Jiês cơưv tiv 5, Côx hôiv khóa 14 tâu chôngz cử tri tỉnh Sơn La tsov cưv txos. Phênhv ntâu chor cử tri puôr lênhx vav tiêk têx nghị quyết, luật zov chênhr tâu thôngz đhâu hâur jiês cơưv no zuôr muôx tâu chêx cur, paz trâu pêz têz qơưk zos têz qơưk huôv tsar hâur thax tsav. Cử tri Đỗ Văn Trung, phường Tô Hiệu, thành phố Sơn La hêik:

“Đhâu jiês cơưv côx hôiv no, cur pov têz ciês têx luk nus li co mak jôngr hênhr. Phênhv ntâu chor bôv trưởng têx luk têz tưz huv li pêz siêz xar. Vav tiêk đhâu jiês cơưv no, Côx hôiv têx chêi, luật yiêz zuôr paz trâu pêz têz qơưk zos têz qơưk huôv tsar hâur thax tsav”./.

(Trấn Long-Lik Thox cxêik nhênhv)

Tsênhv qơư y tế huyện Nậm Pồ, tỉnh Điện Biên nhiv kruôr chơưv paz zênhx max txuz kâus tưx zav nox chôngz nênhs tiv nox tsuv têx nđêx kuk tsi pâuz tsênhz shor zos ndêz đaz tsi, uô 8 lênhx niêv tuz hâur iz chuôz zis tsuv muk nhoz tsêr kho moz. Uô ntêx ntơư, zar hnuz kêix 14/6, Tsênhv qơư y tế huyện Nậm Pồ lênhk tok tâu 8 lênhx nênhs puôr lênhx kâul tưx zav nox nhoz uô cê hâur iz chuôz zis zos tiv nox zuôv cêr têx ndêz nox tsi tâu. Lênhx nênhs trâul kâus tưx ndêz co zos niêv lâuk Sâu Xênhv Tsaz, xênhz shông 1989, nhoz ntơưv jok Vàng Lếch, xã Nậm Tin đros 7 lênhx mê nhuôv, tuk nhuôv hloz zos 11 shông, tuk mê yax zos 3 shông.... Txos iz jiês no, têx lênhx nênhs kâul tưx heik sâuv puôr lênhx tưz nhoz khênhr mê njik thiêz tâu tso tơưv tsêr kho moz./.

(Vũ  Lợi-Riê Lâux cxeik, nhênhv)

  Ntux nas truz ntêr hâur oz pêz hnuz đhâu sâuv thax tsav tỉnh Lai Châu tưz uô muôx ar poz ntâu ntơưv cêik cêr 26+450 txos cêr 129 txix thành phố Lai Châu muk huyện Sìn Hồ, uô trâu cêr muk lok tsik tâu hâur ntâu six hơưv. Sâuv txox cêr 4H, ntơưv thax tsav xar Bum Nưa, huyện Mường Tè thiêz ntâu txox cêr hâur xar, jêx jok cux muôx yưv ar poz phiv liv…Đhâu ciês muôx yưv têx phiv liv co, Ban sêiz car ntux têz uô hiêv thiêz zok nriêr chơưv paz tỉnh Lai Châu tưz hêik chor tiv phaz bax kriz uô têx tsưr ziv khưx phưx; chor taz viv sêiz car têx cêr bax mêir cxuô zav thoz huk cêr cov yêz muk lok tâu đhâu; chor cêr hâur xar, jêx jok cux tâu chính quyền têx xar huiz tôngv sơưr đơưk paz đas jos thoz huk chiê taz por cêr muk lok tâu thôngz…/.                                

 (Khắc Kiên-Lik Thox cxêik nhênhv)

Nhiv kruôr đhâu, tsênhv thâuv gra đros luz hnaz sênhr lok zos hnaz tsax ntiv ntâu zênhz đơưz muk trâu iz luz tsêr tok kruô tuôx nhoz so ntơưv thax tsav jok Bản Quẩn, xã Bản Phiệt, huyện Bảo Thắng, tỉnh Lào Cai, iz lênhx nênhs đros trâu lênhx tiz nênhs co iz paz sik đros tuôr hâur uô luôv tưz trâus Công an ntêk tâu. Tưz ntêk tâu 2 lênhx nênhs đros trâu hur si muôx 23 poz zênhz đơưz ntiv hâur luz hnaz tsax ntơưv qơư. Trơưk li qênhz yuôx xuz thơưx, 2 lênhx nênhs trâul ntêk tâu co zos Páo Xênhv Zax, xênhz shông 1979, nhoz ntơưv jok Huổi Lếch, xã Huổi Lếch, huyện Mường Nhé, tỉnh Điện Biên thiêz Fiêz Xênhv Vax, xênhz shông 1982, nhoz ntơưv jok Bản Chống Sư B, xã Phiz Nhưx, huyện Điện Biên Đông, tỉnh Điện Biên. Nhiv no txuz plâuz co tror tâu têx lưv lươngv muôx vax huôv qênhz yuôx, uô tsênhz mênhx./. 

(An Kiên-Riê Lâux cxeik, nhênhv)