Mường Sai zos xã tox siêz ntus đriv, kuôk đêz tsênhv qơư huyện 43 cêik, nhoz faz Đông Nam huyện Sông Mã, tỉnh Sơn La. Xã Mường Sai muôx 829 chuôz zis, zuôr xar 4 cxênhz lênhx nênhs, tsôngv px nhoz no luz nênhx tsênhv yuôr ntâu txov nhêv. Chiê sik pheiz kênhx têx cêr txov thiêz phiv liv đros tsôngv px, iz chas muôz huv puz, tsaz yênhx “Cheix ntux yiêz, têx tuz lênhv pênhz phax siz chos paz trâu tsôngv px” tsênhv nthuôr uô têx txux chi cêr lov jêv li: Sik truz hluô, sik lâuz pak, lêiv poz, ntâuk los txir toz.... Niêv lâuk Dạ Xênhv Shôngx, nhoz jok Long Lót, xã Mường Sai, huyện Sông Mã, Sơn La heik pâuz:“HNuz no pêz tuôx đros côngv cêr lov jêv ntơưv no lok six jông siêz thiêz px sđ tâu đros uô lok six ntâu têx txux chi cêr lov jêv jông, đhâu têx cêr uô si lov jêv co pêz sđ lok six shir phaz, viv zuôr tâu tok shông yiêz thiêz tâu chuôs njiz têx cưr tix nênhx tsa cxênhz jê, tâu yav tsiêz 30”./.

                                   (Việt Anh-Riê Lâux cxeik, nhênhv)

Niêv tix Thox Xênhv Lý, nhoz jok San Thàng, xar San Thàng ziv chuôz zis muôx luz nênhx lok six txov nhêv. Txix phênhv Cuiv “Hnuz viv nênhs pluôs”, thành phố Lai Châu tưz paz 50 triệu đêiv; Đảng ủy xar San Thàng thiêz Hội chữ thập đỏ thành phố paz nzir 15 triệu đêiv, đros chuôz zis chor nhiêx cxênhx tsês tâu; chor hluôk nênhs, pox nhuôs hâur jok li têx đas jos paz, đhâu 2 hli ntâu kriz uô, niêv tix Thào chuôz zis tưz muôx tsêr yiêz chiê nhoz. Hâur luz tsêr yiêz nhiv kruôr uô tâu, niêv tix Thox Xênhv Lý, jok San Thàng, xar San Thàng, thành phố Lai Châu shir phaz puz pâuz:“Thâuv ntêx cur chuôz zis cux txov nhêv hênhr, uô tsâus têz qơưk tưz paz uô tsêr trâu pêz nhoz; muôx vax tsêr lơưv mak tsik cxơưx loưv, Shông no tâu nox tsiêz hâur luz tsêr yiêz, nhiv no cux tso siêz tsik xar ntâu lơưv”./.

(VOVTB-Lik Thox cxêik nhênhv)

Zơưv Hoàng Văn Thảo, nhoz xã Đại Sơn, huyện Văn Yên, thâuv ntêx zơưv chuôz zis lok six txov nhêv cơưk. Zơưv chuôz zis muôx 4 lênhx nhuôs, viv li 2 niêv txir sir jos khưr niêx shông lok cux tsuôk txâul nox xưz. Thâuv tưs txos tsiêz 30, tơưv shông yiêz ho trâus cxơưx, viv tsi pâuz muôz nhiêx txiêx kror tưs lok chiê zuôr tsôngk tril yo, khâu yiêz trâu têx nhuôs đros luôs hnar, luôs trâu uô si hâur hnuz tsiêz. Đhâu 15 shông ntâu muôz zuôr xar 10 ha liêx têz por tox đo hlôngr chos ciêv fix, chuôz zis luz nênhx tưz hlôngr yiêz. Zuôr xar 10 shông lok no, ciêv fix tưz gra lok phênhv sâu tâu trâu chuôz zis, xav kror đruôz đraz muôx 200 tsov đeiv iz shông. Muôx nhiêx txiêx, zơưv tưz uô tâu vax tsêr jông đros luôs lưv tuk nhoz, zuôr tâu yêz lox thiêz muôz pênhr trâu têx nhuôv muk huôv tsar uô nox uô hnar. Ciês shông 2019, zơưv krêz sâu zuk chuôz zis têx ciêv fix 15 shông ntông ntơư tâu nhos 300 tsov đeiv ntâu:“Thâuv ntêx tsi tâu muôx ntông ciêv fix no mak sir jos khưr hâur niêx shông lok cux zos txâuk nox xưz. Khov chos têx ntông ciêv fix tâu 2, 3 shông lok no, luz nênhx tưz hlôngr yiêz, nhiv no cxiv uô tâu vax tsêr jông, muôx yêz đros luôs cheix, tâu nox kaz hnar jông li luôs lưv tuk lơưv”./.

(VOVTB-Riê Lâux cxeik, nhênhv)

Chiê cov muôx tâu tênhv qơư jông trâu pêx xênhv tok tsiêz shông 2020, công ty Tênhv qơư Lào Cai tưz kriz uô tsưr ziv vêv xênhz txix nhiv no tax txos tas tsiêz. Lơưr tsưr ziv, txix hnuz 22 tsiêz (16/1), iz jiês uô hâux lưv piz chuôz ndê đuô pir li cxiê hnuz txix 1-3 six hơưv. Tiv zix hâur oz hnuz 29 thiêz 30 tsiêz, xí nghiệp tưz hêik công nhân uô hâux lưv 3 ca piz txix 5 six sơưr nzor thiêz suôv câuv trâu thâuv 11 six ntâu iz tas hmo chiê uô vêv xênhz nhoz 500 ntu cêr sâuv thax tsav thành phố Lào Cai./.

(Báo Lào Cai-Lik Thox cxêik nhênhv)