Zar hnuz kêix 19/6, Đoanx têiv plor Côx hôiv khóa 14 tỉnh Yên Bái zos zơưv Đinh Đăng Luận-Phưv trưởng đoanx têiv plor Côx hôiv tỉnh uô trưởng đoanx tưz muôx jiês njiz cử tri chor xar Túc Đán, Pá Lau, huyện Trạm Tấu.

Ntơưv jiês njiz, Phưv trưởng đoanx Têiv plor Côx hôiv tỉnh Đinh Đăng Luận tưz sâu jênhv cử tri huyện Trạm Tấu li têx ziv chênhv. Khav tênhv Đảng, têz qơưk thiêz tiv phaz tsik so tsov cưv txos côngz xưv cxuôv yêiz thiv pluôs, paz trâu pêx xênhv sir zôngv têx kỹ thuật yiêz lok uô xênhz yar, gra siêz luz nênhx cxuô zav trâu pêx xênhv, tsov cưv uô jông têx tsênhv chêi ngaz tuk xar hôiv trâu tsôngv box mênhx cxưx tsơưs nênhs, thax tsav txov nhêv tiv zix./.

KT-Lik Thox cxêik nhênhv)

Txix hâur shôngk hông txos nhiv no, grê muôs têx xiv kôngz nuv đhâu trôngx đriv ntiêx têz Lào Cai muk trâu Trung Quốc tsar ndê siêz, tâu 250 ntâu tsov USD. Hâur co, muôs ntâu yax zos txir thanh long, 300 cxênhz tênhr , tâu xar muôx 190 tsov USD, tsar ndê nhos 700% pir li shông uô ntêx. Iz chas ntơư, iz luz hlik tror lok no, txix thâuv qir txos cheix sâu đê, txir lưv tsiz muôs trâu luôs 2 chas têz qơưk đhâu trôngx đriv cux tsar ndê ntâu, xar muôx 8 cxênhz tênhr, tâu  nhos 4 tsov USD. Zơưv Trần Anh Tú, Chi cục phưv Chi cục Hải quan Trôngx đriv ntiêx têz Lào Cai heik pâuz:

“Têx xiv huv kôngz nuv đhâu trôngx đriv Lào Cai puôr lênhx tâu tsov cưv uô ntêx hlo viv li hâux lưv qênhz yuôx shuôs têx ntâuz ntơưr lok six zôngx ziv thiêz sei, xav kror đruôz đraz tsuôk txix 3-5 phênhz xưz tưz muôx têx muk tâu đhâu. Iz chas muôz trâu ntâu lênhx uô têx nuv  li heik sâuv xưk: Seiz kaz cux uô tâu lok six seiz thiêz zôngx ziv, txix ntơư uô tâu trơưk chei têz qơưk chiê muôs tâu sei têx xiv huv kôngz nuv co muk trâu luôs 2 chas thax tsav, têz qơưk đrâuv”./.

(An Kiên-Riê Lâux cxeik, nhênhv)

UBND tỉnh Điện Biên nhiv kruôr tso tơưv cuêz tênhv xưv bluô hành chính, chor nhiêx 370 triệu đêiv đros Công ty Cổ phần hmôngr Hồng Diệp (qơư nhoz ntơưv xar Hẹ Muông, huyện Điện Biên, tỉnh Điện Biên), viv uô cxâuv hâur yưv pênhr, cxiv tsa. Lơưr cuêz tênhv no, Công ty cổ phần hmôngr Hồng Diệp tưz uô zuôv têx cuiz tênhv hành chính thâuv tsik tâu uô tiêr thax tsav xưv lik têx đêx tsik hur hâur uô xênhz yar lơưr cuiz tênhv, taz sik cux tsik tâu uô siv, uô trâu luz pak đêx trâus tơưs thâuv tsik tâu xưv lik; chor đêx hâur pak ntưk trâu têx cưx đêx  uô trâu chor njêl trâus tuôs ntâu nhoz tuk đêx Nậm Núa; thiêz muôz côngz trinhx cxiv tsa lok sir zôngv thâuv tsik tâu muôx cơ quan sêiz car têz qơưk muôx qênhx li ntơưr côngz jênhv./.

(vũ Lợi-Lik Thox cxêik nhênhv)

Ntơưv huyện Sông Mã, tỉnh Sơn La nhiv kruôr muôx iz txuz xoz tuô, uô  3 lênhx nhuôv zâu trâus saz thiêz trâul tuôs.  Mông xuz thơưx heik pâuz, 3 lênhx sâuv puôr lênhx nhoz uô cê ntơưv jok Nà Dìa, xã Yên Hưng, huyện Sông Mã zos Quàng Văn Khánh, 14 shông; Quàng Văn Luôn thiêz Quàng Nhật Khanh, puôr lênhx 12 shông thâuv tsênhv taz tov muk zus nhux txơưv trâus xoz tuô. Lênhx nhuôv Khánh trâul tuôs, 2 tuk nhuôv Luôn thiêz Khanh gơư trâus saz tsênhv tâu chox muk chơưv kho trâu tsêr kho moz. Đhâu hlo thâuv muôx yưv têx tsi jông li heik co, hâu nov xã Yên Hưng thiêz huyện Sông Mã tưz muk shuôs, tôngv zênhx chuôz zis muôx lênhx nênhs trâul tuôs thiêz trâus saz; iz chas ntơư, cxơưz tiês hâux lưv yax kriê chiê tsôngv box sđ gra siêz txux chi tsưr ziv chênhr phax, tir thêir ntux têx uô hiêv, chiê txo grêk tsơưs têx tsi jông, cêr pôngz siêz li heik sâuv./.

(Trấn Long-Riê Lâux cxeik, nhênhv)