Uỷ ban tỉnh Yên Bái nhiv kruôr tsưr tsix jiês uô tiêr côngz trinhx txox cêr txuôk txix cêr 32 trâu txox cêr muk chênhr Nội Bài-Lào Cai. No zos côngz trinhx chiê tok hơưv chiv nhênhv 130 shông hnuz xênhz zơưv hloz Hôx (19/5/1890-19/5/2020). Zos iz hâur 12 côngz trinhx zov chênhr tok hơưv Đại hôiv 19 Đảng bộ tỉnh Yên Bái. Dự án muôx pênhr yưv uô 930 tiv đêiv. Ntu cêr ntêr muôx 15 cêik cêr ntâu, hâur co, ntu cêr chênhr ntêr 11 cêik cêr ntâu; ntu cêr chêik ntêr 4 cêik cêr, tâu cxiv uô zos cêr lox muôx txâuk 4 hax yêz muk lok, muôx cêv kuôk hâur luz đraz. Côngz trinhx uô tiêr zuôr paz zôngx ziv trâu hâux lưv huôv tsar thành phố Yên Bái thiêz huyện Trấn Yên thiêz zos kror chiê paz thơưz yưv pênhr, cxiv tsa têx qơư đô thị yiêz, tsênhv qơư dịch vụ thương mại, y têr, zoz zux, du lịch sinh thái… sâuv thax tsav./.

(Tuấn xuân-Lik Thox cxêik nhênhv)

Đhâu 4 shông krêz uô Bộ chinhr trị li chỉ thị 05 CT-TW lok cơưv shâuv thiêz uô lơưr Hồ Chí Minh li shưz xar, cêr uô nênhx jông, cấp ủy têx cấp, taz viv, tiv phaz hâur tỉnh Sơn La tưz uô Chỉ thị reik đros hâux lưv uô Nghị quyết Trung ương 4 khóa 12 lok “Chuôz tsar cxiv tsa, hlôngr yiêz Đảng; tir tar txu grês têx siêz xar, tsưr ziv uô nênhx tsi jông...” thiêz têx nghị quyết, cui tênhv, chỉ thị, ntâus grê lok cxiv tsa, hlôngr yiêz Đảng đros têx njiêz luv jông, tsênhz mênhx, reik đros hâux lưv uô yênhx tiv phaz, chiz coaz, taz viv li jênhv vưv chinhr trị. Ban thường vụ tỉnh ủy thiêz Chủ tịch UB tỉnh Sơn La tưz khơưk muôz ntơưr kruôk 425 tập thêv thiêz lênhx nênhs; têx huyện ủy, thành ủy, đảng ủy trực thuộc, UB cấp huyện tưz khơưk muôz ntơưr kruôk trâu 2 cxênhz 500 tập thêv thiêz lênhx nênhs muôx yênhx tix jông hâur “Cơưv shâuv thiêz uô lơưr Hồ Chí Minh li shưz xar, cêr uô nênhx jông”. Zơưv Hoàng Viết Thắng, phường Chiềng Lề, TP Sơn La shir phaz heik:“Sơn La zos iz tỉnh tox siêz, cấp lênhs tov tưz hlôngr yiêz thiêz têx ban, nganhx, đoanx thêv tưz muôx lưx lươngv hluôk nênhs, têx đồng chí tưz lênhs tov tâu tsôngv box têx mênhx cxưx tỉnh mul lơưr Hloz Hôx thiêz tax tâu ntâu chêx cuk, ntâu zênhx liv hâur ntu hlôngr yiêz, cur lok six jông siêz”./.

(TTTB- Txâur Vax cxeik nhênhv)

An Kiên, nênhs sâu xor xưv Đaix nta suôz Việt Nam  thax tsav faz Bắc xa mông: Nganhx y têr Lào Cai nhiv kruôr muôx ntơưr xa trâu chor bác sĩ lok hâux lưv xêir zuôr yênhx puô lênhx  cán bộ y têr txux chi txix bác sĩ tror sâur trâu côngz xưv y têr tỉnh. Lơưr co, Lào Cai li zoz qơưx xêir zuôr bác sĩ ntu 2020-2025 zos 305 lênhx bác sĩ, ciês shông 2020 zos 103 lênhx. Đros chor cán bộ y têr muôx txux chi bác sĩ tror sâur, Lào Cai sir sôngv tsưr ziv xêir zuôr tsik đhâu thik tưr, mak tsuôk xêir zuôr đhâu nus lok siêz nhiêv huv đros trâu kror hâux lưv uô. Iz lênhx nênhs zuôr đăngk cir tâu xêir uô ntâu kror hâux lưv sik txơưr. Đhâu ciês thâuv tâu xêir zuôr lok uô hâux lưv chênhr, chor nênhs zos bác sĩ đa khoa tror sâur zuôr tâu paz ciês 50 triệu đêiv txos 240 triệu đêiv. Đuô li, hâur ntu uô hâux lưv, chor nênhs sir jos uô tâu jông zuôr tâu paz chiê cơưv siêz đuô đại học đros nhiêx paz txix 30 triệu đêiv txos 1 tiv đêiv; đros co cơ quan, taz viv uô hâux lưv zuôr paz tas nro nhiêx txiêx hâur ntu chiê muk cơưv nzir co./.

(An Kiên-Lik Thox cxêik nhênhv)

Hnuz 21/5, toàn án tỉnh Sơn La zuôr krêz jiês tik cêr cxâuv txuz án Trần Xuân Yến thiêz têx lênhx nênhs uô cxâuv: Liv zôngv qênhx liv uô cxâuv cêr chei hâur jiês thik THPT têz qơưk shông 2018 ntơưv tiv phaz. Lơưr co, Tòa án tỉnh Sơn La zuôr hu tas nro têx lênhx nênhs phamv cxâuv, lênhx nênhs muôx lênhx coaz tuôx cxaz chuôz. Muôx 15 lênhx luật sư cxaz chuôz. Chiê xưv phuôv trơưk lênhx nênhs, trơưk hâux lưv uô cxâuv, tòa án tỉnh Sơn La tưz thix ziv têx chiz coaz muôx lênhx coaz sik côngv uô jông hâux lưv. Đros thiêz lênhx nênhs cxoz txưv tsi tuôx cxaz chuôz lok sik muôx lik zơưx tsi tuôx cxaz chuôz uô zênhr shar txos jiês krêz tik cêr cxâuv mak tsuv muk ciês ntơưv qơư ntês chox tuôx./.

(VOVTB-Txâur Vax cxeik nhênhv)