Hội liên hiệp pox niêv vir ndâuk tỉnh Sơn la nhiv no muôx 200 cxênhz lênhx hội viên, hâur ntơư hêir nênhs tsơưs txênhz txos 85%. Hâur têx shông đhâu, cxuô cấp hội pox niêv vir ndâuk tưz sir jos fuô yax kriê, tsôngv  pox niêv vir ndâuk siz chos huôv tsar cêr uô nox, cxiv tsa chuôz zis uô luz nênhx yar ntux đris thiêz paz phênhv cxươz cxiz huôv tsar cêr uô nox uô hnar, iz thênhv jux juk muôx luz nênhx tsâu sor trâu thax tsav qơư nhoz. Pos Quàng Thị Vân, phưv chủ tịch hội liên hiệp pox niêv vir ndâuk tỉnh Sơn la hêik pâuz:

 “Chiê yax kriê tsôngv pox niêv vir ndâuk hlôngr yiêz tsưr ziv huôv tsar cêr uô nox mak Hội liên hiệp pox niêv vir ndâuk tỉnh tưz chox car hội pox niêv vir ndâuk cxuô cấp chiê fuô uô  dự án 939, zos paz tsôngv pox niêv vir ndâuk huôv tsar cêr uô nox hâur ntu 2017-2025, cov muôx phênhv sâu tâu nhiêx txiêx trâu cxuô lênhx pox niêv vir ndâuk li chuôz zis”./.

                                                         (Tsu cxêik nhênhv-Trấn Long)

Huyện Tam Đường, tỉnh Lai Châu nhiv kruôr tsưr tsix hnuz ntênhs vênhx huôv shông 2018. Zơưv Từ Hữu Hà, Chủ tịch Ub huyện Tam Đường puz pâuz: Hnuz ntenhs zos jiês chiê tiv phaz heik kriê txos tsôngv kruô tuôx ndis shuôk têz qơưk têx mênhx cxưx sâu thax tsav li vênhx huôv jông. Thôngx cxix, heik kriê têx qơư jông, jêx jos vênhx huôv côngv thôngx chiê mul ndis shuôk cux xưk li têx xiv huv kôngz nuv zos tsôngv box têx mênhx cxưx uô tâu; chiê zaz zâuv tsôngv kruô tuôx ndis shuôk ju lix, paz tsôngv box muôx cxaz phênhv sâu txu yeiz cxuôv pluôs.

“ Ju lix zos huyện Tam Đường li iz hâur 2 tsaz yênhx coaz tsôngv hâur six cxiv 2015-2020 thiêz têx shông lơưr co. Đros têx qơư ju lix tưz muôx, pêz zuôr tror yưv pênhr kho đuô têx qơư ju lix co. Tiv 2 zos pêz zuôr nhênhz chơưv chiê huôv tsar cxaz iz cxiê zav ju lix txơưr, têx xiv huv txơưr, uô li chas chiê tuôr truôx kruô tuôx ndis shuôk ju lix, tiv zix zos kruô cxôngx Sa Pa tuôx huyện Tam Đường” ./.

                                        (Khắc Kiên- Thanh Thủy- Txâur Vax cxeik nhênhv)

Têis cik hnuz xiêz 20/10, phôngx sêiz car uô ntâuz ntơưr trâu chor nênhs muk đrâuv luôs oz chas têz qơưs, công an tỉnh laox cai tưz muôz Xi măng puz trâu tsôngv px nhoz jos Phìn Giàng, xã Cốc Ly-Bắc Hà. Ntơư zos đoanx muôz 40 tấn Xi măng trâu tsôngv px luz jos hêik sâu chiê cxiv uô  iz cêik cêr muk lok hâur jos. Iz chas ntơư, phôngx sêiz car uô ntâuz ntơưr trâu chor nênhs muk đrâuv luôs oz chas têz qơưs, công an tỉnh laox cai cux tsênhv cxiv uô iz cxiê côngz trênhx trâu côngv thôngx hâur jos. Ntơư cux chênhr zos iz luôs hâux lưv paz trâu tsôngv px huôv tsar cêr nox, muôx luz nênhx tsâu sor đros trâu uô cov tiêr luôs hâux lưv cxiv tsa jêx jos yiêz./.

                                              (Tsu cxêi nhênhv-KT báo Lào cai)

Phongx cảnh sát qênhz yuôx nênhs phamv cxâuv zax zênhz, Công an tỉnh Yên Bái nhiv kruôr ntês tâu iz lênhx nênhs muôv muôs 20 đeiv zênhz đơưz. Đhâu tơưv txênhz, lênhx nênhs co jênhv zos Ký Xênhv Hav xênhz shông 1987, nhoz jos Muống 2, xã Mường Lý, huyện Mường Lát, tỉnh Thanh Hóa. Chor zax zênhz ntơư Ký tâu ntiêr gra cxôngx Thanh Hóa mul Yên Bái chiê muôs. Nhiv no chiz coaz Cảnh sát qênhz yuôx Công an tỉnh Yên Bái tsênhv tror krêz đar qênhz yuôx, yưr lir lơưr pháp luật li cui tênhv./.

                                            ( Đinh Tuấn- Txâur Vax cxeik nhênhv)