Txix shông 2016 txos nhiv no, tỉnh Yên Bái tưz tsês muôx 1.400 tiv đêiv ntâu chiê uô chor tsênhv chêi txo grêk cêr pluôs thiêz paz ciês trâu nênhs pluôs sâuv thax tsav tỉnh. Txix co, yênhx shông muôx 550 cxênhz ntâu chuôz zis pluôs, zuôr xar pluôs tâu paz nhiêx txiêx thêv Bảo hiểm y têr; yênhx puô cxênhz lênhx shux xênhz tâu paz tsik tsuv thêv têx nhiêx txiêx cơưv ntơưr; yênhx châuv cxênhz ziv chuôz zis pluôs, zuôr xar pluôs, nhiv kruôr hla cêr pluôs tâu paz nhiêx tênhv tênhz…hâur hli “Viv nênhs pluôs”, Yên Bái sir jos uô cov tâu 566 luz tsêr trâu chor chuôz zis pluôs muôx luz nênhx txov nhêv tiv zix. Zơưv Phùng Quang Huy, Phưv Chủ tịch thường trực Ủy ban mặt trận têz qơưk Việt Nam tỉnh Yên Bái puz pâuz:“Pêz sir jos uô côngz xưv yax kriê txix ntâu tsưr ziv chiê hêik pêx xênhv, têx cơ quan, taz viv, cán bộ, công nhân viên chức, chiến sĩ lưx lươngv vũ trang thiêz côngv thôngx têx doanh nghiệp tror cxaz chuôz paz pênhr jos trâu tỉnh li cuiv nênhs pluôs. Tror hêik trâu cấp ủy, chính quyền, chor tsưr tsix thành viên cxiv tsa tsêr niêv côngv siêz trâu chor chuôz zis pluôs, chuôz zis tâu sơưv cêr chêi tsênhv txov nhêv lok tsêr nhoz chiê uô tiêr tâu trơưk li tsưr ziv tưz tso tơưv; tror muôx chor tsaz yênhx, tsưr ziv paz trâu chor chuôz zis pluôs hâur shông 2022 thiêz têx shông lơưr co”./.

(Thừa Xuân-Lik Thox cxêik nhênhv)

Tỉnh Sơn La nhiv kruôr muôx nzir 4 lênhx nênhs trâul moz yiêz SARS-CoV-2, puôr lênhx zos têx lênhx lox tôngv muk txix tỉnh Bình Dương tror lok. Chor nênhs no tâu qênhz pov thâuv tsênhv nhoz cêv kuôk ntơưv qơư chêik cêv chor nênhs tâu xav tiêk zôngx ziv trâul moz Covid-19 ntơưv xã Kim Bon, huyện Phù Yên. Ntơưv qơư co lơưr tsi nhoz jê thiêz chuôs njiz luôs lưv tus txơưr đuô hlo. Txix hnuz xiêz 05/10 txos nhiv no, tỉnh Sơn La tưz muôx 24 lênhx nênhs trâul moz SARS-CoV-2 hâur chor nênhs muk txix tỉnh Bình Dương lok. Hâur co, 20 lênhx nênhs moz tsênhv tâu nhoz chơưv kho moz ntơưv qơư seiz njuôk shuôs, kho chor nênhs trâul moz Covid-19 huyện Phù Yên; iz lênhx nênhs moz mak nhoz kho moz trâu tsêr kho moz Nhiệt đới T.Ư; iz tus nhoz kho moz ntơưv huyện Yên Châu; 2 lênhx tsênhv nhoz chơưv kho moz ntơưv huyện Bắc Yên li qơư chơưv kho chor nênhs trâul moz Covid-19./.

