Zar hnuz kêix 20/10, đhâu thâuv mnôngs têx hêik pâuz lok njuôk xav dự án Chêi kho đuô, cxaz nzir iz cxiê Grê Bôv chêi Tố tụng Hình sự thiêz Chêi thống kê, Đoanx têiv plor Côx hôiv tỉnh Lào Cai tưz tsês six hơưv sêiz lax ntơưv tôv cik txos têx tsênhv njiêz no. Têiv plor ntơưv Lào Cai thôngx ziv đros hâux lưv tso uô cê chor lox tôngv tưz đhâu thox cxov muôx bằng, chứng chỉ đros trâu chor lox tôngv tưz đhâu thox cxov. Taz sik, hâux lưv phênhz tôv yênhx muôx bằng, chứng chỉ thiêz tsik muôx bằng, chứng chỉ zuôr tsik zos tas nro chor nênhs tưz đhâu thox cxov xưk li cơưv kik đuô sơ cấp, li cơưv tsơưs đuô 3luz hli, chor nênhs tâu thox cxov cik txos têx tsưr ziv têz qơưk lok huôv tsar kinh têr xar hôiv thax tsav tsôngv box mênhx cxưx tsơưs nênhs, chor tsaz yênhx tsưr ziv têz qơưk. Lok dự án Chêi kho đuô, cxaz nzir iz cxiê Grê Bôv Chêi Tố tụng Hình sự, chor têiv plor ntơưv Lào Cai hêik tiêk tsuv kho đuô, cxaz nzir ntu 3, Grê 146 Bôv chêi no lơưr saz cxaz nzir txơưx jênhv qênhz yuôx, xav jênhv ntơưr pênhr, mông hêik pâuz lok têx nênhs phamv cxâuv đros thiêz Công an xar (xưk iz zav li Công an phường, thị trấn, Zênhx Công an li txơưx jênhv), chiê chuôz cxaz trâu chor nênhs no li pưk txux, thôngx cxix paz txo grêk tsơưs têx hâux lưv tsênhv muôx lok six ntâu li nhiv no trâu Cơ quan qênhz yuôx Công an cấp huyện./.

(An Kiên-Lik Thox cxêik nhênhv)

Luôs hâux lưv uô siv tso têx yêz thâux xa kruô muk lol trâu luôs 2 chas tỉnh txix cêr ar hâur thax tsav chor tỉnh Tây Bắc hâur ciêz xuz thơưx njiz trâul iz cxiê phiv liv. Hâur co, muôx lok six tsơưs kruô muk lol zos iz hâur têx qir tiv uô têx lênhx tsưr yêz cxơưx txos. Zơưv Nguyễn Hoài Nam, Giám đốc Ban seiz car qơư tsav yêz thâux xa kruô tỉnh Điện Biên heik pâuz: Trơưk li Ban seiz car qơư tsav yêz thôngz sâu, hâur 2 hnuz xuz thơưx tsuôk muôx 5 luz yêz thâux xa kruô txix qơư tsav yêz TP Điện Biên Phủ muk trâu 3 luz tỉnh, co zos: 3 luz muk Lai Châu, iz luz muk Lào Cai, iz luz muk Sơn La. Têx hnuz txuôk lơưr co, phênhv ntâu zos tsi muôx kruô muk lol: “Nhiv no têx kruô muk lol tsơưs li co, 3 tỉnh Điện Biên-Sơn La-Lào Cai tsi yuô muôx kruô cheix yêz muk. Nhiv kruôr tso yêz thâux xa kruô muk lol, tsôngv kruô sơưr đơưk lơưr cux tsi tâu tâu pâuz txos têx no, cux iz zav li muk lol tsênhv njiz phiv liv hâur cxax yuôx vắc xin phax phôngz moz, seiz njuôk shuôs moz tas nhiêx, viv li tsôngv kruô lơưr cux tsơưs cheix yêz muk lol”./.

