Hâur 2 hnuz 19 thiêz 20/9 zuôr txos, tỉnh Sơn La zuôr tsưr tsix Đại hội đại biểu cxuô heir nênhs tsơưs jiês tiv III shông 2019. Zuôr muôx hur si 389 lênhx đại biểu dự Đại hội. Hâur co, đại biểu chênhr zos 250 lênhx, yuôr đuô li zos têx đại biểu hu tuôx đros dự. Chor đại biểu chênhr dự đại hội zos têx lênhx tâu bo xeir, heik kriê txix cấp xã, jêx jok thiêz tâu xeir txix cxuô ngênhx cấp tỉnh; zos têx lênhx uô tâu hâux lưv jông, sir jos uô ntêx nyuôs hâur huôv tsar uô nox uô hâuk, cxuz cêr yeiz pluôs; têx lênhx txir ndâux txir luk; lênhx nênhs muôx ntâu côngz đas jos gôngr paz trâu luz nênhx côngv thôngx.... Muôx 11 heir nênhs muôx  đại biểu dự Đại hội jauav no, zos: Poz Ziz, Hmôngz, Mường, Xinh Mun, Cho, La Ha, Kháng, Khơ Mú 7 lênhx, Lol Tsuôk, Tày thiêz Suôr.

Hâur six hơưv 2 hnuz, chor đại biểu zuôr sik đros ntâuk grê đuô lok têx luôs hâux lưv uô tâu hâur hâux lưv mênhx cxưx lok zos dân tộc, têz qơưk têx tsênhv chei lok paz heir nênhs tsơưs huôv tsar cxiv uô têx côngz trênhx, cxuz cêr yeiz pluôs, cxiv tsa jêx jok yiêz....txix Đại hội jiês uô ntêx zos shông 2014 txos nhiv no; mnôngs heik pâuz lok têx tập thể, lênhx nênhs uô tâu jông cxuô luôs hâux lưv hâur cxuz cêr yeiz pluôs, cxiv tsa jêx jok yiêz; iz chas ntơư, zuôr bo xeir đại biểu muk dự Đại hội heir nênhs tsơưs tas nro têz qơưk lok  shông zuôr txos./.

                     (Thu Thùy-Riê Lâux cxeik, nhênhv)

Muk txos trâu Mù cang Chải, tỉnh Yên Bái hâur têx hnuz no,  tsôngv kruô hauar têz qơưs thiêz oz chas têz qơưs tưz tuôx ndis ntux sêiz shuôk thax tsav blêx liêx tơư ntêir jông jav Mù Cang Chải đros trâu kriz uô ntâu cêr lov jêv yuôz kênhx, đhiê pax vuôs cxuô cxuô….Ntơư cux zos cxuô hêir nênhs nhoz hâur thax tsav tỉnh Yên Bái têx txux chi, cêr nênhx vênhx huôv jông cxôngx nzir muôx đros đrêiv hauar luz nênhx tsik chiê pôngz plox./.

                  (Tsu vưx cxêik nhênh-Triệu Biên-Báo Lai Châu)

Cik txos txuz 2 niêv txir công nhân cxiv uô tsêr meir tênhv tênhz jok Hồ, Sa Pa, Lào Cai trâus đêx nas cuôr yôngz lok tar su hnuz 30/8 nhiv kruôr đhâu, đhâu ntâu hnuz sir jos zok nriêr, lưv lươngv chơưv paz ntơưv qơư tưz nriêr tâu tuk txir zos zơưv Trần Văn Viện trâus đêx cuôr yôngz trâu đrav kaz đês tuk đêx. Kror qơư zok nriêr tâu zơưv Viện nhoz ciês jê njưs tar đêx tênhv tênhz Nậm Củn,  kuôk qơư trâus đêx nas cuôr yôngz muôx iz cêik. Thax qơư no cux jê kror qơư chor lưv lươngv zok nriêr pov zơưv Viện tuk pox niêv zos pos Nguyễn Thị Mùi lok hmo xiêz 3/9. Đhâu thâuv uô tiêr tas têx ntâuz ntơưr, lưv lươngv muôx vax huôv tưz choz zơưv Viện trâu chuôz zis chox muk uô đaz uô kruô ntơưv qơư nhoz zos xã Hải Quan, huyện Hải Hậu, tỉnh Nam Định./.

                      (An Kiên-Riê Lâux cxeik, nhênhv)

Nhiv no, caz moz ơưk buô châu phi tưz muôx yưv trâu hâur thax tsav tỉnh Điện Biên, uô phiv liv txos trâu cxuô chuôz zis tu zus tsiêx cxu hâur thax tsav. Thiêz xav txos trâu hnuz 16/9, cxuô huyện hâur thax tsav tỉnh muôx 26 xã muôx yưv caz moz ơưk buô châu phi; đhâu 30 hnuz tsik muôx yưv caz moz ơưk buô châu phi.

Muôx yưv têx phiv liv li hêik ntơư, nhiv no hâu nov cxuô tsênhv qơư tỉnh Điện Biên tsênhv taz tov sir jos uô jông luôs hâux lưv tir thêir caz moz ơưk buô châu Phi, tsik chiê cik đêz đar trâu cxuô qơư hâur thax tsav./.

                  (Tsu vưx cxêik nhênh-Triệu Biên-BTS)

Đros thiêz xar muôx 19 cxênhz ha, têx jôngr ntông Tà Xùa nhoz thax tsav 2 huyện phù yên thiêz Bắc Yên, tỉnh Sơn La zos iz hâur lok six tsơưs têx thax tsav jôngr ntông tsênhv yuôr têx ntông lox thiêz jông, lar heik zos têx ntông chiêz tsuv tâu tsưx phưv truôx jông. Tiêv sik li, taz tsênhz tiês, têx ntông co tưz tsi tâu por hưv. Nhiv no, txix thâuv 6-7 six tsâuk ntux thiêz 12 six iz tak hmo txos 3 six sơưr nzor, têx luz yêz thâux ntông mul lok hâur hmo ntux, muôx ntâu yêz txix 5-6 luz mul lok tsi so. Zar zuôr tsâuk ntux zos six hơưv têx ntông tâu thâux xa lok jêil tsês trâu iz qơư hâur jok. Thax tsav jê tsêr meir tênhv tênhz nhoz xã Háng Đồng A hâur xã Háng Đồng zos iz hâur têx li heik sâuv. Ban seiz car jôngr ntông Tà Xùa muôx canr bôv nhoz 3 xã zos: Xã Háng Đồng (huyện Bắc Yên); xã Mường Thải, Suối Tọ (huyện Phù Yên, tỉnh Sơn La. Iz chas ntơư, iz huyện puôr lênhx muôx canr bôv yuôx jôngr nhoz ntơưv qơư, taz sik phax tir thêir tsi tâu têx li heik sâuv./.

(VTV-Riê Lâux cxeik, nhênhv)