Chiê phêiz kênh tex phiv liv đros tsôngv box chor xar  ntus đriv, paz pox nhuôs muôx tsiêz nox cxix cxuô, Bôv chỉ huy Bôv đội pênhz phax tỉnh Sơn La sik côngv đros Hôiv liên hiệp gâux muôv vir ndâuk tỉnh thiêz iz cxiê taz viv li zênhx hangx kôngz nuv thiêz huôv tsar jêx jok, Zênhx hangx tsênhv chêi xar hôiv, zênhx hangx An Bình, Bưu điện tỉnh Sơn La nhiv kruôr tsưr tsix tsaz yênhx “Chêix ntux yiêz sik côngv-Tsiêz sik hluz sik paz” ntơưv xar ntus đriv Mường Lạn, huyện Sốp Cộp.

Tsaz yênhx tưz khơưk muôz 57 kror hax huv, iz kror tsiv gri 400.000 đêiv trâu 57 lênhx hôiv viên gâux muôv vir ndâuk muôx luz nênhx txov nhêv nhoz 16 jêx jok thiêz 2 qơư pêx xênhv nhoz ntơưv xar Mường Lạn, huyện Sốp Cộp. Hôiv gâux muôv vir ndâuk thiêz Bôv chỉ huy Bôv đội pênhz phax tỉnh cuzz khơưk muôz 50 kror huv trâu 50 lênhx shux xênhz pluôs sir jos hâur luz nênhx sâuv thax tsav. Têx huôx tôngv krưr nduôr txâuk puôz, sik truz hluô, ntâuk poz thiêz uô vênhx nghệ đros muôx chor cán bộ, chiến sỹ pênhz phax thiêz chôngz pox nhuôs ntus đriv tưz paz uô truôx đuô cêr sik côngv siêz nhoz ntus đriv./.

                            (CTV Tây Bắc-Lik Thox cxêik nhênhv)

Đros thiêz tsưr ziv sir jos “uô tiêr” luôs hâux lưv cxiv tsa jêx jok yiêz, hâur shông 2019, cấp ủy, hâu nov thiêz tsôngv px cxuô heir nênhs hâur xã Noong Luống, huyện Điện Biên, tỉnh Điện Biên tsênhv sir jos huiz tôngv cxuô pênhr jos chiê uô tiêr têx tsưr ziv, hâux lưv cxiv tsa jêx jok; cxuz cêr yeiz pluôs, gra siêz luz nênhx nox nhoz trâu tsôngv px.

Khov sir jos yax kriê, vênhv tôngv tsôngv px sđ bax hla đhâu cêr yeiz pluôs txix cxuô faz tsưr ziv, têx muôx jông ntơưv qơư; huôk njôngr têx tsưr ziv paz trâu huôv tsar kôngz nuv truôx vênhk, trơưk zoz qơưx ciêz đrôngs, lar heik zos muôz têx zuz nôngz kôngz jông lok uô hâur niêx shông, Noong Luống txix xã txov nhêv, txos nhiv no ntâu chuôz zis tưz hla đhâu yeiz pluôs, cêr txov, iz cxiê ziv chuôz zis tưz yênhx chuôz zis bluô nux./.

                            (KT-Riê Lâux cxeik nhênhv)

Thâuv 8 six 15 phênhv hnuz 20/1, ntơưv thax tsav ntus đriv, thax tsav jok Na Lốc 4, xar Bản Lầu, huyện Mường Khương, tỉnh Lào Cai, Đội qênhz yuôx đônx pênhz phax Bản Lầu tưz pov, cxov tâu iz lênhx nênhs tsênhv nhiês muk đhâu ntus đriv tsik zos chêi txix Trung Quốc lok Việt Nam đros ntâu chor fov ntơưr.

Đhâu xav jênhv xuz thơưx, lênhx nênhs co zos Hà Văn Thỉnh, zus shông 1990, mênhx cxưx Nùng, nhoz ntơưv jok Pắc Khao, xar Thái Đức, huyện Hạ Lăng, tỉnh Cao Bằng. Tas nro chor fov ntơưr co zos 21 cir. Nhiv no, Đônx pênhz phax Bản Lầu tưz uô tiêr ntâuz ntơưr thiêz choz zok lênhx nênhs co đros têx zav sâu tâu trâu Cơ quan Cảnh sát qênhz yuôx-Công an huyện Mường Khương qênhz yuôx uô cov tsênhz mênhx./.

                               (An Kiên-Lik Thox cxêik nhênhv)

Trơưk li têz qơưk Tsênhv qơư njuôk ntux yar ntux nas, tas cik sơưr nzor hnuz 21/1, têx chuô txiêk uô hiêv txos thax tsav tox siêz faz Bắc thiêz iz cxiê suôv qơư hâur thax tsav đông bắc Bắc Bộ.

Tiv chuô txiêk uô hiêv txos, nhoz têx tỉnh Bắc bộ hâur hnuz 21/1 no, muôx ntux lok nas. Nhoz chor tỉnh faz Đông Bắc Bộ thiêz Thanh Hóa mak ntux no njiv, thax tsav tox siêz ziv zuôr no njiv đuô, nhoz thax tsav tox siêz Bắc Bộ no njiv no hênhr./.

                               (KT-Riê Lâux cxeik, nhênhv)