Hnuz 20/11, Công an tỉnh Sơn La tưz muôx lênhv ntês thiêz seiz car qơư nhoz đros lênhx nênhs Đèo Văn Ban, 61 shông, zos kuz canr bộ UB huyện Mường La, bí thư chi bộ jos Co Chai, xã Mường Chùm chiê qênhz yuôx lok hâux lưv cxoz txưv uô tsi trơưk têz qơưk li Cêr chei uô muôx yưv têx hâux lưv tsi jông. Qir thơưx, công an xav jênhv, chuôz zis zơưv Đèo Văn Ban muôx mênhv chêx ar tâu pox hâur dự án txar qơư nhoz yiêz chiê zuôr qơư uô tsêr meir đêx tênhv Sơn La thiêz tưz jênhv nhiêx txiêx pâux nzir cxôngx shông 2005.

Shông 2014, thâuv tỉnh Sơn La muôx chủ trương choz trâu UB huyện Mường La njuôs siv seiz shuôk phênhv tưz pâux nzir thiêz tsi tâu pâux nzir chiê muôx tsưr ziv muôz trâu Ub tỉnh. Liv zôngv chủ trương no, Đèo Văn Ban tưz đros iz cxiê cán bộ nhiv kruôr trâus tik cêr cxâuv uô chuôr ntâuz ntơưr chiê jênhv chor nhiêx txiêx pâux nzir, uô ruôr hiêv txos nhiêx txiêx têz qơưk. Shông 2014, zơưv Đèo Văn Ban chuôz zis li mênhv chêx ar đar 4,5 hecta, ntâu phênhv trâus đêx ngaz, njuôs xav tsi tâu taz sik cux tâu njuôs xav thiêz lav chuôz ndê yênhx 17 hecta chiê jênhv nhiêx txiêx pâux nzir. Uô ntêx co, chiz coaz chiv ngaz Công an tỉnh Sơn La tưz ntês cơư thiêz seiz car 14 lênhx nênhs muôx lênhx coaz, muôx cuiz tênhv tik cêr cxâuv, txưr tsi puz mul đhâu thax tsav qơư nhoz đros 2 lênhx nênhs txơưr./.

                                                                                                   (TTTB-Txâur Vax cxeik nhênhv)

Lơưr xor mông txix Phòng phax tar zax zênhz thiêz nênhx phamv cxâuv, Bộ đội pênhz phax tỉnh Điện Biên, thâuv 5 six zuôr tsâuk ntux hnuz 19/11, lưx lươngv pênhz phax tỉnh tưz ruôr tâu yênhx côngz chuyên án 026L, cxov tâu oz lênhx nênhs muôl muôs, thâux gra tsik zos chêi 4 cir zax zênhz txix ntus đriv lok hâur tez qơưk chiê muôs.

Đhâu qênhz shuôk, Oz lênhx nênhs co jênhv tiêk tưz zuôr chor zax zênhz co ntơưv thax tsav ndê chiv ntus đriv 17, thax tsav jok Nậm San. Xã Mường Nhé, huyện Mường Nhé txix chor nênhs Lào, thâuv tror lok chêk trâus cxov. Nhiv no txuz hâux lưv tsênhv tâu chor lưx lươngv txơưx jênhv kriz đar qênhz yuôx uô tsênhz mênhx./.

                                                                                                     (Vũ Lợi-Lik Thox cxêik nhênhv)

Cxôngx hâur shôngk shông txos nhiv no, huyện Lục Yên tưz cungz 1 cxênhz 200 ntơưr côngz jênhv qênhx sir zôngv ar, qênhx sir zôngv tsêr nhoz thiêz chuôz zênhx chuôz tas txơưr reik đros ar trâu zuôr xar 800 ziv chuôz zis, lênhx nênhs; hlôngr tsưr ziv sir zôngv ar trâu 250 lênhx nênhs đros mênhv chêx muôx 42 cxênhz ntâu yiv ndis.

Six hơưv zuôr txos, huyện tror chox kriê choz coaz chuyên môn đros UB têx xã, thị trấn uô jông côngz xưv cungz ntơưr côngz jênhv qênhx sir zôngv ar, qênhx sir zôngv tsêr nhoz thiêz chuôz zênhx chuôz tas reik đros ar têz trâu têx ziv chuôz zis, lênhx nênhs; chêx chôngk car chêx têx phêv liv, têx tsi tâu uô tâu, hlôngr yiêz ntâuz ntơưr hành chính chiê cxơưz tiês cungz ntơưr côngz jênhv qênhx sir zôngv ar trâu têx tsưr tsix, ziv chuôzz is, lênhx nênhs./.

                                                                                        (KT-Txâur Vax cxeik nhênhv)