Tỉnh Yên Bái nhiv kruôr muôx luz xar tiv 70 uô tiêr cxiv tsa jêx jok yiêz, co zos xar Mậu Đông nhoz huyện Văn Yên. Zênhx zos iz luz xar uô kôngz nuv, muôx chôngz tsôngv box mênhx cxưx tsơưs nênhs nhoz li Cho, Tày; thax tsav trâus cêv kuôk, muôx ntâu cưx đêx,cưx ha; pêx xênhv luz nênhx tsênhv yuôr ntâu kror txov nhêv….Taz sik, đros muôx cxiv luôs Chính trị li sir jos; cán bộ, đảng viên thiêz pêx xênhv thôngx ziv, sik côngv siêz, đhâu 9 shông ntâu sir jos uô, xar Mậu Đông tưz uô tiêr tas nro 19 luôs hâux lưv têz qơưk lok cxiv tsa jêx jok yiêz; chor chuôz zis pluôs grêk tsơưs ntâu tsuôk yuôr muôx 3% ntâu./.

(Đinh Tuấn-Lik Thox cxêik nhênhv)

Shông cơưv 2019-2020, tsơưr lươngv zoz zux ntơưv tỉnh Sơn La tâu ntâuk grê zos uô tâu jông, đros thiêz zuôr xar 96% shux xênhz tưr thik tâu cơưv tiêr ntơưr lớp 12, tsar ndê 23% pir li shông uô ntêx; tas nro tỉnh tưz muôx zuôr xar 200 tsêr cơưv uô tâu jông luôs hâux lưv kriê thiêz cơưv ntơưr; hâux lưv uô jâuz uô mor nox trâu shux xênhz ntơưv tsêr cơưv tâu uô đreiv nhoz 230 tsêr cơưv cxênhx nhuôs zâu thiêz phưv thôngz, muôz jông six hơưv trâu shux xênhz nhoz thax tsav txov nhêv tuôx cơưv tâu ntơưr cxix cxuô, paz gra siêz tsơưr lươngv zoz zux cxuô hâur tas nro tỉnh. Zơưv Nguyễn Văn Chiến, Phưv Giám đốc Sở Zoz zux tỉnh Sơn La heik pâuz:“Hâur shông cơưv no, pêz muôx tsưr ziv qênhz shuôs tsơưr lươngv hur tiz si cxuô cấp, shux xênhz ndê lớp 1 mak pêz zuôr tso uô iz jax thik, taz sik tưr thik lok sâuv têx txux chi cơưv hâur cxênhx nhuôs zâu, uô li ntơư, jiês thik cơưv tiêr ntơưr zuôr uô trâu chor shux xênhz lớp 12. Pêz xav tinhv zuôr uô đreiv têx li heik co, mak thiêx zuôr ntâuk grê tâu têx tsêr cơưv, chor cưk kriê ntơưr, shux xênhz tsơưr lươngv zoz zux chiê txix ntơư muôx têx tsưr ziv kriê thiêz cơưv huv đros, txar jav tâu têx tsi jông”./.

(Trấn Long-Riê Lâux cxeik, nhênhv)

Cux ntơưv tỉnh Sơn La, đhâu iz ntu ntêr njiz trâus phiv liv tiv moz Covid-19, nganhx du lịch cux njiz phiv liv. Thax tsav qơư du lịch têz qơưk Mộc Châu cux tsik muôx kruô tuôx. Taz sik, 3 luz hli tror lok no, du lịch Mộc châu tưz tror muôx kruô tuôx ndis shuôk, uô si. Hâur co, Tsas tsuô đêx Dải Yến zos iz hâur têx qơư tâu tsôngv kruô xêir tsov chiê ndis shuôk, uô si, tiv zix zos hâur têx hnuz kaz ciêz. Ntơưv kror qơư no, iz cxiê zav du lịch, uô si nhiv kruôr tâu muôz lok kriz uô li đêi hluô muk đhâu đêx cux muôx lok six chôngz lênhx kruô nhiêv. Nguyễn Minh Hòa txix Hà Nội tuôx hêik:“Thax tsav qơư no lok six jông gâux. Muôx trôngz, muôx đêx, muôx trôngz yuôx zêx, qiv hơưv lax nziês. Đhâu muôx moz Cobid-19 mak pêz tuôx trâu Mộc Châu chiê uô si, viv ntơưv no qiv hơưv hur jông đuô. Tuôx ntơưv no, mak pov zuk xưk li muôx jos đuô”./.

(VOV4-Lik Thox cxêik nhênhv)

Lưv lươngv bôv đôiv Pênhz phax tỉnh Điện Biên nhiv kruôr ntêk tâu 2 lênhx nênhs Lol Tsuôk tuôx đhâu đriv têz tsi trơưk chei lok hâur VN. Đhâu qênhz nus, 2 lênhx nênhs no tâu xav zos Lò Văn Dọn, xênhz shông 1971 thiêz Lò Văn Nhi, xênhz shông 1980. Hur si 2 lênhx nênhs co puôr lênhx zos heir nênhs Khơ Mú, muôx ntâuz ntơưr nhoz Lol Tsuôk, thiêz 2 lênhx nênhs no nhoz uô cê ntơưv jok Huổi Lái, Cụm Là Nầm, huyện Mường Mày, tỉnh Phông Sa Ly, Lol Tsuôk. Dọn thiêz Nhi krêz tiêk, tuôx đhâu đriv têz tsi trơưk chei ntơưv thax tsav 2 tus ndêx cxok kuôk cêv ntus đriv sôr 84 thiêz 85 lok trâu jok Tin Tốc, xã Mường Pồn, đhâu ntơư zuôr cxov yêz kruô cheix muk Hà Nội. Thâuv txos Hà Nội, zuôr muôx nênhs tok gơưk ntơưv qơư tsav yêz kruô Mỹ Đình thiêz uô chuôr têx ntâuz ntơưr chiê muk uô jos trâu têx công ty cxiv tsa nhoz co. Nhiv no txuz nuv nor tsênhv tror tâu Bộ Chỉ huy Pênhz phax tỉnh Điện qênhz yuôx, uô tsênhz mênhx./.

(Vũ Lợi-Riê Lâux cxeik, nhênhv)