Tsơưs tsơưs 10 lênhx nênhs trâul tuôs thiêz 7 lênhx txơưr đuô trâus saz thâuv iz txuz tsas ar xưz poz ntơưv iz qơư tsiv uô thênhx nhoz TP Kít-uê, tỉnh Cốp-pơ-beo, Băm-bi-a.

Txuz tsas ar xưz poz co zos xưz ntơưv iz qơư khơưz têx ar gok tsiv uô thênh thâuv iz luz mêir khơưz ar vâu lok têik têx lênhx nênhs uô thênhx tsênhv uô hâux lưv saz hâur kaz. Mông txix tsêr kho moz Kít-uê heik pâuz, 7 lênhx nênhs no nhiv nor tsênhv trâus moz lok six hnhar. Tsênhv thâuv co têx mông txơưr đuô heik, chor nênhs trâul tuôs hâur txuz tsas ar thiêz yêz khơưz xưz poz, vâu lok têik co muôx txos 20 lênhx nênhs. Têx hâux lưv tsiv uô thênhx txix têx ar gok nhiv no tsênhv zos iz cêr cxơưx lox ntơưv Dăm-bi-a viv muôx tsi txâuk têx faz tsưr ziv lok sâuv taz por truôx tuk./.

(BTS-Riê Lâux cxeik, nhênhv)

Hâur 6.000 ntâu lênhx shux xênhz dự thik cơưv tiêr ntơưr cxênhx pêz têz qơưk zuôr txos ntơưv Lào Cai, muôx 50% ntâu zos têx tuz nhuôs mênhx cxưx tsơưs nênhs, tiv zix chôngz lênhx shux xênhz muôx luz nênhx txov nhêv, nhoz ntơưv têx qơư tox siêz, cêr muk lok phiv liv. Chiê taz por trâu jiês thik tax tâu chêx cur jông tiv zix, tỉnh Lào Cai tưz tso tơưv têx tsưr ziv tsov cưv txos chor shux xênhz no. Lơưr co, tas nro tỉnh muôx 165 lênhx shux xênhz muôx luz nênhx txov nhêv tiv zix zuôr tâu paz cxaz chuôz trâu jiês thik đros nhiêx paz 300.000 đêiv iz lênhx shux xênhz, nhiêx paz tâu muôz txix nhiêx txiêx têz qơưk tiv phaz. Đuô li, tas nro chor shux xênhz nhoz đêz, zos muôx zoz qơưx zuôr tâu paz tsar tov qơư nhoz hâur six hơưv thik tưr ntơưv chor tsêr cơưv muôx qơư nhoz sâuv thax tsav.

Đros co, chor hluôk nênhs uô ntêx hlo cux zuôr cxaz chuôz paz trâu jiês thik. Zơưv Nguyễn Thế Dũng, Phưv giám đốc sở zoz zux thiêz thox cxov tỉnh Lào Cai puz pâuz:

“Pêz tsênhv sir jos uô cov uô chak chiê chính quyền tiv phaz, chor cơ quan ban nganhx đros chor tsêr cơưv ntơưr sik côngv bax jông thiêz cxix cxuô têx tsar tov trâu shux xênhz. Pêz cux chox kriê chor tsêr cơưv nội trú, niêv txir zus mor paz tsar tov trâu chor shux xênhz thiêz niêv txir nhoz đêz muôx qơư nox nhoz so hâur ntu thik tưr..”./.

                                                                             (An kiên-Lik Thox cxêik nhênhv)

Shông no, tỉnh Sơn La muôx 10.400 ntâu lênhx shux xênhz dự thik cơưv tiêr ntơưr lớp 12, ntơưv 43 qơư thik. Iz jiês no, luôs hâux lưv bax trâu jiês tưr thik cơưv tiêr ntơưr lớp 12 thôngz têz qơư shông 2018 ntơưv tỉnh Sơn La tưz uô tâu tiêr tas hur si, ngênhx zoz zux cux xưk li têx lênhx shux xênhz tưz bax tâu jông trâu jiês tưr thik đros thiêz têx cêr shir phaz, sir jos cov uô tâu jông yax. Zơưv Trần Xuân Yến, Phưv Giám đốc sở zoz zux thiêz thox cxov tỉnh Sơn La heik pâuz:

“Txos iz jiês no, Sở zoz zux thiêz thox cxov tưz đros Công  an tỉnh bax uô jông cxuô luôs hâux lưv lok sâuv por hưv jiês thik, đros têx sở, ngênhx, Ủy ban cxuô huyện, TP, chox kriê têx tsêr cơưv  thiêz tsênhv qơư bax têx zuôr trâus txos trâu jiês tưr thik ntơưr. Hur tiz si têx tsêr cơưv thiêz tsênhv qơư đhâu thâuv Sở zoz zux thiêz thox cxov tsưr tsix qênhz yuôx tưz pov tâu cxuô zav hâux lưv bax trâu jiês tưr thik ntơưr no bax uô tâu jông, taz por truôx tuk”./.

(Trấn Long-Riê Lâux cxeik, nhênhv)

Tỉnh Lai Châu nhiv no muôx zuôr xar 3.300 lênhx nênhs muôx zênhk zax zênhz muôx ntâuz ntơưr sêiz car. Chor nênhs muôx zênhk zax zênhz tưz tsik zos ntơưv thành phố, thị tứ, thị trấn xưz mak tưz muôx chôngz nênhs nhoz têx xar, jêx jok tox siêz, nhoz đêz, ntus đriv.

Đrâuv muôx nhos 100 lênhx nênhs tsuv chiv zênhk zax zênhz ntơưv têx tsênhv qơư, nhiv no tiv phaz muôx 2.000 ntâu lênhx nênhs cxaz chuôz chơưv kho txix yuôx Methadone, 630 lênhx nênhs chiv zênhk zax zênhz ntơưv côngv thôngx. Taz sik, tiv tsả rtov kinh tế-xar hôiv txov nhêv, chor nênhs muôx zênhk zax zênhz chiv txos tos tso tsês cux tsênhv muôx, viv li chor nênhs tror muôx zênhk thiêz muôx zênhk yiêz cux tsênhv chuôz ndê. Zơưv Vũ Tuấn Anh, Trạm trưởng trạm y tế xar Dào San, huyện Phong thổ, tỉnh Lai Châu puz pâuz:

“Chor nênhs muôx zênhk zax zênhz sâuv thax tsav xar txix 70-80% zos chor hluôk nênhs hâur hnuz nhôngs uô lox tôngv. Txix hâur shôngk shông txos nhiv no cux muôx txix 12 txos 15 lênhx nênhs txix 18 txos 40 shông trâus tuôs, trâus cik têx zav moz phiv liv tiv muôx zênhk zax zênhz. Tsaz yênhx chiv zênhk zax zênhz txix yuôx Methadone cux tưz tâu kriz uô sâuv thax tsav txix shông 2015, taz sik tas chêix uô kôngz lôngk mak lơưr ho muk uô jos đêz trâu saz Trung Quốc viv li chor nênhs chiv zênhk zax zênhz tâu yênhx côngz cux tsik chôngz luôx tưs”./.

(Khắc Kiên-Lik Thox cxêik nhênhv)