Thủ tướng Chính phủ nhiv kruôr thôngz đhâu luôs hâux lưv bâux xeir, tso tsês tsi uô Chủ tịch Ủy ban tỉnh Điện Biên ntu 2016-2021. Tsênhv tsênhz, Thủ tướng Chính phủ thôngz đhâu hâux lưv bâux xeir zơưv Lê Thành Đô, Phưv Bí thư Tỉnh ủy ntu 2020-2025, Phưv Thường trực Ủy ban tỉnh Điện Biên ntu 2016-2021 chiê uô Chủ tịch Ủy ban tỉnh Điện Biên ntu 2016-2021. Zơưv Lê Thành Đô xênhz shông 1968, nhoz tỉnh Thái Bình. Zơưv tưz muôx jiês tâu lês uô têx hâux lưv li: Chánh văn phongx Ủy ban tỉnh Điện Biên; Phưv Chủ tịch Ủy ban tỉnh Điện Biên, uô Bí thư huyện ủy Mường Nhé; Phưv Chủ tịch Thường trực Ủy ban tỉnh Điện Biên. Ntơưv Quyết tinhv 1808/QQĐ-TTg, Thủ tướng Chính phủ tưz cir ntơưr tso tsês zơưv Mùa A Sơn tsik uô Chủ tịch Ủy ban tỉnh Điện Biên ntu 2016-2021, viv zơưv Sơn tâu tso muk uô lưv zav hâux lưv yiêz./.

(KT-Riê Lâux cxeik, nhênhv)

Chiv nhênhv 38 shông Hnuz cưk kriê ntơưr Việt Nam, zar hnuz kêix 17/11, Tỉnh Đoàn Sơn La sik côngv đros Sở Zoz zux tỉnh tsưr tsix Tsaz yênhx hênhr kruôk “Cưk kriê ntơưr hluôk uô tâu hâux lưuv jông” jiês tiv 2 shông 2020 hâur têx tsêr cơưv Đại học, cao đẳng thiêz cxuô cấp sâuv thax tsav tas nro tỉnh.

No puôr lênhx zos chor nênhs nhiêv thiêz sir jos uô hâux lưv kriê ntơưr, tsik so cơưv nzir txux chi trâu zuk, muôx têx tsưr ziv kriê ntơưr jông, thiêz sir jos uô têx hâux lưv hâur côngz xưv đoàn, hôiv, đội; muôx ntâu tsưr ziv jông tâu côngz jênhv hâur chor jiês thik tưr. Cưk kriê Đèo Thị Thủy, Giảng viên khoa Cơ sở, Tsêr cơưv Đại học Tây Bắc-iz hâur 12 lênhx cưk kriê ntơưr hluôk tâu hênhr kruôk hâur jiês no puz pâuz:“Cur lok six shir phaz thâuv zos nênhs tâu hênhr kruôk hâur shông 2020. No zos iz kror paz cxơưz cxiz lox trâu zuk, thiêz têx zuk sir jos uô tâu hâur ntu đhâu. Cur zuôr sir jos đuô thiêz uô nzir ntâu tsaz yênhx cov jông đuô hâur ntu zuôr txos”./.

(Trấn Long-Lik Thox cxêik nhênhv)

  Ntơưv huyện Lục Yên, Ủy ban tỉnh Yên Bái nhiv kruôr uô ntênhs phuôx tôngv luz hlik uô têx hâux lưv viv pox niêv txir nênhx vax huôv siz luôs thiêz phax tar ntâuk tsiv chuôz zis shông 2020.

Txix shông 2017 txos nhiv no, hâur thax tsav tỉnh tưz muôx 400 txuz ntâuk tsiv chuôz zis, hâur co muôx têx li: Zuôv têx nhuôv nxeik zâu uô đaz uô tuôs, uô trâu sđ hâur XH tsi jông siêz, heik ntâu txos. Heik ntơưv ntênhs phuôx tôngv, Phưv Chủ tịch Ủy ban tỉnh Vũ Thị Hiền Hạnh heik mênhx: Luz hlik uô têx hâux lưv viv pox niêv txir nênhx vax huôv siz luôs thiêz phax tar ntâuk tsiv chuôz zis shông 2020 tâu uô txix hnuz 15/11-15/12/2020, zos tsênhv njiêz chênhr hâur hâux lưv pox niêv txir nênhx vax huôv siz luôs uô hâur niêx shông, chiê uô qơư chuôz jos phuôx tôngv cxiv tsav yax kriê, cxơưz cxiz cxuô cấp ủy Đảng, hâu nov ntơưv qơư, têx ban, ngênhx, đoanx thêv txix tỉnh txos ntơưv qơư đros moz siêz txos đuô thiêz hâux lưv phax tar ntâuk tsiv têx pox niêv, nhuôs zâu./.

(Báo Yên Bái-Riê Lâux cxeik, nhênhv)

Têis cik 17/11, iz lênhx nhuôs tuz tưz tâu xênhz zus thâuv lênhx niêv tsênhv cêv kuôk phax tar moz Covid-19 nhoz Lào Cai. Uô ntêx co, lênhx pox niêv Ly Seo Cô, zus shông 1989, nhoz xar Pha Long, huyện Mường Khương, tỉnh Lào Cai zos lox tôngv tror lok txix Trung Quốc tsuv uô lơưr tsưr ziv cêv kuôk tsêx trung ntơưv Tsêr cơưv Quân sự tỉnh Lào Cai ndax trâu thâuv tsênhv xênhz tuz hâur chêr xar muôx 40 ciêz thiêz tưz zuôr txos hnuz nhôngs xênhz zus. Txos 8 six 20 phênhz têis cik 17/11, đhâu thâuv lênhx pox niêv co tâu thâux txos trâu qơư cêv kuôk, khoa truyền nhiễm tsêr kho moz, đros muôx chor y, bác sĩ sir jos paz, iz lênhx nhuôs tuz hnhar muôx 3,7 cir tưz tâu xênhz zus. Nhiv no, oz niêv tuz no tror tâu tsêr kho moz sêiz shuôk jông đas jos, thiêz uô lơưr tsưr ziv cêv kuôk ciês ntơưv tsêr kho moz Sản Nhi tỉnh cov txưv six hơưv zos 14 hnuz lơưr cui tênhv./.

(An Kiên-Lik Thox cxêik nhênhv)