Tiv muôx qiv hơưv thiêz đêx ar huv đros, sâuv thax tsav tỉnh Điện Biên tưz chos xar muôx 3.400 héc ta tsoz mắc ca; hâur co, chos ciês têx ntông mắc ca zos 2.880 héc ta, chos shơư đros têx zav tsoz chos txơưr zuôr xar muôx 540 héc ta, tsêx trung ntơưv têx huyện: Tuần Giáo, Mường Nhé, Mường Ảng, Điện Biên Đông, Điện Biên thiêz thành phố Điện Biên Phủ. Phênhv ntâu thax tsav chos tsoz mắc ca zos chor doanh nghiệp yưv pênhr chos, tsênhv yuôr mak zos cxuô thax tsav qơư chos shơư têx zav tsoz chos txơưr, chos siv thiêz pêx xênhv chiv chir chos xưz. Chor dự án chos mắc ca kriz uô ntơưv Điện Biên phênhv ntâu puôr lênhx tâu chính quyền ntơưv qơư cux xưk li pêx xênhv thôngx ziv đros, xuz thơưx tưz pov huôv tsar jông, paz muôx hâux lưv uô, gra siêz phênhv sâu trâu pêx xênhv, paz uô hlôngr yiêz têx jêx jok, tiv zix zos thax tsav tsôngv box mênhx cxưx tsơưs nênhs./.

(Báo tin tức-Lik Thox cxêik nhênhv)

Mù Cả zos xã txov nhêv tiv zix nhoz huyện Mường Tè, tỉnh Lai Châu, txix thax tsav tox siêz ar nxaz txos tsôngv box li jênhv pâuz kis, tsênhv yuôr ntâu cêr uô nênhx pôngz kaz...Taz sik Mù cả nhiv no tsênhv ziv hnuz ziv hlôngr yiêz, têx luz tsêr yiêz tâu cxiv uô jông hâur nênhs Hà Nhì, Hmôngz li têx luz tsêr chax chês; liêx têz tâu tsêz chos jông; yênhx paz tsiêx cxu tâu tso muk nox jâuz ntơưv têx tox trôngz. Chiê thax tsav ntus đriv tâu hlôngr yiêz jông li ntơưv tsi taz khov txos tsôngv box li têx sir jos mak tsênhv zos cán bộ, đảng viên hâur xã li côngz lox. Vênhv tôngv pox nhuôs por vêv, huôv tsar jôngr. Cxơưz cxiz tsôngv box cxaz chuôz têx lớp kriê hâux lưv uô, txeik pênhr huôv tsar uô nox uô hâuk, cxơưz tiês muôv muôs; sik côngv têx doanh nghiệp chiê sâu zuôr tsôngv box li xiv huv muôs trâu niêv ciêz; cxaz chuôz cơưv shâuv hâux lưv uô chiê hlôngr yiêz phênhv sâu./.

(Báo LC-Txâur Vax cxeik nhênhv)

Lào Cai đros muôx thax tsav ntus đriv phiv liv, zos kror zôngx ziv trâu chor nênhs fêv zuôr muôs zax zênhz muk lok đhâu. Taz sik, chor lưx lươngv muôx vax huôv cux tsênhv hnuz hmo sir jos uô hâux lưv tsav txênhz, phax tar chor nênhs fêv zuôr muôs zax zênhz no, paz muôx tâu luz nênhx truôx tuk trâu xar hôiv, hâur co muôx chor cán bộ Hải Quan. Lơưr zơưv Vũ Văn Tuấn, Phưv Chi cục trưởng Chi cục Hải quan Trôngx đriv Lào Cai, yêz thâux xa hax huv muk lok đhâu ntus đriv nhiv no puôr lênhx tsuv muk đhâu oz kror qơư sêiz jor truôx jông nhoz oz saz Việt-Trung, cux zos iz kror paz tir tar tâu zax zênhz jông đuô, taz sik cux tsik tsuv tso siêz:“Fênhx six mak pêz qênhz yuôx lơưr tsưr ziv sêiz car cov truôx cxuô zav hax huv thâux muk lok đhâu; hâur co, sir zôngv têx tsưr ziv uô  hâux lưv đros trâu sir zôngv têx zav mêir, chuôz zênhx thiêz têx đêr chiê nriêr pov tâu zax zênhz. Đros chor hax huv lơưr cui tênhv tsuv tâu qênhz yuôx mak hêik cán bộ, côngz chức qênhz yuôx cov ntov jông đuô”./.

(An Kiên-Lik Thox cxêik nhênhv)

Hnuz 18/10, tỉnh Yên Bái sâu jênhv cxaz 1 lênhx nênhs trâus caz moz SARS Cov2 hâur thax tsav qơư cêv kuôk chêx chôngk, muk txix tỉnh Bình Dương lok hnuz xiêz 5/10. Lơưr Ban chox kriê phax tar moz Covid-19 tỉnh Yên Bái mak lênhx nênhs no tâu cêv kuôk chêx chôngk ciês thâuv lok txos tỉnh li qơư seiz car moz, tsi tâu njiz lênhx tưs txơưr sâuv tỉnh. Nhiv no, nênhs moz tsênhv tâu cêv kuôk thiêz kho moz ntơưv tsêr kho moz kruô njưk thiêz moz njưk tỉnh Yên Bái. Thôngz sâu hnuz 18/10, tas nro tỉnh muôx zuôr xar 250 lênhx nênhs txix tỉnh Phú Thọ tror lok tsuv muk cêv kuôk. Đrâuv co, tỉnh cux tsưr tsix njuôs siv caz moz trâu 1 cxênhz 200 lênhx muk txix Phú Thọ lok cxôngx hnuz xiêz 1/10 txos nhiv no; têx lênhx nênhs no tsênhv tâu cêv kuôk chêx chôngk lơưr cui tênhv./.

(Đinh Tuấn-Txâur Vax cxeik nhênhv)