Chiê tror uô muôx chêx cuk Bộ chinhr trị li Chỉ thị 05 lok “ Cxơưz tiês cơưv shâuv uô lơưr HCM li siêz xar, tsưr ziv uô” thiêz tsưr ziv cơưv shâuv chuyên đề “ HCM li siêz xar, tsưr ziv uô li têx njiêz luv tsênhv”, Đảng ủy Công an tỉnh Yên bái tưz bax trâu iz Chi, Đảng bộ cơ sở thiêz Đảng bộ Công an cấp huyện iz cxiê fâu lơưr muôx têx jax pêv heik lok Hloz Hôx chiê đangv viên, canr bộ, chiến sĩ nriêr pâuz, cơưv shâuv hâur têx jiês xênhz huôx chinhr trị. No zos iz hâux lưv uô jông hâur zaoz zux chinhr trị siêz xar trâu canr bộ, chiến sĩ Công an tỉnh Yên Bái./.

(Đinh Tuấn- Lan dịch đọc)

Huyện Tuần Giáo, tỉnh Điện Biên muôx 2.200 lênhx nênhs muôx côngz têz qơưk, tsav zuôr xar 3% jênh số; hâur co 100 ntâu lênhx tâu sơưv têz qơưk têx chei paz hâur niêx hli, zuôr xar 1.960 lênhx đros tir ntâul trok châuz đrav ntêx tâu muôz côngz mênhx; 7 lênhx niêv VN zênhz shôngx thiêz 132 lênhx tâu tas siv nênhx thâuv ntu tir ntâul trok châuz. Huyện tsi so moz siêz txos, chox kriê cơ quan car uô đreiv têx hâux lưv paz chor nênhs muôx côngz têz qơưk sâuv uô jông têx hâux lưv zok muôz thiêz zênhx max têz qơưk têx chei paz trâu nênhs muôx côngz têz qơưk. Iz chas têz qơưk têx chei paz tsênhv muôx chei tsoz phưz đas jos, cxiv kho vax tsêr trâu chor nênhs muôx côngz têz qơưk./.

(VOV4-Riê Lâux cxeik, nhênhv)

Tas cik hnuz 18/7, ntơưv tsêr Bảo tàng tỉnh Lào Cai, Quân chủng Hải quân đros Tỉnh ủy Lào Cai tsưr tsix jiês piêr kriê “ Niêv đêx hiêr, poz hiêr thiêz têx chiến sĩ hải quân” thiêz “ Lào Cai sik côngv tês cxiv tsa, por vêv tsưr qênhx ntus đriv- niêv đêx hiêr têz qơưk”. Jiês piêr kriê muôx 300 đêiv shav, 16 đeiv ntơưr kriê cêr, 100 cxeix laov thiêz chuôz zênhx heik tơưv têx tsênhv tsênhz lok niêv đêx hiêr poz hiêr thiêz têx chiến sĩ Hải Quân, cux xưk li tỉnh Lào Cai li têx sir jos hâur huôv tsar KT-XH, tz por txiv ngaz côx phax, sik côngv tês cxiv tsa thiêz por vêv tsưr qênhx ntus đriv, niêv đêx hiêr- poz hiêr têz qơưk. Thôngx cxix pheiz kênh thiêz njênhs njôngr bộ đội hải quân zuôr uô jông jênhv vưv por vêv tsưr qênhx niêv đêx hiêr, poz hiêr. Jiês piêr kriê zuôr tsưr tsix txos tas hnuz 20/7/2018./.

(An Kiên-Txâur vax cxêik nhênhv)

Txix têx lul heik xar njôngr cov tror qênhz shuôs đuô têx jax thik cơưv tiêr ntơưr lớp 12 thôngz têz qơưk ntơưv Sơn La, zơưv Phạm Đăng Quang, Phưv Giám đốc Sở Zoz zux thiêz Thox cxov tỉnh heik pâuz: Sở zuôr nhênhz chơưv trâu tỉnh cxiv tsa tsưr ziv qênhz shuôs đuô têx shux xênhz li sđ heik ntơư têx điểm thik:

“Pêz chor nhoz ngênhx zoz zux zuôr qênhz shuôs đuô, zos tiêk tsôngv box sđ thiêz Bộ seiz ntơư zos hâux lưv zuôr trâus uô, pir li muôx têx Bộ cux thôngx ziv xưk li pêz, viv nêx sđ pâuz, zos têx shux xênhz hâur iz luz hlik sir jos cơưv thiêz muk Hà Nội cơưv cxaz nzir chiê thik mul cơưv Đại học mak thâuv tưr thik tiês ntơư, lơưr chor shux xênhz têx điểm thik cux txơưr. Chênhr viv li pêz tsi xar uô nhuôz nzir têx li heik co, lar heik zos uô ntâu cux zuôr uô tsi jông txos tỉnh thiêz. Chấm điểm thik li chas, nhiv no Bộ ho tiêk cov tror chấm đuô tsênhv thâuv ntơư tưz khav tinhv zos uô tâu jông lơưv”.

Trơưk li thôngz sâu hâur têx shux xênhz muôx điểm thik siêz yax hâur jiês thik cơưv tiêr ntơưr lớp 12 thôngz têz qơưk shông no, muôx 2 lênhx shux xênhz nhoz Sơn La. Lar heik zos 2 lênhx shux xênhz no điểm thik puôr lênhx siêz đuô lok six ntâu pir li jiês thik siv uô ntêx co tsưr tsix thik hâur tsêr cơưv./.

(Thủy Lan-Riê Lâux cxeik, nhênhv)