Thâuv 10 six tsâuk ntux nas hmo hnuz 20/8, têx đêx hâur tus đêx Liêz ntơưv Lào Cai pur huôv jux juk tuôx. Txix têx njuôk ntux zuôr lok nas lox ntêr hnuz hâur2, 3 hnuz zuôr txos đros trâu têx đêx tsêr meir tênhv tênhz Mã Đồ Sơn (Trung Quốc) tso ntưk lol đhâu sâuv tus đêx Liêz, hâu nov tỉnh Lào Cai thiêz Yên Bái đros tsôngv px cxuô thax tsav qơư tưz bax fuô uô têx tsưr ziv phax tar đêx ngaz, tox xưz poz chiê txo grêk tsơưs têx tsi jông, trâul ruôr hiêv. Txơưv tiêk tsi muôx mông tsênhz mênhx heik lol sâuv tsêr meir tênhv tênhz Mã Đồ Sơn (Trung Quốc) zuôr tso đêx li chas, xav tsi tâu six hơưv hnuz nhôngs thiêz thax tsav qơư trâul uô hiêv chiê tso tơưv tsưr ziv chox kriê phax tar, Ban seiz car phax tar ntux uô hiêv thiêz zok nriêr chơưv paz lênhx nênhs tỉnh Lào Cai thiêz Yên Bái tưz bax tsưr ziv qênhz shuôs, sox seiz njôngr têx đêx chiê muôx tsưr ziv fuô uô, chox kriê cxuô thax tsav qơư phax tar thâuv muôx đêx huôv lox, đêx ngaz, tox xưz poz. Iz chas ntơư, yax kriê, heik px sđ njêik yêv  têx đra, chuôz zênhx chuôz tas tsi chiê trâul đêx ngaz, uô hiêv./.

(TTTB-Riê Lâux cxeik, nhênhv)

Hnuz 20/8, ntơưv têx tỉnh thax tsav Tây bắc ntâu qơư tưz tu nas, jông trâu hâux lưv khưx phưx têx trâus ruôr hiêv, zok nriêr lênhx nênhs trâus plox mông. Ntơưv TP Yên Bái đêx sâuv tul đêx Thao qir txu gris, têx lưx lươngv muôx txơưx jênhv thiêz tsôngv box chêx chôngk uô vêv xênhz tsêr nhoz.

Tas cik hnuz 20/8, têx lưx lươngv đros xã Nậm Xé, huyện Văn Bàn, tỉnh Lào cai tror nriêr zơưv Nguyễn Văn Khâm 61 shông zos công nhân Công ty cổ phần kôngz nuv- công nghệ siêz Hà Nội, njuôs xav trâus đêx nas cuôr yôngz thâuv tsênhv kho car đêx tos đêx lok qơư tu zus njês tầm. Zơưv Vàng A Tớ, Bí thư Đảng ủy xã Nậm Xé puz pâuz lưx lươngv chpưv paz thiêz tsôngv box jos Ta Náng krêz đar qơư nriêr sâuv tul đêx Xi Tan nhoz thax tsav. Ntơưv tỉnh Lai Châu, qơư ar xưz poz uô zaoz thôngz muk lok tsi tâu sâuv cêr 32 nhoz huyện Than Uyên, tỉnh Lai Châu tưz tâu yưr lir, krêz thôngz muk lok tâu. Txos hnuz 20/8, đêx sâuv tul đêx Liêz ntơưv Yên bái tưz gris 32 yiv, 20 ntâu thax tsav qơư nhoz TP Yên Bái đêx ngaz txu gris, tsôngv box chêx chôngk uô vêv xênhz qơư nhoz, cêr muk lok./.

(VOVTB-Txâur Vax cxeik nhênhv)

Txos hnuz 20/8, 4 lênhx nênhs tâu xav tiêk zôngx ziv trâul moz thiêz cik tâu moz Covid-19 ntơưv tỉnh Sơn La, đhâu seiz njuôk shuôs moz jiês tiv 3 tưz tsi muôx moz li chas txơưr txar hlo. Xưk li tưz xa mông uô têx ntơư, 3 lênhx tâu xav tiêk zôngx ziv trâul moz thiêz cik tâu moz hâur iz chuôz zis ntơưv jok 3, phường Tô Hiệu, TP Sơn La tâu xav cheix đros uô cê sâuv luz yêz za VJ770 lok txix Nha Trang trâu Hà Nội, muôx lênhx nênhs moz Covid-19 cheix đros uô cê sâuv luz yêz co. Đhâu thâuv muôx Bộ Y tế heik pâuz, 3 lênhx nênhs sâuv tưz tâu kuôk cêv tso lơưr nhoz lơưr iz kro ntơưv qơưk cêv chor nênhs moz nhoz Trung đoanx 754, Bộ chỉ huy quân sự tỉnh Sơn La thiêz tâu tso nyar seiz njuôk shuôs moz jiês tiv 2 puôr lênhx tsi trâul moz Covid. Đros thiêz iz lênhx nênhs ntơưv thax tsav Nà Sản, huyện Mai Sơn, tỉnh Sơn La tâu xav zos nhoz jê, buôk ti đros lênhx nênhs moz Covid-19 sôr 751 hâur jiês cơưv ntơưv Hà Nội. Đhâu hlo thâuv muôx mông heik pâuz lok lênhx nênhs moz sôr 751 trâul moz Covid-19, lênhx nênhs no tưz tâu tso nưk nhoz nưk iz kro ntơưv taz viv, Tiểu đoanx yar yêz za Nà Sản, nhoz Sư đoanx không quân 371, tâu tso nyar seiz njuôk shuôs moz jiês tiv 2 puôr lênhx tsi pov muôx moz li chas hlo. Nhiv no chor nênhs tâu xav tiêk zôngx ziv trâul moz thiêz cik tâu moz  tsênhv tror tâu  kuôk cêv tso lơưr nhoz lơưr iz kro ntơưv iz cxiê têx tsêr kho moz thiêz hâur chuôz zis puôr lênhx tsi pov muôx moz li chas./.

 (Trấn Long-Riê Lâux cxeik, nhênhv)

Tas cik hnuz 20/8, Tòa án tỉnh Điện Biên krêz jiês tik cêr cxâuv đros Lênhx Xênhv Muô thiêz 9 lênhx nênhs txơưr viv muôv muôs, thâux gra 150 đeiv zênhz đơưz. Lơưr Viện kiểm sát tỉnh Điện Biên li têx qênhz yuôx chor nênhs sâuv li têx uô cxâuv: hnuz 25/5/2019, tuêv côngz xưv phongx cảnh sát qênhz yuôx nênhs phamv cxâuv lok zax zênhz ( Công an tỉnh Điện Biên) đros Công an huyện Mường Nhé, Cục hải quan Điện Biên thiêz Công an huyện Mường Chà tưz pov Lênhx Xênhv Muô tsênhv muôs 655 ntâu gam zênhz đơưz. Đhâu krêz đar qênhz yuôx xav tênhv thâuv 10/2018, Lênhx Xênhv Muô tưz đros 9 lênhx nênhs txơưr cxaz chuôz thâux tas nro 150 đeiv zênhz đơưz. Hâux lưv no lok six riêz nênhs, uô cxâuv têz qơưk li cêr chei, uô zênhr shar txos taz por xã hội. Jiês krêz tik cêr cxâuv zuôr tsưr tsix hâur 2 hnuz 20 txos 21/8/2020./.

(Vũ Lợi-Txâur Vax cxeik nhênhv)