Muôx yưv oz thax tsav qơư nhiês khơưz yâu suôz jêz tsik trơưk chêi, zos nhoz trâu thax tsav qơư di tích têz qơưs thiêz zos qir tiv khơưz yâu suôz jêz thiêx uô tox poz, ruôr hiêv txos thax tsav qơư di tích têz qơưs. Ntơư zos đhâu đoanx qênhz yuôx liên ngênhx, zos uỷ ban huyện Điện Biên, tỉnh Điện Biên sêiz car thiêz muk qênhz yuôx têx qơư trâu poz hâur thax tsav xã Pom Lót, huyện Điện Biên, tỉnh Điện Biên. Zơưv Bùi Hải Bình, phó chủ tịch uỷ ban huyện Điện Biên , sêiz car hâur jiês muk qênhz yuôx no hêik pâuz tiêk: đoanx côngz xưv tưz hêik hâu nov xã Pom Lót, tsuv đros cxuô ban ngênhx huyện qênhz yuôx cov tâu chor nênhs khơưz yâu suôz jêz tsik trơưk chêi hêik sâu chiê muôz  bluô thiêz tik cêr cxâuv cov zos đrêiv chêi tso tơưv.

“Thax tsav qơư tưs uô muôx yưv têx tsik jông lok nhiês khơưz yâu suôz jêz mak chủ tịch uỷ ban xã ntơư tsuv tâu nhav cêr cxâuv. Zos đhâu qênhz yuôx cux tsênhv pov muôx yưv têx tsik jông hêik ntơư thiêz tsik muôx ntơưr tso chêi khơưz yâu suôz jêz mak tsuv tik cêr cxâuv zos đrêiv quy tênh”./.

                                                                                       (Tsu cxêik nhênhv-Lũ Lợi)

Tỉnh Lào Cai nhiv no muôx zuôr xar 8 cxênhz ha ar têz tsêz chos kôngz lôngk tâu uô hâur niêx shông thôngz đhâu têx luôs hâux lưv thiêz sik hux jos uô, muôx 44 doanh nghiệp, hợp tác xã thiêz 12 cxênhz ntâu chuôz zis tsôngv box đros uô. Têx ar têz ntơư, phênhv ntâu zos chos yuôx zêx, yuôx njuôz, jâuz tâuv thiêz blêx. Grê thôngz đhâu sik paz tâu 376 tỷ đeiv.

Nhiv no, tỉnh Lào Cai tsênhv fuô uô siv trơưk li tsưr ziv heik sâu trâu ntơưv 4 huyện li: Sa Pa, Bát Xát, Bắc Hà thiêz Bảo Yên. Yuôr 5 huyện, TP , tỉnh cux tsênhv qênhz shuôs, xav tinhv thax tsav huôv tsar uô nox trơưk li heik co txix 30 txos 50 ha tror zar sâuv; iz chas ntơư, paz doanh nghiệp tror ntiêr đuô tsôngv box têx ar têz chiê huôv tsar uô nox./. 

(An Kiên-Riê Lâux cxeik, nhênhv)

Hnuz 18/10, ntơưv tsêr cơưv Nguyễn Trãi, uỷ ban thnàh phố Sơn La, tỉnh Sơn La tưz tsưr tsix fuô yax kriê hêik lok pox niêv, txir nênhx, xênhz zus tuz nxêik vax huôv siz luôs. Hâur têx shông đhâu lok no, chor tuz nxêik xênhz zus tâu nhoz thax tsav tỉnh Sơn La tsik siz bâus, 117 lênhx mê nhuôv tuz  mak tsuôk muôx 100 lênhx mê nhuôv nxêik.

Chênhr zos li hêik ntơư,  hâu nov đrôngl Sơn la thiêx tsưr tsix fuô yax kriê hêik lok pox niêv txir nênhs; mê nhuôv tuz nhuôv nxêik puôr lênhx muôx vax huôv siz luôs./.

                                                                                 (Tsu cxêi nhênhv-KT báo Sơn La)

Hâur 2 hnuz đhâu, Phongx côngz xưv chính trị (Công an tỉnh Lai Châu), Công an huyện Nậm Nhùn hux jos đros têx lênhx nênhs uô têx nuv jông siêz TP HCM tsưr tsix muôz huv puz trâu 3 xã: Trung Chải, Nậm Ban, Nậm Manh (huyện Nậm Nhùn). Đoanx uô têx nuv jông siêz muôz 216 poz huv puz trâu têx chuôz zis pluôs thiêz zuôr xar pluôs xã Trung Chải; 276 chêr tsôngk tril yo trâu shux xênhz tsêr cơưv Phưv thôngz Mênhx cxưx lok zos Phổ thông Dân tộc niêv txir zus mor cxênhx iz xã Trung Chải. Muôz  2 cxênhz ntâu cir cxur puz trâu 102 chuôz zis pluôs xã Nậm Ban; 4 tênhr cxur puz trâu tsêr cơưv Phưv thôngz mênhx cxưx lok zos Phổ thông Dân tộc niêv txir zus mor cxênhx iz xã Nậm Manh. Xav hur tiz si têx huv muôz puz co tas xar muôx 120 tsov đeiv. Têx huv co tâu chor nênhs uô têx nuv jông siêz ntơư hu zâuv cxuô lênhx sđ hâur thiêz đrâuv luôs 2 chas têz qơưk siz chos gôngr paz. Vav chiê siêz tiêk, têx chuôz zis pluôs, zuôr xar pluôs thiêz shux xênhz têx xã heik sâuv zuôr muôx nzir ntâu đas jos hla đhâu têx phiv liv hâur luz nênhx./.

(KT-Riê Lâux cxeik, nhênhv)