Tas cik hnuz 19/5, tỉnh Sơn La tsưr tsix ntênhs côngz fur Thủ tướng Chính phủ Quyết tinhv côngk nhav TP Sơn La zos ciêz đrôngs jông hov II nhoz tỉnh Sơn La. Zơưv Nguyễn Trung Khải, Chủ tịch Ủy ban TP Sơn La heik pâuz, hâux lưv côngk nhav zos ciêz đrôngs jông hov II zuôr paz TP Sơn La muôx nzir six hơưv huôv tsar sei, truôx, phuôx huiz tâu têx muôx jông hâur thax tsav; iz chas ntơư ntâuk grê tâu qơư sơưr zos tsênhv qơư hâur Mêr thax tsav Tây Bắc thiêz TP li tsênhv tsênhz huôv tsar; muôz trâu TP Sơn La muôx nzir six hơưv huôv tsar sei thiêz truôx jông hâur six hơưv zuôr txos, paz zov chênhr trâu cxiv tsa ciêz đrôngs hâur tỉnh Sơn La heik taz thiêz hur si têz qơưk heik cxuô./.

(Thu Thùy-Chia dịch đọc)

Hnuz 19/5, tỉnh Yên Bái tsưr tsix kriz cơưv uô lơưr ntênhk ciêz têz qơưk phax tar ntux têz uô hiêv shông 2019 đros muôx chôngz cán bộ, công chức, chiến sĩ lưx lươngv vũ trang, shux xênhz têx tsêr cơưv ntơưr thiêz pêx xênhv sâuv thax tsav tuôx đros cơưv. Ntơưv jiês cơưv no, zơưv Nguyễn Văn Khánh, Phưv chủ tịch UBND tỉnh Yên Bái hêik têx cấp, nganhx, tiv phaz, taz viv thiêz pêx xênhv tsik so sêiz kaz jông qiv hơưv li txơưr txar; gra siêz tsơưr lươngv njuôk xav hêik pâuz; nzor hêik pâuz sêi trâu cxuô cấp, nganhx thiêz pêx xênhv chiê bax tsưr ziv phax tar ntux têz uô hiêv. Uô jông tsưr ziv 4 ntơưv qơư, kho đuô thiêz cxiv uô truôx jông têx côngz trinhx zoz thôngz, njưs thêir đêx, pak đêx, côngz trinhx tir tar đêx ngaz, cuôr…./.

(TTTB-Lik Thox cxêik nhêhv)

Zơưv Nguyễn Thanh Dương, Phưv Chủ tịch Ủy ban tỉnh Lào Cai heik pâuz, hâur thax tsav tỉnh qir sâu jênhv moz ơưk buô châu Phi huôv xênhz ntơưv thax tsav 2 xã Bản Lầu thiêz Lùng Vai hâur huyện Mường Khương. Qir tiv xuz thơưx tâu xav tinhv zos viv tsôngv box zuôr têx nôngz buô muôx moz txix têx thax tsav, suôv qơư txơưr đuô lok zus.

Uô ntêx ntơư hnuz 16/5, đhâu thâuv txeik tâu mông buô trâus moz ơưk thiêz tuôs ntơưv jok Na Lin, xã Bản Lầu (Mường Khương), Chi cục tu zus thiêz kho moz tsiêx cxu tỉnh tưz tso canr bôv buôk ti muk hâur thax tsav qênhz yuôx, qênhz shuôs.  Txos hnuz 17/5, tưz pâuz mênhx chor buô trâus moz thiêz tuôs heik sâuv zos moz ơưk buô châu Phi. Moz huôv xênhz lok six sei, xav txos tal hnuz 17/5 tưz sâu jênhv muôx 6 chuôz zis tsôngv box  64 tuk buô trâul tuôs tsuv muôz hlơưr por tsês. Ủy ban tỉnh tưz tso tơưv ntâuz ntơưr chox kriê zênhx max, heik cxuô ngênhx ntơưv qơư hu sđ sik đros phax tir thêir moz, qênhz yuôx shuôs truôx jông, txo grêk tsơưs moz siz cik đêz đar./.

(An Kiên-Riê Lâux cxeik, nhênhv)

Nhiv kruôr đhâu, ntơưv jok Mòn, xar Chiềng Khoong, huyện Sông Mã, tỉnh Sơn La tưz muôx yưv iz txuz tênhv gruk uô tuôs 2 lênhx nhuôs zâu; 2 lênhx nhuôs txơưr trâus saz. Lơưr zơưv Lò Văn Tiến, Chủ tịch UBND xar Chiềng Khoong puz pâuz: thâuv đa đêx ntơưv iz ziv chuôz zis hâur jok luz pak njêl, oz tuk nhuôs Lường Thị Diệp muôx 9 shông thiêz Lường Văn Nguyên muôx 7 shông tưz tuôr đêi ziv chuôz zis co txox hluôk tênhv. Tiv txox hluô tênhv co to, viv li tưz trâus tênhv gruk uô muôx yưv txuz txiêz nanv no uô trâu Diệp thiêz Nguyên trâus tuôs. Thâuv co sâuv ntus pak njêl yuôr 4 lênhx nhuôs, txox hluô tênhv tu pôngz lok tưz uô 2 lênhx nhuôs trâus saz./.

(Thanh Thủy-Lik Thox cxêik nhêhv)

Ntơưv thax tsa jok Nậm Thổn, huyện Nậm Bạc, tỉnh Luông Pha Băng, têz qơưk Lol Tsuôk, Phongx phax tar zax zênhz thiêz têx nênhs fêv Bôv đôiv Pênhz phax tỉnh Điện Biên đros Txiv ngaz huyện Mường Mày, tỉnh Phông Sa Ly thiêz Ty txiv ngaz tỉnh Luông Pha Băng, Lol Tsuôk nhiv kruôr ntêk tâu 2 lênhx nênhs thâuv tsênhv taz tov thâux gra zax zênhz muk muôs. 2 lênhx nênhs trâul ntêk tâu co zos Thạo Đềnh Chạ thiêz Thạo Na Sông, puôr lênhx nhoz uô cê ntơưv huyện Nậm Bạc, tỉnh Luông Pha Băng, Lol Tsuôk. Têx chuôz zênhx sâu tâu muôx 120 cxênhz njiêr yuôx shơư zênhz, 2 luz xor tôngx mê gra ntơưv têk, đros trâu têx chuôz zênhx txơưr đuô cik txos. Ntơưv cơ quan qênhz yuôx, Chạ thiêz Sông krêz lênhk tiêk, zuôr chor yuôx zax zênhz co ntơưv thax tsav ntus đriv 3 luz têz qơưk lol, tsênhv thâux gra lok txos tos cêr zuôr chox muk muôs trâu lênhx nênhs VN tưz tênhv zuôr chor zax zênhz ntơư uô ntêx txơưv trâus ntêk tâu. Nhiv no lênhx nênhs thiêz têx chuôz zênhx tưz tâu choz zok trâu Ty txiv ngaz tỉnh Luông Pha Băng tror tik cêr cxâuv trơưk đreiv li chei têz qơưk cui tinhv./.

(Vũ Lợi-Riê Lâux cxeik, nhênhv)