 (Khắc Kiên-Riê Lâux cxeik, nhênhv)

Ủy ban tỉnh Sơn La nhiv kruôr tso tơưv Cuêz tênhv lok hâux lưv tso tsês Tôv côngz xưv liên nganhx ntơưv trạm qênhz yuôx têx yêz muk lok, phax tar caz moz Covid-19 li hâux lưv uô. Lơưr co, piz txix 12 six tar su hnuz 20/10, tso tsês Tôv côngz xưv liên ngành ntơưv trạm qênhz yuôx têx yêz muk lok, phax tar caz moz Covid-19 nhoz chor huyện Vân Hồ, Phù Yên thiêz Thuận Châu li têx hâux lưv uô. Cik txos chor nênhs trâus moz Covid-19 yiêz nhiv kruôr pov ntơưv Tsêr kho moz đa khoa Cuộc sống nhoz Thành phố Sơn La, txos nhiv no, chor lưx lươngv muôx vax huôv tưz nriêr pâuz tâu muôx 16 lênhx nênhs nhoz jê, njiz tâu lênhx nênhs moz, 61 lênhx nênhs nhoz jê, njiz tâu chor nênhs nhoz jê thiêz njiz tâu lênhx nênhs moz co. Tas nro chor nênhs no tưz tâu cêv kuôk lơưr cui tênhv. Nhiv no tsêr kho moz đa khoa Cuộc sống li qơư njuôk moz thiêz njuôk shuôk caz moz tưz tâu cêv kuôk chiê phưx vưv trâu côngz xưv phax, tar caz moz. Lưx lươngv muôx vax huôv Thành phố Sơn La tsênhv hêik cov lênhx tưs tưz tuôx trâu Tsêr kho moz đa khoa Cuộc sống txix thâuv 3 six54 phênhz zar hnuz kêix txos trâu 5 six 30 phênhz zuôr tsâuk ntux hnuz 19/10 mak hêik ciês trâu têx cơ quan y têr jê tiv zix pâuz chiê tâu kruôz kriê lok tsưr ziv phax tar caz moz./.

(Trấn Long-Lik Thox cxêik nhênhv)

Tsênhv qơư seiz car phax tar moz Covid-19 tỉnh Lai Châu nhiv kruôr heik pâuz, hâur thax tsav qơư tưz muôx nzir lênhx nênhs tiv 7 trâul moz Covid-19, muk txix tỉnh Bình Dương tror lok. Lênhx nênhs moz no zos G.A.C, xênhz shông 2001, nhoz ntơưv xã Hồng Thu, huyện Sìn Hồ. Uô ntêx thâuv zuôr lok hâur qơư nhoz, lênhx nênhs moz co nhoz thiêz uô hâux lưv ntơưv xã An Điền, thị xã Bến Cát, tỉnh Bình Dương. Trơưk li qênhz yuôx, hnuz xiêz 03/10, tus nênhs moz heik sâuv đros 9 lênhx nênhs cheix yêz meir txix tỉnh Bình Dương lok hâur Lai Châu. Hnuz xiêz 07/10, chor nênhs co lok txos trâu ntơưv Hà Nội thiêz đros têx lênhx công nhân hâur iz paz txơưr đuô muôx 84 lênhx nênhs tâu lưv lươngv Công an Hà Nội muôz yêz lox xa lok choz trâu qơư seiz jor ndâux cêr, phax tar moz Covid-19 hâur tỉnh Yên Bái. Ntơưv tỉnh Yên Bái, lơưr tâu Công an tỉnh Yên Bái muôz yêz lox thâux xa lok txos trâu qơư seiz jor ndâux cêr phax tar moz Covid-19 hâur tỉnh Lào Cai thiêz tror tâu lưv lươngv muôx vax huôv tỉnh Lào Cai muôz yêz xa choz trâu qơư seiz ndâux cêr phax tar moz Covid-19 sôr 1 xã Sơn Bình, huyện Tam Đường, tỉnh Lai Châu./.

 (Khắc Kiên-Riê Lâux cxeik, nhênhv)