Tsêr nhiêx kôngz nuv huôv tsar tox siêz ntơưv Yên Bái tưz muôz huv tsiêz puz trâu iz cxênhz chuôz zis pluôs, chuôz zis muôx côngz têz qơưs, grê nhiêx tas 500 triệu đêiv. Ntơư zos tsêr nhiêx kôngz nuv huôv tsar truôx luôs hauax lưv muôz pênhr nhiêx trâu tsôngv px hâur thax tsav kir txêik txos 100% luz jêx jok, paz phênhv cxơưz cxiz trâu tsôngv px sđ huôv tsar cêr uô nox, muôx luz nênhx tsâu sor. Thiêz xav hâur shông 2019 đhâu, tsêr nhiêx kôngz nuv tỉnh Yên Bái tưz zaz zâuv cxuô lênhx nênhs siêz jông, cxuô tsưr tsix xã hội sik côngv paz tâu 13 tỷ đêiv nhiêx chox lok cxiv uô tâu 23 luz tsêr niêv côngv trâu chor chuôz zis txov nhêv, grê nhiêx xar tas 1 tỷ đêiv./.

(Tsu cxêik nhênhv-vov4 -Hạnh)

Huyện Bắc Hà, tỉnh Laox Cai, Liên hiệp têx tsưr tsix hữu nghị tỉnh thiêz têx lênhx hlôngr njêx muôs Ban car seiz chơưv paz tsôngv px, Tsưr tsix GNI (Hàn Quốc) nhiv kruôr muôz 26 cxênhz chêr tril yo sor puz trâu shux xênhz Lào Cai. Chor tsôngk tril yo sor co zos tsôngk tril yo jông, tâu zuôr txix Hàn Quốc lok, xav tas muôx nhos 19,6 tỷ đeiv. Tas nro têx tril yo no zuôr tâu xa txos ntuô ntơưv qơư, muôz puz trâu shux xênhz 36 nhoz luz tsêr cơưv cxênhx 3 thiêz shux xênhz cxênhx 3 nox nhoz hâur tsêr cơưv têz qơưk zus mor.... hâur tỉnh Lào Cai./.

(VOV4-Riê Lâux cxeik, nhênhv)

Chiê huôv tsar truôx cxuô hêir nênhs VN têx cêr đaz cêr kruô, vênhx huôv jông  uô hâur hnuz tsiêz, tỉnh Sơn la tưz kriz qơư uô luôs hâux lưv muôx njiêz luk “Tsiêz đrav ntêx”. Ntơư zos kriz uô txix hnuz 15/1/2020-hnuz xiêz 5/2/2020. Ntơư zos hêik lok cxuô hêir nênhs VN têx cêr nênhx vênhx huôv jông uô hâur têx hnuz tsiêz. Zơưv Trần Tuấn Anh nhoz đrôngl Sơn La hêik pâuz: “Chox têx me nhuôv tuôx trâu ntơưv no, cur xar cov têx tuz nxêik pâuz txos zuk hêir nênhs têx txux chi, vênhx huôv jông cxôngx nzor, pox côngz zơưv côngz uô đhâu ntâu tiêv lok txos trâu nhiv no tsik chiê pôngz plox”./.

(Tsu cxêik nhênhv-TTTB -Hạnh

Tsôngv box Cho nhoz Lai Châu txix thâuv nzor lok lơưr khênhr chêir iz cxiê hnuz chiê hâur shông tsi trâus njiz têx tsi jông li uz li no. Iz chas ntơư, nênhs Cho nhoz iz cxiê thax tsav qơư tsênhv muôx têx hnuz chêir li: Hnuz chêir đêx nas lox, tsi uô đror, tsi đa đêx hâur têx cưx đês, cưx ha; hnuz chêir têx caz hmoz chiê têx caz hmoz tsi nox uô ruôr hiêv kôngz lôngk.... Zơưv Chẻo Lao U nhoz jok 5, thị trấn Sìn Hồ, tỉnh Lai Châu heik pâuz nzir:“Pêz nênhs Cho muôx 2, 3 hnuz chêir. Hâur co muôx têx hnuz chêir thâuv tưs tưz zuôr tsuv chêir, co zos hnuz kho têx lâuk têx kuô nza. Thâuv kho, chuôz zis zuôr uô nênhz hâur tsêr muk chơư, heik trâu chor lâuk tâu tas siv nênhx pâuz, đhâu ntơư txiêz ntơưr, gra shaz, gra triêv, hlâu, pênhx muk kho têx lâuk têx kuô nza, hlơưr shaz, hlơưr ntơưr trâu chor lâuk tas siv nênhx co. No zos six hơưv chiê heik trâu chor hluôk pâuz txos zuk heir nênhs têx txux chi cêr chei đaz kruôs, tsuv ndo njôngr lês uô”./.

(Chẻo Thu-Riê Lâux cxeik, nhênhv)