Txix hmo 16/7 txos nhiv no, tror muôx ntux lok nas trâu cxiê qơư hâur tỉnh Lào Cai. Đros trâu têx trâus uô ruôr hiêv hâur têx coz nas  uô ntêx ntơư, tưz tror uô tox xưz poz, uô hiêv lox trâu cxuô thax tsav qơư. Ar, poz jêz txix sâuv têx trôngz siêz, tsas cêr, ntux nas ntêr hnuz, kror cxiê qơư đêx tưz cxênhv tas, uô ar poz jêz xưz poz lok trâus iz lênhx nênhs, tsôngv box 10 luz tsêr trâus puôk tsuôx, 15 ha kôngz lôngk thiêz iz cxiê côngz trênhx đêx liv trâus ar, poz jêz cxuz.

Ntơưv huyện Sa  Pa, tiv muôx iz cxiê thax tsav ar, poz jêz tưz xôngz thiêz xưz têx caz lox viv li hâur 2 hnuz 17 thiêz 18/7, Ban seiz car  phax tar nas chuô  thiêz zok nriêr chơưv paz lênhx nênhs huyện tưz tsuv yeik txar zênhx max 55 chuôz zis tsôngv box hâur têx xã Trung Chải, Bản Khoang, San Sả Hồ muk nhoz trâu qơư taz por. Iz chas ntơư, tox xưz poz cux uô ntâu txox cêr mul lok hâur thax tsav trâus cxuz, tsi jông tas./.

                                    (TTT-Riê Lâux cxeik, nhênhv)

Shir phaz thiêz jông siêz đros trâu lưv lươngv Cảnh sát hâur tỉnh thiêz hâur tas nro têz qơưk li phôngz yaox sik tưr uô nuv jông, têx lênhx chiến sỹ cảnh sát, Công an TP Yên Bái, tỉnh Yên Bái puôr lênhx xeir tsov têx nuv, tsưr ziv uô fiv đros zuk txux chi, đas jos, đhâu ntơư taz por uô tâu jông. Thiếu tá Vũ Minh Tiến-Phưv tsar Công an TP Yên Bái heik: "Sik tưr uô nuv jông zos phôngz yaox tâu têx canr bôv, chiến sỹ hâur tas nro taz viv sir jos uô lơưr thiêz thâuv tưs tưz uô tâu tiêr jông". Six hơưv no, canr bôv, chiến sỹ Công an TP ho đros sơưr đơưk sik tưr "hâur 55 hnuz sik tưr uô nuv jông hơưv tok Chiv nhênhv 55 shông Hnuz Chủ tịch Hồ Chí Minh cir ntơưr côngz fôr tso chei lok lưv lươngv cảnh sát (20/7/1962-20/7/2017). No zos six hơưv chiê sđ tror sik đros ndo txos têx cêr uô nuv jông đrav ntêx, phuôx huiz cêr nhiêv têz nhiêv qơư, sir jos uô tiêr tâu jông têx luôs hâux lưv zok muôz./.

                                              (KT-Riê Lâix cxeik, nhênhv)