 (TTTB-Riê Lâux cxeik, nhênhv)

Cơ quan Cảnh sát qênhz yuôx, Công an tỉnh Sơn La nhiv kruôr muôx cuêz tênhv ntêk cxov zơưv Lê Văn Cường thiêz Bùi Thị Khánh Linh, nhoz tôv 9, phường Quyết Tâm, TP Sơn La lok kror cxâuv “Muôz nhiêx kir txêik, zuôr nhiêv liv siêz” lơưr khoản 2, Grê 201, Bộ Chêi Hình sự thiêz tso chêi ntêk cxov cơư tsês oz lênhx nênhs co chiê phưx vưv trâu côngz xưv qênhz yuôx. Lơưr co, hnuz xiêz 5/10/2021, Cơ quan qênhz yuôx tưz qênhz yuôx sêi ntơưv Lê Văn Cường thiêz Bùi Thị Khánh Linh oz niêv txir luz tsêr nhoz thiêz qơư uô hâux lưv; sâu tsês tâu muôx 370 ntâu ntâuz ntơưr zuôr muôs chuôz zênhx chuôz tav cxuô zav, muôz ntiêr cxuô zav (vax tsêr, ô tô, yêz mêir…), 29 luz yêz mêir, 1 luz yêz tênhv, 3 luz yêz ô tô, 6 luz mêir tính, 2 luz điện thoại thiêz ntâu zav ntâuz ntơưr cik txos hâux lưv muôz nhiêx kir  txêik zuôr nhiêx liv siêz. Tiv xar zôngv nhiêx sêi, chôngz lênhx nênhs tưz tuôx trâu Cường luz “Công ty TNHH CTL” chiê kir txêik nhiêx. Chor nênhs tuôx kir txêik nhiêx ntơưv zơưv Lê Văn Cường thiêz Bùi Thị Khánh Linh oz niêv txir, zuôr nhiêv liv siêz, muôx txos yênhx cxênhz lênhx nênhs. Nhiv no cơ quan muôx vax huôv tsênhv tror qênhz yuôx uô cov tsênhz mênhx./.

(TTTB-Lik Thox cxêik nhênhv)

Công an tỉnh Lai Châu heik pâuz, taz viv tưz ntêk tâu Triệu Vạn Phúc, xênhz shông 1981, nhoz ntơưv jok Đội 4, xã Hồ Thầu, huyện Tam Đường, tỉnh Lai Châu đas tiêk zos txir nênhz txơưx seiz zêis chiê huôz luôs lưv tus têx chuôz zênhx chuôz tav thiêz zok nriêr tâu 16 cir nhiêx đơưz, 8 txiêx cuz zos zơưv Triệu Vạn Phúc đas nziêk thiêz huôz ntơưv pos Chẻo Mý N chuôz zis lok. Iz chas co, thâuv 10 six zuôr tar su hnuz 11/10, Công an tỉnh Lai Châu txeik tâu tsôngv pêx xênhv mông heik pâuz lok sâuv qênhz pov iz tus pox niêv trâul tuôs hâur xuz jôngr ntơưv jok Phì Thàng, xã Tả Phìn, huyện Sìn Hồ. Đhâu hlo ntơư, Ban Giám đốc Công an tỉnh Lai Châu tưz chox kriê têx Phongx PC02, PC09 đros Công an huyện Sìn Hồ qir qênhz yuôx, qênhz shuôs lênhx nênhs trâul tuôs chiê pâuz tsênhz mênhx. Đhâu qênhz shuôs, tus nênhs tuôs co zos Chẻo Mý N, xênhz shông 1971, nhoz ntơưv jok Bành Phán, xã Tả Phìn, huyện Sìn Hồ. Đhâu 96 luz six hơưv qênhz yuôx, Cơ quan Cảnh sát qênhz yuôx, Công an tỉnh Lai Châu tưz ntêk tâu lênhx tiz nênhs fêv ntơư.

Đhâu qênhz nus, tus nênhs fêv co krêz lênhk tiêk, pâuz Chẻo Mý N xar zok nriêr txir nênhz chiê seiz zêis, uô nênhz kho vax tsêr, Triệu Vạn Phúc tưz xar tsưr ziv đas uô iz tus txir nênhz chiê tuô nênhs, huôz têx chuôz zênhx, nhiêx cuz. Tsôngv box sơưr đơưk tsuv lok six chênhr phax chiê tsi trâul têx nênhs fêv, luôs lưv tus nziêk đas, huôz nox li heik sâuv./.

 (Khắc Kiên-Riê Lâux cxeik, nhênhv)