Zar hnuz kêix 19/8, Phưv Chủ tịch têz qơưk Đặng Thị Ngọc Thịnh thiêz T.Ư đoanx côngz xưv tưz tuôx shuôs, phôngv côngz trâu canr bôv, chiến sỹ Công an tỉnh Yên Bái ndax six hơưv chiv nhênhv 75 shông hnuz chax chês Công an VN.

Hlôngr njêx muôs hâu nov Đảng, têz qơưk, Phưv Chủ tịch têz qơưk Đặng Thị Ngọc Thịnh phôngv côngz thiêz kruôs jông txos têx luôs hâux lưv uô tâu cux li tập thể canr bôv, chiến sỹ Công an tỉnh Yên Bái têx sir jos hâur lês uô cxuô luôs hâux lưv zok muôz, paz trâu tỉnh uô tiêr tâu jông têx tsưr ziv, hâux lưv cxuô. Phưv Chủ tịch têz qơưk heik mênhx, shông 2020 zos shông tsi thôngx li cxiê shông, muôx ntâu xor xưv chính trị zov chênhr hâur têz qơưk, lưv lươngv Công an tỉnh Yên Bái sik thôngx siêz, sir jos hla đhâu têx phiv liv, bax tsưr ziv fuô uô têx hâux lưv, taz por tsưx phưv truôx chính trị, truôx tuk XH, uô jông hâux lưv qênhz yuôx qênhz shuôs hâur thax tsav qơư, phax tir thêir tâu zênhx max têx uô cxâuv chei, tsi jông./.

 (Tuấn Xuân-Riê Lâux cxeik, nhênhv)

Hnuz 19/8, Công an tỉnh Lai Châu tsưr tsix njiz njêx muôs ndax chiv nhênhv 75 shông hnuz chax chês lưx lươngv Công an nhân dân Vn (19/8/1945-/19/8/2020) thiêz 15 shông Hnuz ntênhs tas nro tsôngv box por vêv txiv ngaz têz qơưk (19/8/2005-19/8/2020)

Ntơưv jiês njiz, têx teiv plor tưz tror thav txos ntu cxiv tsa, tơưv txênhz, huôv tsar đros têx yênhx lix jông mak lưx lươngv công an VN heik cxuô thiêz Công an tỉnh Lai châu heik taz tax tâu. Cxôngx zoz qơưx, jênhv vưv hâur qênhx shênhx yiêz, lưx lươngv Công an tỉnh Lai châu tror uô jông Đảng li têx chỉ thị, nghị quyết, têz qơưk li cêr chei lok côngz xưv taz por txiv ngaz. Trơưk six hơưv no, UB tỉnh Lai Châu tưz khơưk muôz ntơưr kruôk trâu têx tập thêv, lênhx nênhs jông hâur côngz xưv phax tar moz Covid-19 thiêz phax tar nênhs phamv cxâuv..../.

(K.Kiên-Txâur Vax cxeik nhênhv)

Ntux lok nas ntêr hnuz đros trâu têx coz nas lox, tror uô ruôr hiêv nhoz têx tỉnh Tây Bắc hâur niêx hnuz. Xav txos 5 six tsâuk ntux hnuz 19/8, đêx nas huôv lox, tox xưz poz ntơưv Lào Cai tưz uô tuôs thiêz pôngz plox mông 3 lênhx nênhs, trâul saz 3 lênhx; 2 lênhx nênhs ntơưv tỉnh Lai Châu thiêz iz lênhx nhoz Sơn La trâul tuôs; yênhx puô luz tsêr nhoz thax tsav Tây Bắc trâul đêx nas ngaz, uô puôk tsuôx lok sik tsuv yêik txar qơư nhoz zênhx max. Tsôngv box nhoz têx thax tsav Tây Bắc têx kôngz lôngk cux trâul uô ruôr hiêv hnhar tas yênhx puô ha; ntâu tus tsiêx cxu, keiz ok trâul đêx nas cuôr yôngz, ntâu txox cêr muk lol hâur tỉnh, xã trâul xưz poz…. Trơưk li thôngz sâu xuz thơưx, ntux nas lox hâur 2, 3 hnuz no tưz uô hiêv lok kinh tế trâu tỉnh Yên Bái tas muôx 12 tỷ đeiv; tỉnh Lai Châu 8 tỷ đeiv ntâu, tỉnh Lào Cai 5 tỷ đeiv thiêz tỉnh Sơn La 3 tỷ đeiv ntâu. Txix têx njuôk xav, coz nas chuô lox sôr 4 tsênhv zuôr tror lok hâur 2, 3 hnuz zuôr txos thiêz, chênhr viv li cxuô thax tsav qơư tsuv tror qênhz shuôs têx suôv qơư zôngx ziv trâul xưz poz, đêx nas ngaz, cuôr yôngz ntơư chiê yêik txar tsôngv px muk nhoz trâu têx qơư truôx tuk, zênhx max fuô kriê têx tsưr ziv phax tar đêx nas chuô fiv đros trâu yênhx thax tsav./.

 (TTTB-Riê Lâux cxeik, nhênhv)

Li VOV Tây Bắc tưz tso mông, tas cik hnuz 13/8 nhiv kruôr đhâu, L.T.M xênhz shông 1997 nhoz jos Háng Trợ, xã Phì Nhừ, huyện Điện Biên Đông, tỉnh Điện Biên thâuv tsênhv đros 2 tul mê nhuôv pư tsâus jos txơưv trâus 2 lênhx txir nênhx nhiês lok hâur tsêr thiêz zuôv uô đaz uô tuôs. Đhâu thâuv nriêr pâuz, qênhz yuôx, Công an huyện Điện Biên Đông tưz ntês tik cêr cxâuv 2 nênhs fêv co zos: Hờ A Chầu thiêz Hờ A Lái puôr lênhx xênhz shông 1998, nhoz jos Háng Trợ, xã Phì Nhừ. 2 lênhx nênhs no puôr lênhx đros M nhoz côngv iz jos, thiêz 1 hâur 2 lênhx nênhs no zos M li kuz hluôk đrâus. 2 lênhx nênhs no tưz lix phênhz pox neiev thiêz tsi muôx hâux lưv uô ngaz tul. Liv zôngv six hơưv M tul txir tsênhv cơư tux tiv muôx lênhx coaz txos zax zênhz, 2 lênhx nênhs no tưz nhiês lok hâur tsêr thiêz zuôv M uô đaz uô tuôs. No zos hâux lưv uô cxâuv cêr chei, tsuv yưr lir txos qơư./.

(Vũ Lợi-Txâur Vax cxeik nhênhv)