Ntơưv têx tỉnh thax tsav tox siêz faz Bắc li: Sơn La, Điện Biên, Lai Châu hâur têx hnuz đhâu ntux lok nas lox truz ntêr hnuz, ntâu tiv phaz trâus ruôr hiêv hnhar lok chuôz zênhx chuôz tas.

Nhoz Điện Biên tas cik hnuz 17/8 iz jiês đêx cuôr yôngz lox muôx ywuv nhoz thax tsav xã Nậm Nhừ, huyện Nậm Pồ (tỉnh Điện Biên) uô ruôr hiêv hnhar txos tsôngv box li chuôz zênhx chuôz tas. Đêx sâuv têx tul đêx pur siêz, đêx nas cuôr têx ntông lox lok uô tsôngv box thiêz chinhr quyênx phax tar tsi zênhx. Njuôs xav qir thơưx muôx tsơưs tsơưs 4 luz tsêr trâus cuôr yôngz tas hur si, tsôngv box li yênhx châuv luz tsêr trâus đêx ngaz, cêr muk xã Nậm Nhừ muk lok tsi tâu.

Nhoz tỉnh Lai châu, ntâu tiv phaz tưz sâu jênhv têx trâus ruôr hiêv lok chuôz zênhx chuôz tas; hâur co muôx ntâu txox cêr pov muôx tox poz lox, njuôs xav ruôr hiêv 8 tỷ đeiv ntâu.

Ntơưv tỉnh Sơn La, ntux nas uô 1 lênhx nênhs tuôs tiv đêx cuôr yôngz; 5 luz tsêr trâus ar xưz poz ....Đêx nas tsênhv uô tox poz ntơưv ntâu txox cêr uô zaoz thôngz muk lok tsi tâu. UB têx tỉnh tưz muôx ntâuz ntơưr heik têx tiv phaz thiêz têx sở, ban, nganhx chuv tôngv krêz uô têx tsưr ziv tir tar, khưx phưx têx trâus ruôr hiêv, seiz jông qênhx shênhx ntux kênhs thiêz ntux nas sâuv thax tsav; chuv tôngv txar qơư nhoz trâu tsôngv box, taz por lênhx nênhs thiêz chuôz zênhx chuôz tas, tiv zix zos têx thax tsav muôx ntux lok nas lox thiêz muôx ntux kênhs hâur ntu đhâu./.

(PVVOVTB -Txâur Vax cxeik nhênhv)

Công an tỉnh Yên Bái nhiv kruôr tsưr tsix njiz njêx muôs ndaz ndơưv chiv nhênhv 75 shông hnuz chax chês CAND (19/8/1945-19/8/2020) thiêz 15 shông hnuz ntênhs tas nro tsôngv box por vêv txiv ngaz têz qơưk (19/8/2005-19/8/2020). Hla đhâu 75 shông, lưx lươngv công an tỉnh Yên Bái thâuv tưs cux uô jông jênhv vưv têz qơưk thiêz tsôngv box choz; truôx siêz tơưv txênhz tir tar nênhs phamv cxâuv, tsi so muôz siêz chiến sĩ Công an li siêz xar uô lơưr 6 hâux lưv Hloz Hôx kruôz kriê lưx lươngv công an. Đhâu 15 shông krêz uô hnuz ntênhs tas nro tsôngv box por vêv txiv ngaz têz qơưk, lưx lươngv công an tỉnh Yên Bái tưz chuv tôngv sik côngv đros têx cấp, nganhx, đoanx thêv...uô jông ntâu trâur nuv muôx chêx cuk. Txos nhiv no sâuv thax tsav tỉnh muôx 484 trâur nuv tơưv txênhz tir tar nênhs phamv cxâuv, gôngr phênhv tuôr truôx txiv ngaz thax tsav. Đros têx yênhx tix co, Công an tỉnh Yên Bái tưz tâu têz qơưk khơưk muôz Huân chương HCM thiêz ntâu huân chuông cxuô zav./.

(Thừa Xuân-Txâur Vax cxeik nhênhv)

Tix lâuk Xâur Xênhv Thox mênhx cxưx Hmôngz nhoz jos Co Đứa, xã Na Sang, huyện Mường Chà (Điện Biên) zos iz hâur têx đeiv iêr chi cax lul lok sir jos hla đhâu cêr pluôs. Đros siêz xar thiêz tsưr ziv uô, tix lâuk Xâur tưz truôx siêz xeir tsưr ziv uô bluô nux cxôngx chos txir pôngr lux sâuv ar têz nxaz. Txos nhiv no tix lâuk Xâur chuôz zis tưz muôx 8 hecta ntâu txir pôngr lux tsiv grê zuôr xar 20 tỷ đeiv thiêz yênhx iz hâur têx ziv chuôz zis muôx ntâu mênhv chêx chos txir pôngr lux tiv zix nhoz Na Sang./.

(Báo ĐB- Txâur Vax cxeik nhênhv)

Xor mông cxôngx Ban coar lik đêx tênhv Lai Châu (nhoz công ty đêx tênhv Sơn La) zar hnuz kêix hnuz 18/8, đêx tênhv Lai châu krêz 5 trôngx tso đêx chiê taz por đêx sâuv pas đêx tsi pur siêz, taz por nhoz phênhv chungz fênhx zos 295 yiv. Viv li tsôngv box têx huyện Mường Chà, Tủa Chùa, Nậm Pồ, thị xã Mường Lay tỉnh Điện Biên thiêz Nậm Nhùn, Mường Tè, tỉnh Lai Châu tsuv thôngz pov trâu tsôngv box, tsưr tsix, taz viv muôx lênhx coaz sâuv thax tsav chuv tôngv têx tsưr ziv taz por trâu lênhx nênhs thiêz chuôz zênhx chuôz tas./.

(Khắc Kiên-Txâur Vax cxeik nhênhv)