Vũ Lợi, nênhs sâu xor xưv, Đeix TNVN nhoz faz Bắc xa mông txix tỉnh Điện Biên: Đhâu hlo thâuv tas têx hnuz so tsiêz têz qơưk tưv shông, tsôngv px huyện Điện Biên, tỉnh Điện Biên tưz qir muk uô liêx têz, vav chiê siêz tror muôx iz chiv cheix jông uô kôngz lôngk sâu tâu nju. Chiv kôngz ntux tsâus yiêz 2020-2021, tas nro tỉnh Điện Biên tsêz chos 9.500 ntâu ha blêx. Nhiv no cxuô thax tsav qơư tsênhv sir jos trâu hâux lưv tsêz uô têx zuz, chos blêx, zuôv qir, tok đêx lok hâur liêx, tsuôs yuôx tuô lov caz hmoz, taz por cheix chiv, sâu tâu nju. Zơưv Lò Văn Toản, nhoz xã Thanh Xương, huyện Điện Biên heik pâuz: Chuôz zis muôx 6 cxênhz xưv phaz liêx, tsênhv tsêz chos 3 zav blêx tsư ha, jông:“Nox tsiêz tas, tsôngv px sđ cux siz zâuv muk uô liêx têz chiê seiz shuôs, tu têx blêx, fmông qir, đoz đrox, yiz têx blêx tuôs tiv caz côngx, kưx nox uô ruôr hiêv. Heik cxuô lok six shir phaz, nox tsiêz tas, sđ lênhx tưs cux nzor max muk uô liêx têz, tu têx blêx cov hloz lox jông. Shông yiêz cux vav chiê siêz cov muôx iz luz nênhx tsâu sor, vav mênhx, khưr uô tâu kôngz lôngk ntâu”./.

(Vũ Lợi-Riê Lâux cxeik, nhênhv)

Xor mông ntơưv jiês khiêz phêv ntâus grê qênhx shênhx Tsiêz Tưv shông zos UB tỉnh Lào Cai nhiv kruôr tsưr tsix puz pâuz, tas nro muôx 90 cxênhz ntâu phênhv huv, tsiv grê muôx nhos 60 tỷ đeiv tâu khơưk muôz txos têx lênhx nênhs tâu sơưv cêr chei, têx taz viv uô jênhv vưv hâur ntu nox tsiêz nhiv kruôr đhâu. Đrâuv co, hâur ntu so tsiêz, sâuv thax tsav tỉnh tsi muôx yưv txuz txiêz nanv zaoz thôngz tưs. Côngz xưv phax tar moz Covid-19 cux tâu krêz uô jông lơưr cui tênhv. Uô ntêx co “Tsiêz chos ntông-tiêv tiêv ndo txos zơưv côngz Hôx” cheix ntux yiêz Tưv shông zos tỉnh Lào Cai phuôx tôngv cux tưz tâu tsưr tsix ntơưv qar tiêx tsênhv qơư thành phố. Shông 2021, tỉnh Lào Cai zuôr chos yiêz 9 cxênhz 500 hecta jôngr thiêz chos yiêz 2 tsov ntâu tsoz ntông njuôz. Sir jos, hâur six cxiv uô tiêr chos 10 tsov tsoz ntông, chuôz ndê jôngr chos tas nro tỉnh zos 60% lok shông 2025, siêz đuô 5% pir đros shông 2020./.

(An Kiên-Txâur Vax cxeik nhênhv)

Trơưk li Ban chox kriê phax tar moz Covid-19 tỉnh Sơn La heik pâuz, xav txos hnuz 17/2, tas nro tỉnh tsênhv sox seiz, seiz kaz, kuôk cêv 15.300 ntâu lênhx nênhs chiê lơưr nhoz lơưr iz kro. Đros co, tỉnh Sơn La tưz qênhz shuôs, yơưz phơưz 15.120 lênhx nênhs; hâur co 2.500 ntâu lênhx cik txos lênhx nênhs tâu xav zos trâul moz Covid-19 ntơưv Điện Biên, zuôr xar 9.300 lênhx zos muk txis thax tsav muôx moz lok, 3.300 ntâu lênhx cik txos Bộ Y tế li heik pâuz zênhx max cov qênhz shuôs. Txix moz Covid-19 têx hlôngr yiêz, huôv xênhz phiv liv, tỉnh Sơn La tror heik cxuô thax tsav qơư, taz viv uô lơưr jông Thủ tướng Chính phủ Chỉ thị 09, xưv bluô đrux ntov chor nênhs krêz heik lol zuk đas jos tsi tsênhz mênhx, tsi chox ntâuz bos kror ndâux ntơưv têx qơư côngz côngv, uô cxâuv têx cui tinhv lok phax tar moz; bax jông tsưr ziv lok lênhx nênhs, chuôz zênhx seiz njuôk shuôs moz, têx yuôx uz no.....chiê thâuv tưs muôx têx li chas yưv siv li phax tir thêir, kho tâu moz zênhx max./.

(Trấn Long-Riê Lâux cxeik, nhênhv)

Chủ tịch UB huyện Trấn Yên, tỉnh Yên Bái nhiv kruôr tso tơưv cuiz tênhv xưv phuôv 2 lênhx nênhs tsi uô trơưk cui tênhv cêv kuôk y tế thâuv muôx cuiz tênhv cêv kuôk, iz lênhx 10 tsov đeiv thiêz tsuv cêv kuôk 14 hnuz ntơưv tsêr, thôngx cxix heik 2 lênhx nênhs uô cxâuv cam kết zuôr uô jông têx cui tênhv lok cêv kuôk y tế thâuv qênhx shênhx moz Covid-19 tsênhv ziv hnuz ziv muôx têx txơưr txar. Hnuz 13/2 (zos hnuz xiêz 3 Tsiêz) tix lâuk T.Đ.Đ xênhz shông 1986 thiêz tix lâuk Đ.X.B xênhz shông 1987 tưz ntiêr yêz taxi muk xã Quy Mông, huyện Trấn Yên (Yên Bái), tsi uô Chủ tịch UB tỉnh Hải Dương li cuiz tênhv cêv kuôk y tế ntơưv TP Chí Linh chiê phax tar moz Covid-19. Thâuv tuôx txos cêr IC-12- nhoz thax tsav Yên Bái txơưv trâus pov./.

(TTTB-Txâur Vax cxeik nhênhv)