Shir phaz lul trâu shông yiêz shông no, đrôngl Sơn La tưz kriz nthuôr uô ntâu cêr lov jêv hơưv tok Đảng, tơưv tok shông yiêz thiêz hơưv tok 90 shông cxiv tsa tâu Đảng CSVN đros trâu hlơưr fov ntơưr tok shông yiêz; kriz ciêz chêix ntux yiêz trâu ntơưv iz cxiê thax tsav xã. Ntơư zos zuôr chuôz piz kriz uô txix hnuz xiêz 4 tsiêz. Zơưv Nguyễn Trung Khải, chủ tịch uỷ Ban đrôngl Sơn La hêik pâuz:“đhâu têx luôs hâux lưv uô ntơư, chiê tsôngv px sđ muôx cêr lov jêv, shir phaz hâur têx hnuz tsiêz thiêz cxơưz cxiz tsôngv px sđ  muôx cêr côngv siêz jông, đros cxiv kho thax tsav đrôngl cov ziv hnuz ziv hlôngr yiêz, jông jav”./.

                                         (Tsu cxêik nhênhv-Trấn Long -Hạnh)

Iz shông, thâuv txos tsiêz 30, chiê  qêz suô, tu têx vax tsêr tok shông yiêz, ntâu chuôz zis nênhs Cho khênhr đei têx đuôz, luk cxiêx siz tưr. Đhâu thâuv qêz suô, tu đu lus tas têx vax tsêr, lơưr muôz têx ntơưr đơưz lo, đei trâu saz đrâuv têx foz nja hâur tsêr chiê cov vax tsêr yiêz khir, jông nhoz. Đhâu co đei têx đuôz, luk cxiêx li heik sâuv trâu trơưk cui tinhv. Têx đuôz, luk cxiêx co tâu sâu uô ntơưr Cho, zos têx pax lul heik siz tưr....tâu sâuv têx đeiv ntơưr liêz lok sik ntâuz liêz, pir iz zav li hâur tsiêz 30 sđ shir phaz lus hơưv tok shông yiêz. Zơưv Tẩn Kim Phu, iz lênhx nênhs pâuz tsênhz lok heir nênhs Cho têx txux chi cêr nênhx vênhx huôv tâu tsôngv px thor sâu têx luk cxiêx li heik sâuv nhoz huyện Sìn Hồ, tỉnh Lai Châu heik pâuz nzir:“Đros thiêz nênhs Cho, thâuv tưs txos tsiêz 30, mak chuôz zis tưs cux muôx têx luk cxiêx li co. Têx luk cxiêx ntơư tsênhv zôngv chiê uô luk siz phôngv côngz hâur shông siêz, cov tsi muôx moz gênhs, shông yiêz uô tâu nox tâu hâuk, uô kôngz lok pur cxaz, tu tsiêx cxu lok pur guôx...”./.

(Chẻo Thu-Riê Lâux cxeik, nhênhv)

Hmo tsiêz 30 têz qơưs, hêir nênhs poz ziz Mường Lò, thị xã Nghĩa Lộ, tỉnh Yên Bái, cux muôx chax chêk gra đêx. Thauav luz six hơưv zuôr hla trâu shông yiêz, iz lênhx nênhs hâur chuôz zis co tsuv tâu muk trâu pêv hâur đêx chiê gra đêx lok đros trâu tsưr ziv siêz xar njôngr tiêk: Hauar shong yiêz, chuôz zis ntơư zuôr khưr tâu nox tâu hnar, muôx jông đas jos. Pos Lò Thị Trang nhoz Thị xã Nghĩa Lộ, tỉnh Yên bái hêik pâuz: “Cur lok six jông siêz trâu zuk hêir nênhs li chax chêk jông thiêz cur cux xar tiêk, zuk hêir nênhs poz ziz hâur thax tsav Mường Lò, Nghĩa Lộ li chax chêk tsuv tuôr cov tâu truôx tsik chiê pôngz plox”

(Tsu cxêik nhênhv-TTTB-Hạnh)

Tiv hlơưr fov ntơưr, iz lênhx hluôk tuz nhoz Lào Cai tưz trâul đis muôs, tsuv txiêr co tơư por tsês. Lênhx hluôk trâul moz co zos Hà Văn G, xênhz zus shông 1993, nhoz ntơưv jok Vải Siêu, xã Thượng Hà, huyện Bảo Yê, tỉnh Lào Cai. Lênhx nênhs moz no tâu chox tuôx trâu tsêr kho moz thâuv tuk nênhs trâul lok six saz, tsi yuô pâuz tsênhz lênhx tưs, kror cxiê qơư nyar liêz vok, saz kror muôs xik luz nôngz muôs trâul tơưs, luz kror muôs saz lâux trâus saz tiv têx hmôngr yuôx fov tơưs tuôx cuz thiêz pâus, cxeik tơư saz xik tơưs tas, cxeik tơư lâus lor poz cxa.....đros trâu iz chêr trâus to ntâu kror tiv fov ntơưr tơưs tuôx cuz thiêz uô hiêv. Tiv trâus lok six saz hênhr, chor cưk yuôx, bác sĩ tưz muôz cxeik tơưk saz xik txiêr por tsês iz za thiêz muôz luz nôngz muôs saz xik feik đơưx por tsês. Trơưk li chor nênhs hâur tsêr heik pâuz, uô ntêx ntơư, Hà Văn G thâuv muk uô hâux lưv nhoz trâu Hà Giang, nưk tưz zuôr tâu 2, 3 luz fov ntơưr lok chiê tâu hlơưr uô si lov jêv nox tsiêz. Zar tar su hnuz 17/1, đhâu thâuv hur si chor nênhs hâur tsêr nhiv kruôr nox mor tas, G tưz gra iz luz fov ntơưr muk hlơưr siv, hmôngr tsi jông txơưv muôx têx tsi jông li ntơư. Tsôngv px sđ tsuv tsưv ziv tsi cxoz hlơưr têx fov ntơưr viv no zos iz kro trâus txưr thiêz muôx têx uô riêz nênhs trâu zuk thiêz cxuô lênhx sđ./.

(An Kiên-Riê Lâux cxeik, nhênhv)