Zuôr xar 38 cxênhz chuôz zis pluôs thiêz têx lênhx nênhs muôx côngz trâu têz qơưk hâur thax tsav tỉnh Sơn La tưz tâu kêr txeik tsêr nhiêx Tsênhv chei XH têx pênhr nhiêx, đros thiêz muôx 1.100 ntâu tỷ đeiv hâur shông 2018 chiê huôv tsar uô nox, tsar ndê hur si têx chuôz zis tâu kêr txeik pênhr nhiv no muôx 132 cxênhz chuôz zis. Đros thiêz chor pênhr nhiêx txeik no, ciês hâur shông 2018, tưz paz 23 cxênhz chuôz zis hla đhâu yeiz pluôs khov yưv pênhr tu zus tsiêx cxu, tu zus shuôz njêl, chos ntông nox txir, uô lax luôv zuôr muôs xiv huv./.

                (Tuyết Lan-Riê Lâux cxeik, nhênhv)

Phongz yaox sik tưr “Lào Cai sik côngv chiê cxiv tsa jêx jok yiêz thiêz txo grêk pluôs truôx đrênhk” tưz huôv tsar uô tâu truôx, huiz tôngv tas nro cxiv luôs chính trị sik đros uô. Shông 2018, chor chuôz zis pluôs tâu txo grêk ntâu đuô 5%, zos muôx 8.382 ziv chuôz zis hla đhâu cêr pluôs, tax tâu 139% luôs hâux lưv tso tơưv; cxaz nzir 9 xar uô tiêr luôs hâux lưv cxiv tsa jêx jok yiêz, xav tas nro chor xar uô tâu tiêr luôs haux lưv cxiv tsa jêx jok yiêz nhoz tỉnh ndê muôx 44 xar; côngz jênhv 37 jêx jok uô tâu jông chiê chor xar txơưr đuô cơưv shâuv uô trơưk, 31 jêx jok yiêz, uô chor jêx jok tax tâu li hêik co chuôz ndê ntâu./.

                          (KT-Lik Thox cxêik nhênhv)

Têx cơ quan muôx vax huôv nhiv kruôr uô luôs hâux lưv qênhz yuôx, xav tinhv qir tiv uô muôx têx txuz yêz tsi so trâul tos ntâu ntơưv ntu cêr lêv, jê trôngx vas tsêr cơưv cxênhx 3 Hồng Quang, cêik cêr 93, txox cêr lox sôr 70, hâur xã Động Quan, huyện Lục Yên, tỉnh Yên Bái.

Trơưk li lưv lươngv muôx vax huôv qênhz yuôx shuôs, ntu cêr no zos ntu nkhâuk lêv thiêz ndê tox, lok txix Lào Cai trâu Yên Bái. Hok têx fiêx heik pâuz thiêz plas cêr mak tsi uô li chas, cux seiz njiê pov jông hur si. Qir tiv uô têx yêz meir khênhr tos ntơưv ntu cêr no zos viv lênhx nênhs tsar yêz tsi tiz jông seiz thiêz têx thâuv ntux lok nas, cêr mê njik bluô xưz. Sâuv têx hâux lưv qênhz yuôx, lưv lươngv muôx vax huôv heik, uô ntêx tsuv cxaz nzir 2 qơư heik pâuz lok sâuv cheix yêz mul lok txos ntu cêr co tsuv max mav, tsi tâu tsar muk chênhr. Hok lol zar tov kaz no mak tsuv kho đuô, uô li chas cov cxoz bluô hênhr. Iz chas co tror yax kriê trâu sđ pâuz, thâuv cheix yêz mul tâus cêr tsuv uô trơưk têx cui tinhv lok truôx tuk zoz thôngz chiê txo grêk tsơưs têx txuz yêz muk lok đhâu, siz yar siz tsông, tos ntơưv ntu cêr no/.

                       (Đinh Tuấn-Riê Lâux cxeik, nhênhv)

Đoanx liên nganhx tỉnh Lai Châu zos: Phongx Cảnh sát zoz thôngz (Công an tỉnh), Thanh tra zoz thôngz, Phongx sêiz car cxuô zav yêz (Sở zoz thôngz-vận tải) sik côngv đros tsêr yêz thâux xa kruô tỉnh tsưr tsix yax kriê, cir jênhv đros tsưr doanh nghiệp, nênhs tsar yêz.

Tsênhv njiêz yax kriê tsêx trung trâu luật zoz thôngz cêr ar, têx cuiz tênhv ngaz tuk đros thiêz tsưr doanh nghiệp, nênhs tsar yêz thâux xa kruô. Thôngx cxix, qênhz yuôx têx yêz li tsar tov ngaz tuk uô ntêx thâuv zuôr muk lok. Đhâu jiês yax kriê, zuôr kriz uô qênhz yuôx chiê pov, xưv lik truôx chor nênhs uô cxâuv./.

                   (KT-Lik Thox cxeik nhênhv)