Tiv coz nas chuô lox số 2 uô hiêv txos, hnuz 17/7, ntâu thax tsav qơư nhoz tỉnh Sơn La tror muôx ntux nas lox, iz cxiê qơư nas lok six hloz li: Mộc Châu. Hâur thax tsav tuk đêx Tấc, huyện Phù Yên, đêx Nậm Pàn, huyện Mai Sơn nhiv no đêx tsênhv taz tov huôv hloz. Ntux nas lox uô đêx ngaz tas iz cxiê ntu cêr mul lok sâuv txox cêr lox số 6, ntu 3 txox cêr yuôv yiêz, jê tsêr tok kruô Mường Thanh, huyện Mộc Châu; txox cêr lox 6C txix Kim Chung muk Lao Khô (huyện Yên Châu)....Têx taz viv seiz car cêr ar tsênhv sir thoz huk têx ar cxuz cêr chiê yêz mul lok tâu đhâu. Njuôk xav, ntơưv Sơn La tror muôx ntux nas, muôx têx qơư nas lok six hloz, zôngx ziv muôx tox poz ar lơưk, đêx nas cuôr yôngz. Zơưv Lò Minh Hùng, Phưv chủ tịch UBND tỉnh Sơn La, Phưv Ban thường trực Ban seiz car phax tar nas chuô thiêz zok nriêr chơưv paz lênhx nênhs tỉnh Sơn La heik: "Tỉnh tưz chox kriê cxuô huyện, TP qênhz shuôs đuô têx thax tsav qơư tsôngv box nhoz zôngx ziv trâus ntux uô ruôr hiêv. Iz chas ntơư, heik txos trâu têx canr bôv, tsôngv box  pâuz nzor chiê bax tsưr ziv phax tir thêir, gra siêz tsôngv box sđ tsưr ziv phax txar jav tsi chiê muôx têx tsi jông yưv siv"./.

                       (Hồng Việt-Riê Lâux cxêik nhênhv)

Hnuz 17/7, ntơưv ntâu tiv phaz nhoz tỉnh Lào Cai muôx ntux nas tov thơưx txos lok nas lox. Ntux nas uô trâu chor đêx hâur tỉnh muôx yưv iz jiês đêx huôv. Nhiv no, đêx cux tsênhv pur siêz, tiv đêx huôv pêv hâur đêx lok.

Đêx huôv lox uô trâu chor qox đhâu đêx zos têx qơư phiv liv trâu nênhs cxaz chuôz zoz thôngz. Sâuv chor cêr 151, 156, 158 đhâu thã xtsav chor huyện Văn Bàn, Bảo Thắng, Bát Xát muôx ntâu qơư  phiv liv hâur chêix ntux nas chuô. Lơưr xor mông tiv phaz, shông tưs cux li, chor qơư no cux trâus đêx ngaz tsơưs tiv zix 5 txos 6 jiês, iz hnuz li co mak cux tas iz hnuz muk lok tsik tâu. Zơưv Vax láo Lở, phưv chủ tịch UBND xã Phìn Ngan, huyện Bát Xát, tỉnh Lào Cai puz pâuz:

“Zos iz hâur chor tiv phaz muôx thax tsav trâus cêv kuôk, tiv zix zos nxaz hênhr, nhoz chor qơư phiv liv xã tưz muôx hêik pâuz trâu yênhx jêx jok thiêz tsêx trung qênhz shuôk chor chuôz zis nhoz têx qơư phiv liv zuôr njiz trâus chuô lox, ar poz chiê txar qơư nhoz”./.

                                              (Thanh Thủy-Lik Thox cxêik nhênhv)

Ntux nas lox ntêr hnuz txix hmo 16/7 txos 10 six tsâuk ntux hmo 17/7, hâur thax tsav tỉnh Yên Bái muôx ntux nas lok six hloz, uô ruôr hiêv lok lênhx nênhs thiêz tsôngv box têx chuôz zênhx chuôz tas. Zar hnuz kêix hnuz 17/7, thâuv tsênhv muk uô têz lok, niêv lâuk Chi Xênhv Hơưx, xênhz shông 1982, nhoz jok Khe Kẹn, xã Cát Thịnh, huyện Văn Chấn tưz trâus đêx nas cuôr yôngz; txos 10 six tsâuk ntux đros hnuz, chuôz zis thiêz lưv lươngv muôx vax huôv cux tsênhv zok nriêr tsi tâu niêv lâuk. Ntux nas lox ntêr hnuz cux tưz uô tsôngv box nhoz 2 huyện Văn Chấn thiêz Văn Yên 23 luz tsêr trâus puôk tsuôx hnhar; hâur ntơư muôx tsôngv box nhoz xã Mậu Đông, huyện Văn Yên iz luz tsêr trâus vâu tsi jông tas tiv tox poz ar lơưk lok cxuz. Têx cêr mul lok, đêx nas lox tưz uô tox xưz poz lok cxuz thiêz ngaz tas iz cxiê txox cêr hâur thax tsav tỉnh Yên Bái...... Txix têx njuôk xav ntux nas tsênhv tsênhv zuôr tror phiv liv, đros trâu thôngz sâu têx trâus uô ruôr hiêv thiêz khưx phưx têx tsi jông tiv ntux nas uô, cxuô thax tsav qơư hâur tỉnh Yên Bái tsênhv tror bax tsưr ziv sox seiz, qênhz shuôs njôngr têx đêx nas chiê muôx tsưr ziv phax txar jav, chơưv paz tâu zênhx max./.

                                             (Thừa Xuân-Riê Lâux cxeik, nhênhv)

  Caz côngx shôngz đax tsênhv huôv tsar hênhr thiêz uô hiêv sâuv thax tsav đar nhoz tỉnh Điện Biên. Tas nro thax tsav muôx côngz ruôr hiêv zos 260 hec ta. Hok thâuv co, chor côngx zuôr tror muôx txix chor tỉnh Bắc Lào lok zuôr ntâu đuô, lax qênhz yuôx, uô hiêv hênhr trâu kôngz nuv. Sở kôngz nuv thiêz huôv tsar jêx jok Điện Biên tưz chox kriê Cục por vêv đrõ tsuôs tỉnh bax cxuô zav, yuôx chiê tuô côngx. Đuô li, sir jos sik côngv đros Bộ chỉ huy Bộ đội pênhz phax thiêz Công an tỉnh Điện Biên sêiz kaz truôx qênhx shênhx caz côngx tsênhv txơưr txar phiv liv ntơưv chor thax tsav ntus đriv chiê bax tsưr ziv phax tar./.

                                                                                                                        (Vũ Lợi-Lik thox cxêik nhênhv)