Đros trâu cxuô đoanx đại biểu Quốc hội cxuô tỉnh, thành phố hâur hur si têz qơưs. Têis cik hnuz 20/5, Đoanx đại biểu Quốc hội cxuô tỉnh thax tsav faz Bắc tưz kriz cơưv jiês tiv 9, Quốc hội khoá 14, ntơư zos cơưv txuôk đros Quốc hội. Ntơư zos jiês kriz cơưv Quốc hội txuôk đros 63 đoanx đại biểu cxuô tỉnh, thành phố, nhoz saz Trung ương. Ntơưv cxuô tỉnh li: Yên Bái, Điện Biên, Lai Châu, Sơn La, Laox Cai, cxuô lênhx đại biểu Quốc hội nhoz saz đoanx đại biểu Quốc hội cxuô tỉnh đros trâu iz cxiê hâu nov nhoz cxuô tsênhv qơư cux đros cơưv jiês kriz cơưv no./.

                                                                                      (Tsu cxêik nhênhv-Thào Ly-VOV)

Đại hội đại biểu Đảng bộ huyện Bát Xát, tỉnh Lào Cai jiês tiv 23 tưz tâu kriz cơưv, muôx 235 lênhx đại biểu, hlôngr njêx muôs trâu 4 cxênhz ntâu lênhx đảng viên nhoz cxuô tsưr tsix cơ sở Đảng hâur huyện tuôx dưv. No zos Đại hội tâu Tỉnh ủy Lào Cai chox kriê uô siv uô ntêx chiê zuôr chênhz zênhv trâu têx đảng bộ nhoz hâur huyện, hâur tỉnh. Zơưv Nguyễn Văn Vịnh, Ủy viên BCH T.Ư Đảng, Bí thư Tỉnh ủy Lào Cai heik chor đại biểu tsuv tiz jông xeir tsov, bo BCH khóa yiêz, têx lênhx muôx txâuk txux chi, pênhr xưv, sik thôngx siêz viv hâux lưv têz qơưk, viv px. Tsưr ziv, hâux lưv hâur ntu zuôr txos cux tsuv tiz jông lês uô, fiv đros tsênhv tsênhz, tsưr ziv huôv tsar kinh tế-XH, uô li chas cov px tâu sơưv têx muôx liv thiêz jông./.

(An Kiên-Riê Lâux cxeik, nhênhv)

Hlôngr yiêz tsưr ziv uô cxuô luôs hâux lưv, tso tsês tsik uô ntâu ntâuz ntơưr, truz lur hnuz nhôngs uô tsôngv px thiêz doanh nghiệp têx ntâuz ntơưr. Chênhr zos li hêik ntơư, tỉnh Lai Châu cux zos iz luz tỉnh uô ntêx nyuôk hlôngr yiêz uô têx ntâuz ntơưr. Zơưv Nguyễn Quốc Tuấn,  Giám đốc Công ty Mạnh Quân hêik pâuz: “Pêz tưz hlôngr yiêz luôs hâux lưv uô têx ntâuz ntơưr cov huv đros thax tsav qơư nhoz. Hâur ntu đhâu, tsôngv px đros trâu côngv thôngx  doanh nghiệp cux muôx luk kruôk txos têx luôs hâux lưv hlôngr yiêz uôỗcuo zav ntâuz ntơưr huv đros”./.

                                                                                                Khắc Kiên-Thào Ly

Tas cik hnuz 21/5, Tòa án tỉnh Sơn La tror tu trôngx plâuz tik cêr cxâuv trâu 12 lênhx nênhs trâul cxâuv hâur txuz tsar ndê điểm trâu shux xênhz tưr thik cơưv tiêr ntơưr lớp 12 thôngz têz qơưk 2018. Iz chas têx cxâuv lok sâuv “liv zôngv zuk hâux lưv uô chiê tsar ndê điểm trâu shux xênhz thâuv lês uô têx hâux lưv zok muôz”, Viện Kiểm sát tỉnh Sơn La cxaz nzir 2 cêr cxâuv zos “muôz nhiêx xiêz” thiêz “lênhk txeil luôs lưv tus têx nhiêx txiêx” trâu 7 lênhx nênhs.

Chor nênhs muôz tik cêr cxâuv viv liv zôngv zuk hâux lưv uô thâuv tsênhv lês uô têx hâux lưv zok muôz zos: Trần Xuân Yến, kuz Phưv Giám đốc Sở Zoz zux thiêz thox cxov tỉnh Sơn La, Lò Văn Huynh-kuz Tsar phongx Khảo khí thiêz seiz car tsơưr lươngv Zoz zux, Cầm Thị Bun Sọn-kuz Phưv Tsar phongx chính trị Tư tưởng, Nguyễn Thanh Nhà-kuz Phưv Tsar phongx Khảo khí thiêz seiz car tsơưr lươngv zoz zux, Nguyễn Thị Hồng Nga-kuz canr bôv Phongx Khảo khí thiêz seiz car tsơưr lươngv, Sở Zoz zux thiêz thox cxov tỉnh Sơn la; Đặng Hữu Thủy-kuz Phưv thơưx seiz car tsêr cơưv cxênhx 3 Tô Hiệu, Đỗ Khắc Hưng-kuz canr bôv Phongx txiv ngaz chính trị, công an tỉnh Sơn La.

4 lênhx trâul tik cêr cxâuv lok sâuv “muôz nhiêx xiêz” thiêz “lênhk txeil luôs lưv tus têx nhiêx txiêx zos: Hoàng Thị Thành-kuz Chủ tịch Hội nôngx mênhx huyện Quỳnh Nhai, Trần Văn Điện-kuz canr bôv tsêr cơưv cxênhx iz thiêz cxênhx 2 Chiềng Cơi, TP Sơn La, Lò Thị Trường-px nhoz trâu TP Sơn La, Nguyễn Minh Khoa-kuz phưv thơưx phongx txiv ngaz chính trị, Công an tỉnh Sơn La.

Iz chas co, têx lênhx nênhs cxâuv li: Lò Văn Huynh, Nguyễn Thị Hồng Nga, cầm Thị Bun Sọn mak trâul tik cêr cxâuv nzir lok sâuv “lênhk txeil luôs lưv tus têx nhiêx txiêx”./.

(VOVTB-Riê Lâux cxeik, nhênhv)