Tror qênhz yuôx, uô tsênhz mênhx txuz “liv zôngv vax huôv thâuv uô hâux lưv sêiz car” ntơưv hôiv đôngx tưr thik cơưv tiêr ntơưr lớp 12 thôngz têz qơưk tỉnh Sơn La shông 2018, hnuz 18/12/2019, Cơ quan txiv ngaz qênhz yuôx Công an tỉnh Sơn La tưz uô lơưr têx quyết tinhv, chei xơưz xưv, ntêk nzir iz cxiê lênhx nênhs uô cxâuv lok sâuv muôz nhiêx xiêz thiêz lênhk txeil luôs lưv tuk têx nhiêx txiêz, zos: Xơưz xưv, tik cêr cxâuv nzir trâu: Nguyễn Thị Hồng Nga; Cầm Thị Bun Sọn lok sâuv lênhk txeil luôs lưv tuk têx nhiêx txiêx trơưk li cui tinhv ntơưv Grê 354 Bộ luật hình sự; iz chas ntơư hlôngr tsưr ziv phax tar tir, tso chei ntêk, tax muôz pos Cầm Thị Bun Sọn cơư tux (uô ntêx ntơư zos tso nhoz hâur tsêr, tsi khênhr mul lok đhâu kror tưs). Xơưz xưv, tso chei ntêk chiê tax muôz cơư tux zơưv Trần Văn Điện, xênhz zus shông 1969, nhoz ntơưv jok 10, phường Chiềng Lề, TP Sơn La, tỉnh Sơn La; canr bôv tsêr cơưv cxênhx iz Chiềng cơi-TP Sơn La; Hoàng Thị Thành, xênhz zus shông 1969, nhoz jok 1, xã Mường Giàng, huyện Quỳnh Nhai, tỉnh Sơn La; Chủ tịch Hội Nôngx mênhx huyện Quỳnh Nhai. Hur si 2 lênhx nênhs no puôr lênhx trâus tik cêr cxâuv lok sâuv xiêz nhiêx trâu luôs lưv tuk trơưl li cui tinhv ntơưv Grê 364 Bộ Luật hình sự. Trôngx plâuz co tsênhv tror tâu krêz đar qênhz yuôx, uô tsênhz mênhx./.

                                 (CTBTTTB-Riê Lâux cxeik, nhênhv)

Ban coar lik qơư kinh têr tỉnh Lào Cai nhiv kruôr muôx ntâuz ntơưr xa txos têx lưx lươngv muôx lênhx coaz chiê yax mông txos tsôngv box thâuv jênhv tâu Ban coar lik trôngx đriv huyện Hà Khẩu (Vân Nam-Trung Quốc) li ntơưr thôngz pov lok hâux lưv txưr tas nro têx yêz mul lol đhâu trôngx đriv cxôngx 12 six tas hmo hnuz xiêz 1/1/2020. Lơưr njiêz luv ntơưr thôngz pov saz Trung Quốc, tsêr seiz car liên nganhx trôngx đriv Nậm Thi- Hà Khẩu (nhoz jê tsêr seiz car liên nganhx trôngx đriv ntiêx têz  cêr ar số I đhâu tul qox Hồ Kiều- Lào Cai) tâu cxiv tsa cxôngx shông 1999, txos nhiv no tưz tâu 20 shông, trôngx đriv li cơ sở cxuô zav trâus puôk tsuôx ntâu, tsi taz por hâur côngz xưv coar lik nênhs mul lol đhâu trôngx đriv. Viv li Đảng ủy, chinhr quyênx huyện Hà Khẩu cuiz tênhv tror cxiv tsa yiêz côngz tsinhx no. Hâux lưv txưr yêz mu lol đhâu zos chiê taz por trâu hâux lưv cxiv uô cov zôngx ziv, taz por đuô”./.

(An Kiên- Txâur Vax cxeik nhênhv)

Cơ quan Cảnh sát qênhz yuôx, Công an tỉnh Yên Bái nhiv kruôr ntêk tâu 2 lênhx nênhs đhâu 5 shông tso ntâuz ntơưr thôngz têz qơưk yơưz phơưz, zok nriêr zos Hoàng Thị Thắm, xênhz zus shông 1981 thiêz Hoàng Thị Thắm tuk txir zos Vũ Văn Hanh, xênhz zus shông 1980, nhoz ntơưv huyện Văn Chấn, tỉnh Yên Bái. Trơưk li cơ quan công an têx ntâuz ntơưr, txix shông 2011 txos 2015, tiv zuôr trâul txos nhiêx txiêx chiê uô lax luôv, huôv tsar uô nox, Hoàng Thị Thắm thiêz Vũ Văn Hanh gơưk 2 niêv txir  tưz kêr txeik ntâu lênhx nênhs hâur thax tsav huyện Văn Chấn, tỉnh Yên Bái têx nhiêx txiêx, xav hur tiz si muôx nhos iz tỷ đeiv ntâu, đhâu ntơư tiv uô nox pôngz pênhr, tsi trơưl têk, viv li thêv tsi tâuk, hur si 2 niêv txir tưz tso têk khiêr gâuv, tsi nhoz hâur thax tsav. Txos hnuz 17/12/2019, thâuv hur si 2 niêv txir tsênhv nhoz gâuv ntơưv Mê Linh, Hà Nội txơưv trâus Công an tỉnh Yên Bái ntêk cxov tâu./.

(Thừa Xuân-Riê Lâux cxeik, nhênhv)

Phongx phax tar zax zênhz thiêz nênhs phamv cxâuv, Bộ đội pênhz phax tỉnh Điện Biên nhiv kruôr đros Zênhx pênhz phax Si Pa Phìn ruôr yênhx côngz chuyên án số ĐB 1219, qir ntês tâu 2 lênhx nênhs thâux gra, muôv muôs tsi trơưk chei 30 cxênhz njiêr zax zênhz ntơưv thax tsav ntus đriv. Thâuv tuêv côngz xưv pênhz phax tsênhv uô jênhv vư, seiz car ntơưv cei cêr 10, niêv cêr 4H nhoz jos Đề Bua, xã Phìn Hồ, huyện Nậm Pồ, tỉnh Điện Biên txơưv pov 2 lênhx txir nênhx njuôs xav thâux gra zax zênhz. Thâuv tuêv côngz xưv muôx lênhv heik qênhz yuôx 2 lênhx nênhs no txơưv tis tror kaz khiêr mul pêv har jôngr. Taz sik, ciês đhâu co têx trinh sát pênhz phax tưz ntês cxov tâu, sâu tâu 30 cxênhz njiêr zax zênhz, 2 luz điện thoại di động. Co zos Zax Quán Mình xênhz shông 1987 mênhx cxưx Hmôngz nhoz jos Huổi Lụ, xã Nà Khoa, huyện Nậm Pồ, tỉnh Điện Biên thiêz Nhia Bi THao xênhz shông 1980 mênhx cxưx Hmôngz nhoz jos Pha Sẳng Nưa, huyện Phương, tỉnh Viêng Chăn, Lào. Nhiv no chuyên án tsênhv tror tâu krêz đar qênhz yuôx./.

(Vũ Lợi- Txâur Vax cxeik nhênhv)