Lưx lươngv cảnh sát Zoz thôngz Công an tỉnh Sơn La tưz kriz uô qênhz yuôx têx yêz muk lok tâus cêr txix hnuz 15/5 txos hnuz 14/6. Jiês qênhz yuôx no zuôr sir jos qênhz yuôx, xưv lik truôx uô cxâuv lok hâuk chơưr, bia, zax zênhz, tsar yêz muk chênhr, muk tsik zos saz cêr, tsik ntông câuk mov yêz, muk ntâu luz yêz uô cê; six hơưv qênhz yuôx zos ndax trâu six hơưv tsik so njiz trâus txiêz nanv zoz thôngz. Tiv zix, hâur jiês qênhz yuôx têx yêz no, cảnh sát zoz thôngz tâu chêi hêik đrêk tas nro têx yêz tsar muk lok đhâu cêr hâur thax tsav chiê qênhz yuôx./.

(Trấn Long-Lik Thox cxêik nhênhv)

Vũ Lợi- nênhs sâu xor xưv nhoz Đeix nta suôz VN iz suôv faz Bắc tso mông: Jiês chuô lox, lok lơưs lox nhiv kruôr muôx yưv sâuv thax tsav huyện Điện Biên (tỉnh Điện Biên) tưz uô ruôr hiêv ntâu txos tiv phaz li kôngz nuv. Lơưr UB huyện Điện Biên li thôngz sâu đhâu, ntâu mênhv chêx blêx sâuv đras liêx Mường Thanh nhoz thax tsav huyện trâus ruôr hiêv muôx nhos 90%, qơư ruôr hiêv tsơưs cux ndê txos 50%. Nhiv no chinhr quyênx tiv phaz tsênhv ciêr chênhr chox kriê têx jêx jos thôngz sâu têx trâus ruôr hiêv, đhâu co tsov lơưr qênhx shênhx tsênhv tsênhz chiê pheiz chuôz zis pluôs, chuôz zis zuôr xar pluôs chiê muôx têx tsênhv chei paz txưv tov kaz no. Zơưv Nguyễn Hữu Khởi, Chủ tịch UB huyện Điện Biên, tỉnh Điện Biên puz pâuz:“No zos thax tsav muôx mênhv chêx lox, muôx yar lengx siêz hâur huyện Điện Biên li mênhv chêx tsêz chos. Têx trâus ruôr hiêv lok six hnhar, no cux zos ruôr hiêv lox tiv zix cxôngx thâuv ntêx txos nhiv no nhoz huyện Điện Biên. Hâur tsiv uô kôngz nuv ntu zuôr txos pêz cux heik tsôngv box sir jos sâu têx mênhv chêx blêx tsênhv yuôr chiê uô zav nox phưx vưv tu zus hâur chiv zuôr txos...” ./.

(Vũ Lợi- Txâur Vax cxeik nhênhv)

Moz ơưk buô Châu Phi nhiv kruôr tror muôx yưv tưz siz cik trâu ntâu xar, thị trấn nhoz tỉnh Lào Cai. Cơ quan txơưx jênhv tiv phaz tsênhv sêi đrơưv chox kriê kriz uô têx tsưr ziv cêv kuôk, tir tar caz moz ơưk buô.  Nhiv no moz ơưk buô Châu phi tưz cik trâu 6 luz xar nhoz huyện Văn Bàn thiêz thị trấn Bát Xát (huyện Bát Xát, tỉnh Lào Cai). Chor buô tsuv muôz hlơưr phâuk por tsês xar muôx 40 tuk, hnhar muôx nhos 1,5 tấn. Zơưv Nguyễn Anh Tuấn, Giám đốc Sở Kôngz nuv thiêz Huôv tsar jêx jok tỉnh Lào Cai puz pâuz:“Uô ntêx mak pêz cêv kuôk chor qơư muôx moz, têx qơư zuôr njiz trâus phiv liv nhoz iz ndis, txix co tso tơưv têx tsưr ziv tsênhv tsênhz, đros co cấp ủy, chính quyền tiv phaz uô truôx têx tsưr ziv hâur chox kriê phax tar caz moz cov jông tiv zix”./.

(An Kiên-Lik Thox cxêik nhênhv)

Hội chữ thập đỏ tỉnh Yên Bái nhiv kruôr tsưr tsix krêz Ciêz jông siêz shông 2020. Ciêz jông siêz zos trâur nuv Trung ương Hội chữ thập đỏ phuôx tôngv thiêz tsưr tsix, tưz tâu krêz uô ntơưv 63 tỉnh, thành phố sâuv tas nro têz qơưk chiê paz txưv têx lênhx nênhs tsi muôx phênhv sâu, trâus zênhr shar tiv moz Covid-19 huôv xênhz; chêx chôngk paz txưv têx lênhx nênhs uô lox tôngv txưv zơưx muôx luz nênhx txov nhêv, nênhs pluôs, chuôz zis muôx nênhs trâus sêv khiz lok luz chêr, nênhs muôx hnuz nhôngs siêz đuô 65 shông ndê mul; chuôz zis nênhs tsi muôx qơư khov vav. Ntơưv Ciêz jông siêz, Ban tsưr tsix khơưk muôz 300 đeiv ntơưr zuôr hax huv zos 300 phênhv huv, iz phênhv tsiv grê 200 cxênhz đeiv, hâur co muôx cxur, mix tôm, trox nox, thax, cuô mis...../.

(YenBaidientu-Txâur Vax cxeik nhênhv)