênhz bê, thâuv tsênhv taz tov gra zax zênhz muk muôs txơưv trâul bôvđôiv Pênhz phax thiêz têx lưv lươngv muôx vax huôv ntêk tâu. Nhiv no txuz nuv co tsênhv tâu tror qênhz yuôx, uô tsênhz mênhx./.

(CTV Vì Hiện-Riê Lâux cxeik, nhênhv)

Tsêr kho moz Sản-Nhi tỉnh Yên Bái nhiv kruôr chơưv paz tâu lênhx nênhs moz N. T. P (31 shông), nhoz xar Quy Mông, huyện Trấn Yên, tỉnh Yên Bái xênhz nhuôs saz đrâuv tsêr tuz trâus tơưs, lok tas muôx 3 lir ntâu nyar. P tuôx tsêr kho moz thâuv tưz lok six hnhar, tsik yuô ndo kaz, tơưr grêix xiêr njuôz, sâur nyar grêk, zôngx ziv trâus tuôs siêz. Tsêr kho moz Sản-Nhi Yên Bái tưz paz đas jos, njuôk shuôk thiêz cuêz tênhv fêik kho trâu nênhs moz. Chor nênhs fêik tưz pov nênhs moz chor nyar đôngs thiêz muôx tsik txâuk nyar ntâu. Thâuv fêik kho, chor nênhs fêik tưz gruk tâu 3 lir ntâu nyar hâur nênhs moz plaz thiêz uô cov nyar tsik lok. Nhiv no, N. T. P tưz tsiv, tror muôx jos, tsênhv tror tâu sêiz shuôk jông thiêz chơưv kho ntơưv tsêr kho moz./.

(Thừa Xuân-Lik Thox cxêik nhênhv)

Tsôngv box Hà Nhì nhoz tỉnh Điện Biên muôx 2 zav nênhs, co zos Hà Nhì Lạ Mí thiêz Hà Nhì Cồ Chồ. Ntơưv tỉnh Điện Biên, nênhs Hà Nhì uô nênhx nhoz phênhv ntâu ntơưv 21 jok, hâur 4 xã huyện Mường Nhé, zos: Sín Thầu, Chung Chải, Sen Thượng thiêz Leng Su Sìn. Hồ Sự Chà (Khù Sự Chà) tâu seiz zos tsôngv box Hà Nhì nhoz no li iz hâur têx luz tsiêz zov chênhr thâuv nzor hâur shông. Trơưk li têx lâuk, chei đrav ntêx, nênhs Hà Nhì Lạ Mí nox tsiêz Hồ Sự Chà lok Tsor hnuz hâur hli co. Shông no, nênhs Hà Nhì nhoz Điện Biên sđ puôr lênhx nox tsiêz Hồ Sự Chà hâur 3 hnuz, txix hnuz 15/12-17/12. Tsiêz Hồ Sự Chà, sđ khênhr nox trâu thâuv tưz sâu tas têx kôngz lôngk lol tsês, suôx câuv iz shông khưr uô liêx têz. Tsiêz Hồ Sự Chà zos six hơưv chiê tsôngv cưr tix nênhx tsa cxênhz jê tâu siz chuôs njiz, sik thav, siz heik kriê lok têx cêr huôv tsar uô nox, tâu côngv cêr lov jêv, nox kaz hâuk luôs đhâu iz shông sir jos khưr..... Six hơưv tsiêz Hồ Sự Chà, nênhs Hà Nhì lênhx tưs cux jông siêz, shir phaz lus, sik phôngv côngz hmôngr uô tâu nox tâu hâuk, muôx đas jos jông, uô nênhx siz hluz siz paz sik thôngx siêz nhoz thax tsav ntus đriv./.

(Vũ Lợi-Riê Lâux cxeik, nhênhv)