Ntơưv têx tỉnh thax tsav tox siêz faz Bắc li: Sơn La, Điện Biên, Lai Châu hâur têx hnuz đhâu ntux lok nas lox truz ntêr hnuz, ntâu tiv phaz trâus ruôr hiêv hnhar lok chuôz zênhx chuôz tas. Nhoz Điện Biên tas cik hnuz 17/8 iz jiês đêx cuôr yôngz lox muôx ywuv nhoz thax tsav xã Nậm Nhừ, huyện Nậm Pồ (tỉnh Điện Biên) uô ruôr hiêv hnhar txos tsôngv box li chuôz zênhx chuôz tas. Đêx sâuv têx tul đêx pur siêz, đêx nas cuôr têx ntông lox lok uô tsôngv box thiêz chinhr quyênx phax tar tsi zênhx. Njuôs xav qir thơưx muôx tsơưs tsơưs 4 luz tsêr trâus cuôr yôngz tas hur si, tsôngv box li yênhx châuv luz tsêr trâus đêx ngaz, cêr muk xã Nậm Nhừ muk lok tsi tâu. Nhoz tỉnh Lai châu, ntâu tiv phaz tưz sâu jênhv têx trâus ruôr hiêv lok chuôz zênhx chuôz tas; hâur co muôx ntâu txox cêr pov muôx tox poz lox, njuôs xav ruôr hiêv 8 tỷ đeiv ntâu.

Ntơưv tỉnh Sơn La, ntux nas uô 1 lênhx nênhs tuôs tiv đêx cuôr yôngz; 5 luz tsêr trâus ar xưz poz ....Đêx nas tsênhv uô tox poz ntơưv ntâu txox cêr uô zaoz thôngz muk lok tsi tâu. UB têx tỉnh tưz muôx ntâuz ntơưr heik têx tiv phaz thiêz têx sở, ban, nganhx chuv tôngv krêz uô têx tsưr ziv tir tar, khưx phưx têx trâus ruôr hiêv, seiz jông qênhx shênhx ntux kênhs thiêz ntux nas sâuv thax tsav; chuv tôngv txar qơư nhoz trâu tsôngv box, taz por lênhx nênhs thiêz chuôz zênhx chuôz tas, tiv zix zos têx thax tsav muôx ntux lok nas lox thiêz muôx ntux kênhs hâur ntu đhâu./.

(PVVOVTB -Txâur Vax cxeik nhênhv)

Bôv Chỉ huy Bôv đôiv Pênhz phax tỉnh Lào Cai nhiv kruôr chox kriê 11 Zênhx pênhz phax sâuv tas nro cxuô qơư tsuv uô cov truôx jông 22 qơư sêiz jor chiê phax tar moz Covid-19 cov uô tâu hâux lưv muk ntêr sâuv thax tsav ntus đriv.

Hâux lưv uô cov truôx khor têx qơư nhoz no zos kho đuô têx tsêr tax lav uô txix xuôk kuôr hlâu uô; muôx têx mêir thiêz faz nja tsêr khor kho. Iz qơư tâu uô đar txix 20-25 thiêr ndis, taz por txâuk nox nhoz trâu 4-8 lênhx cán bộ, chiến sĩ chiê paz trâu chor cán bộ, chiến sĩ nhoz ntơưv têx qơư no tso siêz đuô uô jông zuk têx hâux lưv chính trị côx phax, đros thiêz sir jos phax, tar moz Covid-19 cik tâu lok hâur têz qơưk txix thax tsav ntus đriv./.

(An Kiên-Lik Thox cxêik nhênhv)

Tix lâuk Xâur Xênhv Thox mênhx cxưx Hmôngz nhoz jos Co Đứa, xã Na Sang, huyện Mường Chà (Điện Biên) zos iz hâur têx đeiv iêr chi cax lul lok sir jos hla đhâu cêr pluôs. Đros siêz xar thiêz tsưr ziv uô, tix lâuk Xâur tưz truôx siêz xeir tsưr ziv uô bluô nux cxôngx chos txir pôngr lux sâuv ar têz nxaz. Txos nhiv no tix lâuk Xâur chuôz zis tưz muôx 8 hecta ntâu txir pôngr lux tsiv grê zuôr xar 20 tỷ đeiv thiêz yênhx iz hâur têx ziv chuôz zis muôx ntâu mênhv chêx chos txir pôngr lux tiv zix nhoz Na Sang./.

(Báo ĐB- Txâur Vax cxeik nhênhv)

Cik txos txuz uô ruôr hiêv cxuô zav, phiv liv txos hâux lưv cxiv tsa tsêr mêir jov hmôngr kok ntông ntơưv jok Co Quyên, xar Noong Lay, huyện Thuận Châu, Viện Kiểm sát tỉnh Sơn La tưz tso tơưv hêik pâuz số 01 lok hâux lưv tso tsês cuêz tênhv tsik khởi tố Cơ quan Cảnh sát qênhz yuôx Công an huyện li txuz án hình sự, đros co hêik chor cơ quan tố tụng huyện Thuận Châu tror nriêr pâuz cov huv zos li chêi têz qơưk.

Lơưr Viện Kiểm sát tỉnh Sơn La, hâux lưv hlôngr đuô têx luk hêik, uô tsênhz mênhx taz sik Cơ quan cảnh sát qênhz yuôx Công an huyện Thuận Châu cux thôngx ziv đros hlôngr đuô têx luk hêik, ntâuk gri lok cxuô zav. Đros têx kror tưz hêik, Viện kiểm sát tỉnh Sơn La hêik tiêk, hâux lưv tso tơưv cuêz tênhv tsik khởi tố txuz án hình sự lơưr Cơ quan Cảnh sát qênhz yuôx Công an huyện Thuận Châu zos tiv tsik tâu muôx txâuk cxuô kror cov huv zos li cêr chêi./.

(TTTB-Lik Thox cxêik nhênhv)